دا ثريد منفصل كده عن المقامات باتكلم فيه عن تجربة شخصية ومقدار فهمي وحتت كانت عويصة معايا، مش ثريد علمي أنا كان نفسي والله يبقى عندي علم في الحتة دي أديهولك بس تقدر تعتبره دردشة أصحاب ع القهوة مش أكتر
والحساب عندي تعالا إنت بس
والحساب عندي تعالا إنت بس
أما بدأت أقرا/أتفرج ع فيديوهات عن المقامات عطلت في حتت كتير لدرجة اليأس، يمكن برضو دا عيب إن مصدر التعليم يبقى النت مش طريقة أكاديمية أو فهمي ع قدي، لحد ما ربنا وقعني في ناس ولاد حلال شرحولي بهداوة ففرقت معايا فأنا هلخص شرحهم واللي فهمته منهم
ولو في غلط فهو من فهمي مش من شرحهم.
ولو في غلط فهو من فهمي مش من شرحهم.
وفي حتة كده game changer هتفرق وتخليك تلعلع وتوفر عليك كتير
هناخد مقام العجم اللي ختمنا بيه في ثريد المقامات اللي فات
دا الأورج العادي
السلم الموسيقي زي ما كله عارف هو: دو ري مي فا صول لا سي دو
٨ نغمات تصاعدية تبدأ بال دو وتنتهي بال دو اللي بعدها اللي هو بيبقي صوتها أكثر حدة
يعني بدأ ب دو قرار (غليظة) وقفل ب دو الجواب (أكثر حدة)
دا الأورج العادي
السلم الموسيقي زي ما كله عارف هو: دو ري مي فا صول لا سي دو
٨ نغمات تصاعدية تبدأ بال دو وتنتهي بال دو اللي بعدها اللي هو بيبقي صوتها أكثر حدة
يعني بدأ ب دو قرار (غليظة) وقفل ب دو الجواب (أكثر حدة)
١- هل لازم السلم يبدأ من الدو؟ لا عايز تبدأ من الري فبراحتك بس اقفل ع الري اللي بعدها علشان تقفل ٨ نغمات
٢- مين بقى التون والنص تون دول؟
القصة ببساطة تخيل نفسك ماشي في طريق ع رجلك، الخطوة هي التون
الخطوة هنا في المزيكا هي تون شدة الأحبال الصوتية في الحنجرة
يعني للتبسيط أنا قلت دو، لو شديت أحبالي الصوتية بمقدار تون يبقى أنا كده جبت الري زودت تون كامل يبقى جبت المي
القصة ببساطة تخيل نفسك ماشي في طريق ع رجلك، الخطوة هي التون
الخطوة هنا في المزيكا هي تون شدة الأحبال الصوتية في الحنجرة
يعني للتبسيط أنا قلت دو، لو شديت أحبالي الصوتية بمقدار تون يبقى أنا كده جبت الري زودت تون كامل يبقى جبت المي
كل ماتشد كل ما الطبقة تزداد حدة ودا اللي بيوجع زورك أما تزعق كتير الحبال جابت جاز من الشد
فرضا أنا بقى ياسيدي مش عايز أمشي خطوة لا عايز أمشي نص خطوة تيجي هنا بقى فايدة علامات التحويل أو الصوابع السودا اللي في الصورة
مابين الدو وأول صباع أسود (أول علامة تحويل نص تون) وما بين أول علامة تحويل والري نص تون
يبقى زي ما في الرسمة كده المسافة الكلية بين الدو والري نص+نص=تون
مابين الدو وأول صباع أسود (أول علامة تحويل نص تون) وما بين أول علامة تحويل والري نص تون
يبقى زي ما في الرسمة كده المسافة الكلية بين الدو والري نص+نص=تون
نفس القصة زي ماهو في الصورة اللي فوق بين الري والمي تون كامل
إنما بص كده ع المي والفا المسافة بينهم قد إيه؟ بالظبط نص تون بس لأن مافيش علامة تحويل بينهم
حلو أوي دي نقطة مهمة جدا في شرح المقامات
إنما بص كده ع المي والفا المسافة بينهم قد إيه؟ بالظبط نص تون بس لأن مافيش علامة تحويل بينهم
حلو أوي دي نقطة مهمة جدا في شرح المقامات
طيب السؤال هنا دلوقتي
أنا عزفت دو أو ري فتمام، انما لو عزفت علامة التحويل اللي بينهم أسميها إيه؟
والله قدامك أحد اختيارين بالبلدي يا تسميها دو ونص، يا تسميها ري إلا نص
زي ما بالظبط ما أقول (١ ونص) دي تساوي واحد زائد نص، أو اتنين ناقص نص
أنا عزفت دو أو ري فتمام، انما لو عزفت علامة التحويل اللي بينهم أسميها إيه؟
والله قدامك أحد اختيارين بالبلدي يا تسميها دو ونص، يا تسميها ري إلا نص
زي ما بالظبط ما أقول (١ ونص) دي تساوي واحد زائد نص، أو اتنين ناقص نص
لو هتسميها دو (ونص) يبقى اسمها دو دياز وعلامتها #
لو هتسميها ري (إلا نص) يبقى اسمها ري بيمول وعلامتها شبه كده b
لو هتسميها ري (إلا نص) يبقى اسمها ري بيمول وعلامتها شبه كده b
علشان متنساش الدياز حروفها قريبة من زيادة يعني الدياز بتزود ع العلامة، دو دياز يعني نص تون فوق الدو
الري دياز يعني نص تون زيادة ع الري يعني هاروح ع الاورج وادور ع الري وادوس ع علامة التحويل اللي لازقة فيها هوب بقت ري دياز أو لو مركز في الصورة ممكن نقول عليها مي بيمول
الري دياز يعني نص تون زيادة ع الري يعني هاروح ع الاورج وادور ع الري وادوس ع علامة التحويل اللي لازقة فيها هوب بقت ري دياز أو لو مركز في الصورة ممكن نقول عليها مي بيمول
معلش أنا بارغي شوية بس استحملني
الموسيقى الشرقية بقى قالتلك باشا الكلام دا ما ياكلش معانا
إحنا عالم رايقة وصاحبة مزاج خطوة إيه ونص خطوة مين فين المزاج والروقان إحنا هنمشي بالربع خطوة
الموسيقى الشرقية بقى قالتلك باشا الكلام دا ما ياكلش معانا
إحنا عالم رايقة وصاحبة مزاج خطوة إيه ونص خطوة مين فين المزاج والروقان إحنا هنمشي بالربع خطوة
وقاموا حاطين في الآلات نص دياز ونص بيمول
طب الدياز والبيمول اصلا نص تون وانت هتقسم كل واحد منهم كمان نص فبقى عندك النص دياز والنص بيمول دول=ربع تون
طب الدياز والبيمول اصلا نص تون وانت هتقسم كل واحد منهم كمان نص فبقى عندك النص دياز والنص بيمول دول=ربع تون
لو متلخبط فالتون هو برتقالة كاملة، الغربي قسمها لبيمول وبيمول، الشرقي قسم كل بيمول لنصين فبقت البرتقالة 4 اربع
ومن هنا جه الربع تون أو في الكتابة الأكاديميين بيقولوا تلاتاربع تون للتفاصيل:
youtu.be
ومن هنا جه الربع تون أو في الكتابة الأكاديميين بيقولوا تلاتاربع تون للتفاصيل:
youtu.be
النص بيمول ده هتلاقيه فين في البيانو؟ مش هتلاقيه لأنه في الآلات الشرقي، في آلات شرقي فيها ١/٨ تون وأقل من كده كمان، القانون دا مثلا ناقص يوزنوا فيه التون بالجرام حاجة ولا الذهب يعني وهو دا اللي بيخليك تتسلطن
طب يا سيدي شكرا أنا مالي برضو؟
طب يا سيدي شكرا أنا مالي برضو؟
لا مالك ونص، لو جربت تسمع شرح أي حد متخصص لمقام أول حاجة هتسمع 3 تعريفات لو الأساسيات دي مش عندك (زي حالاتي كده أما بدأت) هتقفش (زي حالاتي برضو أما قفشت)
أبعاد المقام
سلم المقام
مفتاح المقام
أبعاد المقام
سلم المقام
مفتاح المقام
علشان تفهم الكلام ده بتسطيح مخل بعد إذن المتخصصين المقام البيور الأصلي وتحت بيور وأصلي خط ده عامل زي لعبة ال wordle
أنا هديك حروف اتشقلب وطلعلي منها كلمة
ينفع تجيب حرف من بره؟ لا الكلمة تبوظ
أنا هديك حروف اتشقلب وطلعلي منها كلمة
ينفع تجيب حرف من بره؟ لا الكلمة تبوظ
هي كده بالظبط أنا هاديك في المقام الفلاني دو، ري، مي بيمول، فا، صول، لا بيمول، سي، دو
اتشقلب في النغمات دي ومتطلعش براها واعملي لحن
طب ينفع آخد الدو، ري ومي عادية (والعادية بيتقال عليها بيكار)، فا، صول؟ لا آسف كده هيبقى مقام تاني اتشقلب في الحروف اللي مديهالك بس (دا تبسيط يعني)
اتشقلب في النغمات دي ومتطلعش براها واعملي لحن
طب ينفع آخد الدو، ري ومي عادية (والعادية بيتقال عليها بيكار)، فا، صول؟ لا آسف كده هيبقى مقام تاني اتشقلب في الحروف اللي مديهالك بس (دا تبسيط يعني)
طب أنا هاعرف منين الكلام ده وإن ده عجم ولا مقام تاني ولا غلطت
هنا تيجي فكرة الأبعاد
في الحقيقة كلمة مقام = أبعاد، مافيش حاجة اسمها تدرس أو تسمع شرح مقام من غير أبعاد ودا سبب الرغي الكتير اللي فات دا كله
اتقل ع رزقك ومتقفشش
هنا تيجي فكرة الأبعاد
في الحقيقة كلمة مقام = أبعاد، مافيش حاجة اسمها تدرس أو تسمع شرح مقام من غير أبعاد ودا سبب الرغي الكتير اللي فات دا كله
اتقل ع رزقك ومتقفشش
أبعاد مقام العجم كمثال إيه؟
واحد واحد نص واحد واحد واحد نص
يعني إيه؟
يعني لو بدأت من الدو تاخد مسافة تون يبقي النغمة اللي بعدها إيه؟ بالظبط ري عادية كمان تون يبقي مي عادية كمان نص يبقى فا عادية خد سيف كمان سيف هات التسعة
واحد واحد نص واحد واحد واحد نص
يعني إيه؟
يعني لو بدأت من الدو تاخد مسافة تون يبقي النغمة اللي بعدها إيه؟ بالظبط ري عادية كمان تون يبقي مي عادية كمان نص يبقى فا عادية خد سيف كمان سيف هات التسعة
وهكذا زي ماهو في الصورة كده بقى عندك بسبب (أبعاد المقام) حاجة اسمها (سلم المقام) دو ري مي فا صول لا سي دو كلهم عاديين كلهم صوابع بيضا
كل مقام فيه دو و ري و مي … الخ
بس الفكرة أنهي دو؟ بيكار ولا بيمول ولا نص بيمول؟
كل مقام فيه دو و ري و مي … الخ
بس الفكرة أنهي دو؟ بيكار ولا بيمول ولا نص بيمول؟
يبقى إنت لو اتشقلبت في النغمات دي وطلعت بمزيكا يبقى كده إنت بتعزف ع مقام عجم دو
أوبا إيه عجم دو؟
مش أنا قايلك فوق إني ممكن أبدا السلم من الري ويبقى اسمه سلم ري؟ حصل ولا محصلش؟
أوبا إيه عجم دو؟
مش أنا قايلك فوق إني ممكن أبدا السلم من الري ويبقى اسمه سلم ري؟ حصل ولا محصلش؟
هتقولي ايوه هبدأ ري ما فا صول لا سي دو ري عادي ع الصوابع البيضا
أقولك سوري كده هتبقى بوظت الأبعاد عايز تبدأ من الري يبقى تمشي ع الأبعاد واحد بعد الري ثم واحد ثم نص ثم واحد واحد واحد نص
يطلع عندك المنظر ده
أقولك سوري كده هتبقى بوظت الأبعاد عايز تبدأ من الري يبقى تمشي ع الأبعاد واحد بعد الري ثم واحد ثم نص ثم واحد واحد واحد نص
يطلع عندك المنظر ده
اتشقلبت في الزراير دي وطلعت مزيكا يبقى إنت بتعزف من مقام العجم (علشان الأبعاد واحد واحد نص واحد واحد واحد نص) وبادي من سلم الري فنسميه عجم ري أو تصوير لمقام العجم ع الري (جاي شرحها حالا)
عايز تبدأ من أي حتة إنشالله الدائري ابدأ بس المهم علشان نقول إن ده عجم تعمل إيه تحافظ ع الأبعاد علشان تطلع الحروف اللي هنكون بيها المزيكا، تاني تاني تاني مقام = أبعاد
هنا بقى ييجي دور الأبليكيشن (أورج شرقي) اللي أنا شايفه game changer ووفر عليك كتير وهيحس بيها اللي سمع مثلا شرح قبل كده وحب يجيب سلم العجم من الري وقعد يعد ويحاول ويغلط لا هو هنا عاملهالك زي الجوجل مابس كده ومسهلها عليك امشي من الأحمر للأحمر صعودا ونزولا
هتعمل زي الصورة وتدوس ع مقامات هتلاقي أوبشن تعزف كل مقام من كل الدرجات وهتلاحظ التغير اللي بيحصل
في نفس الابليكيشن للعود اسمه عود شرقي بنفس الأوبشنز بس أنا شايف الأسهل الأورج
في نفس الابليكيشن للعود اسمه عود شرقي بنفس الأوبشنز بس أنا شايف الأسهل الأورج
علشان بس محدش يقفش علينا من السادة الأفاضل فالأصل إن العجم والنهاوند والراست كمقام بيبدأوا من الدو والبداية دي بنسميها درجة الركوز فهتلاقي تعبير منتشر لما تخش تدعبس في اليوتيوب علشان تتعلم: درجة ركوز العجم والنهاوند والراست: دو
الباقي كله ركوزه: ري يعني ابدأ عد الأبعاد بتاعتك من الري
ماعدا السيكا ركوزها مي نص بيمول هنجيلها متقلقش
ومكان ما بدأت المفروض تقفل
غيرت مكان البداية (مع المحافظة ع الأبعد فنسمي دا تصوير للمقام)
ماعدا السيكا ركوزها مي نص بيمول هنجيلها متقلقش
ومكان ما بدأت المفروض تقفل
غيرت مكان البداية (مع المحافظة ع الأبعد فنسمي دا تصوير للمقام)
تصوير المقام ع درجة أعلى أو أقل دا بيفيد المطرب يعني بهاء سلطان دا يجيب أي حاجة ع الصول مريح إنما حد تاني طبقة صوته مش زيه في العالي (الجواب) هيخلي العازف يجيبله الأغنية من درجة أقل علشان ميتفضحش
يبقى نلخص الكلام
سلم المقام: مجموعة نغمات هأعزف منها دو ري مي (بيمول ولا نص بيمول ولا عادة) الخ الخ
يحددها حاجتين: أبعاد المقام ودي لا تتغير، وعامل متغير هو هابدأ المقام منين أو درجة ركوزي إيه
أخيرا مفتاح المقام يعني المثال اللي ودني بتوزن عليه وأشوف اللي باسمعه دا يمشي معاها
سلم المقام: مجموعة نغمات هأعزف منها دو ري مي (بيمول ولا نص بيمول ولا عادة) الخ الخ
يحددها حاجتين: أبعاد المقام ودي لا تتغير، وعامل متغير هو هابدأ المقام منين أو درجة ركوزي إيه
أخيرا مفتاح المقام يعني المثال اللي ودني بتوزن عليه وأشوف اللي باسمعه دا يمشي معاها
عارف إن الكلام دا يبدو رغي كتير بس والله صدقني هتخش ع أي حد بيشرح مقامات ع اليوتيوب دلوقتي هتحس إن لوغاريتمات كتير اتفكت وبقت سهلة
عايز تصدق إن الكلام دا فرق؟
هات مقام الصبا ع الري في الابليكيشن كده واعزفه طالع نازل
هل حد شرحلك الصبا؟ طب أنا راضي ذمتك بعد العزف محتاج شرح ؟
إنت أوتوماتيك جه في بالك أغاني كتير ع الصبا: كتاب حياتي ياعين، ونندم ع العشرة الغالية
تحس إن الأغاني دي اتعزفت من مجموعة الحروف دي
هات مقام الصبا ع الري في الابليكيشن كده واعزفه طالع نازل
هل حد شرحلك الصبا؟ طب أنا راضي ذمتك بعد العزف محتاج شرح ؟
إنت أوتوماتيك جه في بالك أغاني كتير ع الصبا: كتاب حياتي ياعين، ونندم ع العشرة الغالية
تحس إن الأغاني دي اتعزفت من مجموعة الحروف دي
أو خد السيكا مثلا، إنت عزفت بس السلم طالع نازل لطشت معاك أغنية صح ولا بيتهيألي؟؟
كده والله أعلم أما تيجي تسمع شرح حد متخصص ساعة ونص للدكتور أيمن إبراهيم وتحس إنك لاقط ٨٠٪ من الكلام أعتقد ساعتها هتنبسااااااط
هتلاقي بقى تفصيل، يعني إيه جنس الجذع وجنس الفرع وإزاي دا اتسبب في المقامات الفرعية لو حضرتك مهتم يعني
youtu.be
هتلاقي بقى تفصيل، يعني إيه جنس الجذع وجنس الفرع وإزاي دا اتسبب في المقامات الفرعية لو حضرتك مهتم يعني
youtu.be
أخيرا كان في ناس متخصصين ربنا يكرمهم عرضوا إنهم ييجوا في سبيس هنا ع تويتر وبالآلات ويعملوا شرح مفصل وتوضيح للكلام ده وأهو تبقى ليلة طربية
طبعا الكلام من متخصصين هيبقى أبرك من كل نكش/نبش (مش عارف مين الصح) الفراخ اللي بكتبه ده فاضل بس نحدد المعاد فشوفوا إمتى
طبعا الكلام من متخصصين هيبقى أبرك من كل نكش/نبش (مش عارف مين الصح) الفراخ اللي بكتبه ده فاضل بس نحدد المعاد فشوفوا إمتى
جاري تحميل الاقتراحات...