رتبها

#حكاوي_HR
#عم_الحاج اتصل ☎️ ب #المدير_الشاطر اللي عينه من كام شهر وكل يومين يناديه
- انت هتكون مكاني بعد شوية هتمسك الشركة كلها احنا تعبنا
و #المدير_الشاطر ينفخ ريشه زيادة 🦃
👇

- اسمع يا أ. فارس احنا رايحين مبنى إداري كبير لزوم البرستيج واصحابي شاروا عليا أعين مدير #HR ما تشوف لنا كدة في معارفك حد نجيبه يعمل لنا شوية الحركات اللي بيعملوها دي 💃
أ. فارس ما كدبش خبر و مسك تليفونه يدور في زمايله القدام واتصل 📲 بمدام ابتسام
👇

- انتي عارفة غلاوتك ومعزتك عندي وليكي فرصة محترمة جدا في شركة في مرحلة انتقالية وانا acting as General Manager وهتكوني reporting ليا ال offer كويس جدا وناس في منتهى الاحترام والأخلاق وفكرهم متطور جدا
راحت مدام ابتسام 👩الانترفيو وقابلت #عم_الحاج
👇

يا فندم انا اشتغلت كيت وكيت وعملت كذا و كذا
- الله ينور انتي اتعينتي
- طيب يا فندم حضرتك طالب ايه ال scope of work
- بخبرتك تعملي لنا خطة واحنا موافقين
قبلت مدام ابتسام 👩 الوظيفة
واستقالت من شركتها بعد الالتزام بفترة الأخطار وعمل
Professional handover
واستلمت الشغل الجديد 🏢

مافيش اي حاجة غير ملفات موظفين مالهاش database
ملف تاميني عظيم مغطي اكتر من 97% من الموظفين
و 99% منهم بالحد الأدنى للأجر التاميني 😱
طيب فين كشوف المرتبات؟ معقول الموظفين دي رواتبهم
لا كشوف المرتبات #خط_احمر الوحيد اللي عارفها أ. عباس يعني حتى أ. فارس ما يعرفهاش؟؟
👇

بدأت في وضع خطة عمل
عاوزين نعمل هيكل تنظيمي وإداري
- اعملي لنا presentation ولا اقولك اطبعيه اشوفه وارد عليكي
- عاوزين نعمل نظام تقييم أداء
- اطبعيه
عاوزين ............ وكله على مكتب أ. فارس ماهو المدير
👇

لغاية في يوم ما نداها #عم_الحاج
هو انا جايبك ليه لما أ. فارس هو اللي بيعمل كل شغل إدارتك 😯
- حضرتك هو مديري باعرض عليه الشغل عشان الموافقة ماهو مافيش هنا حدود صلاحيات وده جزء من الخطة اللي عرضتها حدود الصلاحيات لكل إدارة بس ما حدش رد ولا اعتمدها 🤔

- خلاص من بكرة انتي تبعي ومالكيش دعوة ب أ. فارس ولا تقولي له صباح الخير احنا مش جايين النادي
ولنا مع #مدام_ابتسام #بقية
#حكاوي_HR

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد