نصيحة لي ولكم،ترا الدنيا زائله ومجرد فتره وتودع اعملوا لآخرتكم وانسبطوا بحياتكم ولا تتعدون حدود الله نصيحة،اقسم بالله انها متعه مؤقته وتأكد انه ربي بأي وقت ياخذ امانتك ودايم ضع القرآن والسنه نصب عينيك، لا تجعل التفكير الغربي يؤثر ويستحوذ عليك ترا هذا هدفهم منذ زمن بعيد.
والله يا ناس الله يمهل ولا يهمل،للان ربي شايف معاصيك وذنوبك وتجاوزك لحدود الله وما سخط فيك او اخذ نعمك،ربي كريم يعطي فرص كثيره لعباده نصيحة الحق على نفسك انت وهو تراكم عايشين بوهم والله وبالله راح يجي اليوم اللي انتم بأعز الحاجة للأجر نصيحة طريق التوبه مفتوح وانت عايش الحين.
انتم الشباب الفئة المستهدفه والامل كله فيكم لا تكون امعه لهم،ترا والله مافي همج بالحياه اكثر منهم وانهم اكثر الناس عرضا للامراض النفسيه لانه ماعندهم دين وحدود ويسوون اشياء خارجة عن الانسانيه،نصيحة لا تغركم متاع الدنيا المؤقت ولا يغركم شي ترا المعصيه دايما فيها متعه.
انسبط بحياتك وعيشها ولا تخلي شي ببالك الا تسويه كلنا معرضين اننا نعصي الله لكن حدود الله خط احمر، الله عذب اقوام كثيره مو قادر بلحظة انه يعذبك يا عزيزي،تخيل انه ناس اصبحوا يتكلمون عن الشذوذ وعن الحريه وعن العباية ولا صاروا يعطون للقرآن اي وجه،انت وش عذرك يا عزيزي يوم تقابل ربك.
انت الان موفر لك كل السبل انك تلقى الشي الصحيح والحق ومولود ببيئه مسلمة،عكس الاقوام السابقه ماعندهم لا جوالات ولا شي رغم ذلك ربي عذبهم اشد العذاب بالدنيا قبل الاخره،انت وش عذرك وانت تمارس كبائر الذنوب جهراً وبكل فخر وتحاول تنشر فكرة غلط انسانيا وبجميع الاديان !!
نكون واقعيين تراكم في غفله واقسم برب البيت انه النعم بحياتكم غرتكم والقطيع اللي برا واللي هربوا من هنا غيروا فكركم واصبحتم مثلهم قطيع،كنا في زمن نرى المنكر ونهول فيه ونمنعه والحين نرى الفواحش وكبائر الذنوب ولا نسوي حاجة ونشوف الناس يجاهرون بالمعصيه ويمارسون اشياء غلط وساكتين.
والسلام عليكم ورحمة الله وبركاته..
كثرت مواضيع ونصائح هالايام لانني سوف اختفي لفتره مؤقته واعود باذن الله
استودعتكم الله ولاتنسوني من دعواتكم الطيبه.
كثرت مواضيع ونصائح هالايام لانني سوف اختفي لفتره مؤقته واعود باذن الله
استودعتكم الله ولاتنسوني من دعواتكم الطيبه.
جاري تحميل الاقتراحات...