معلومة جدًا جدًا مهمه جالسه براسي لها يومين، ف قلت أشاركها لكم ونستفيد، الي رح يتعلقون بالنتائج بشكل ملّح ومؤذي لذواتهم الثريد مش لكم.. Keep your mind open please 💜
كويكب فيرتكس حاجة فنانه اكتشفت أثرها قبل فترة.. الكويكب يتكلم عن القدر والمصير وفين ممكن نلاقي لمحة بسيطه من قدرّنا ومصيرنا بالخريطة خصوصًا بالميلادية، لكن بالسنوية يدل اوقات على احداث كارمية مصيريه ممكن تحصلّ معانا او الريدي حصلت، أمنية عظيمة تتحقق معانا، وهكذا!
ويتدبل أثر التأثير واحتمالية وقوعه لمن يقترن في كواكب اساسية او على الأوتاد.. مثل الشمس، عطارد، القمر، وممكن الطالع كحاجة محورية مهمة💜 واذا اقترن في احدً من الكواكب المذكوره رح يدل على الاحداث المصيريه الي ممكن تحصل لها علاقة في خصائص الكواكب..
هذا كويكب فيرتكس، عرفناه؟ نشيك عليه في السنوية وفين واقع بالضبط.. اذا كان في #الخامس هنا ممكن تحصل احداث مصيريه لها علاقة بالحب والعلاقات خلال سنتنا، ممكن حب أول نظرة مقدر انه يطلع في حياتنا فجاءة ويلخبط وضعنا مثلاً 😂، علاقة عابرة او كارمية رح تنتهي للأبد..
وممكن يقتصر الموضوع على شعور عميق يراودنا خلال السنة.. "ان هذا طريقكم الصح" لمن تتكلمون عن شخص، تخوضون علاقة مع الي تشوفون نفسكم مقدره معاه، لمن تعبرون عن نفسكم وهواياتهم وتركزون على سعادّتها، كل هذا ممكن يكون مهم في فيرتكس الخامس
برضو لو فيرتكس مثلاً في الابراج كبرج الجوزاء.. هنا ممكن نلاقي ان التعليم والتطوير الذاتي ممكن يكون جزء مقدرّ انه يخدمنا هالسنة، حاجة ممكن تحسسنا في شعور اننا على المسار الصح في الحياة، ممكن احداث مصيريه تخص التعليم العام *او محيط الأخوان والاخوات رح تحصل هالسنة، كأمنية بالدراسة💕
شيكوا على فيرتكس في سنواتكم السابقه وقيسوها.. هل لمستوا تأثيره هذاك الوقت وخضتوا اشياء مصيريه وقدرّيه أيًا كان السناريو؟ عني انا ايوة 🙏🏻 اترك لكم المجال 😻
جاري تحميل الاقتراحات...