رتبها

مرحبا بقلم قصي رح اشرح اليوم سلسلة حلوة جدا للتداول من الزمن والسعر
1-كيف نتوقع استمرار الاتجاه صاعد او هابط بالزمن
2-الفواصل زمنية الي بينعكس عندها السعر
كيف نتوقع اذا رح ينعكس من الفاصل الزمني او لا
3-وايضا استراتيجية مكونة من زمن وسعر للتداول واخذ صفقات قوية عليها.

اول شي ماهو زمن ولماذا يحصل انعكاسات عنده
ببساطة بالكون في ارقام قوية تاثر علا كلشي مو بس الشارت
وهاي الارقام لما نركبها علشارت يصير عندها انعكاسات عكس الاتجاه الاساسي
كيف نركبها ونتوقعها بالشرح القادم👇

طيب كيف نحنا رح نركب الارقام هي علشارت ونحط الفواصل الزمنية
اول شي نحنا رح نشتغل على موجة حاصلة قمة وقاع اين كانت رح نتعرف علموجات وبعدها نشرح الاداة الزمنية الي نشتغل فيها👇

ماهي الموجات بباسطة لما السعر يكون قاع ويصعد فترة ويكون قمة ويبلش ييهبط القاع والقمة هدول نعتبرهم موجة بالصعود وايضا بالهبوط واي فريم يشتغل مافي فريمات محددة صورة توضح الموجات👇

حاليا تعرفنا علموجة لما سعر يكون قمة وقاع في صعود او هبوط لا تفرق حاليا رح نتعرف علاداة الزمنية الي رح نركبها علموجة ونحدد فواصل زمنية👇

الاداة هي اسمها
Trend-based-fib tim
موجودة بكل منصة او شارت للتحليل هي صوة بيتوضح كيف نضهر الاداة من شارت trading view👇

حاليا نتعرف علرسم الاداة
بعد ما ضغطنا عليها كيف نرسمها
لو كانت موجة صعود اول زر نحطو علقاع تماما ونسحبها للقمة ملاحظة علقمة نضغط ضغطتين
ولو في موجة الهبوط اول زر علقمة ونسحب للقاع ونضغط ضغطتين توضيح👇

تعرفنا علرسم الاداة الان نشرح الاداة ومستوياتها
لو رسمناها علموجة لنفترض 100شمعة المستويات التي تضهر لنفترض 0.61هو61%من عدد شموع موجةطيب مستوى1 هو ضعف عدد شموع الموجة مستوى161 هو ضعف و61من عدد شموع موجةوجميع المستويات تسمى فواصل زمنيةطبعا في مستويات مهمة وبعضها غير مهمة رح نوضحها

حاليا رح نوضح رسم الادارة علموجة صاعدة وايضا الهابطة
بعض معلومات رسم بالصور مكتوبة👇

حاليا تعرفنا علاداة الزمنية ورسمها بالموجات صعود ام هبوط لا تفرق وايضا الفريمات لا تفرق الان رح نتعلم3شغلات

1-نتوقع استمرار الاتجاه زمنيا
2-الفواصل الزمنية الانعكاسية والتعامل معها
3-الاستراتيجية التقاءسعر مع الزمن والتداول بها اهم شي هي الاستراتيجة الي راح تفيدكم.
وغير موجودة باي مكان مجاني غير هنا.

الان رح نتعلم اذا كنا في اتجاه صاعد وعم يحصل هبوط او تصحيح كيف ممكن نصيد الاتجاه اذا بدو يستمر صعود او العكس بالهبوط الامر بسيط بس ركز معي نحن رح نرسم الاداة الزمنية علموجة مثل ما شرحنا بس ركز معي كيف رح نتعامل مع المستويات👇

1-طيب حاليا رح نشوف موجة صاعدة او هابطة مثل ما شرحنا قبل ونرسم عليها الاداة الزمنية لاحظو هي موجة👇

بما انها موجة واضحة رح نرسم عليها الاداة ازمنية من شمعة صعود للشمعة القمة ونشرح كيف نتعامل ونكتشف اذا الاتجاه حيستمر او لا👇

رسمنا الاداة من القاع للقمة تمام
ضهرت مستويات الزمن حتا نكتشف استمرار الاتجاه او لا بيهمنا مستويات زمنية الي هي
0.38-0.50-0.61
ركز معي
السعر وقت بلش يصحح زمنيا ما لازم يتاخر عن 61زمنيا يعني حتا يستمر الاتجاه لازم يصعد من بين 38و61زمنيا

طيب كيف نحنا نشتغل نحنا نرسم الاداه علموجة وننتظر السعر يصعد ما بين 38و61زمنيا كيف نتعامل معه?
نرسم له ترند كلاسيكي او نموذج كلاسيكي لو كسر للاعلى بنفس الاتجاه ما بين 38و61زمنيا ندخل فورا واذا تاخر عن61شمعة او شمعتين عادي صورة توضيحية👇

لاحظو بالصورة السابقة لما رسمنا علموجة اداة الزمن سعر كسر ترند هابط ما بين 38و61زمنيا بزبط اول ما وصل 61كسر ترند هون تدخل شرا مع الموجة لان الاتجاه مستمر للاعلى صور كمان توضيحية👇

مثل ما فهمنا نرسم الاداة علموجة صاعدة او هابطة وننتظر السعر يكسر ترند او نموذج استمراري ما بين 38و61زمني وحطينا صور توضح الطريقة والدخول
طيب اذا سعر تخطى 61زمني وما كسر شو ممكن يصير رح يستمر او لا
بقدر اقلك الاتجاه ضعف. رح نزل صورة علموجة صاعدة والسعر تاخر بالكسر👇

مثل ما لاحظنا لو السعر تعدا 61زمني وما كسر ترند استمراري مع اتجاه الموجة يعني الاتجاه ضعف وقد ينعكس وبالفعل بالصورة هي ما كسر وانعكس الاتجاه وخصوصا اذا وصل سعر(1)زمني ولم يكسر. ستعكسه اكثر
طبعا كل شارتات تصويري انا وعلبتكوين حصرا 👇

وهاد مثال كمان علموجة هابطة علشان توضح صورة ملاحظة لو سعر تاخر عن61زمني وما كسر حتا يستمر الاتجاه مو شرط الاتجاه ينعكس لكن هلاستراتيجية ساعتها ما اعطتك نقطة دخول وبس صورة توضح موجة هابطة علايثيريوم👇

الترند الكلاسيكي فيك تراقبو علا فريم اصغر من الفريم الي رسمت عليه مشان اول ما يكسر. تدخل
طيب كيف نحدد الهدف والستوب بقدر اعطيك افضل طريقة للخروج بعد ما تدخل ترسم ترند كلاسيكي صاعد وما تخرج الا بعد كسره وهذه افضل. طريقة حتا تاخذ اكبر ربح ممكن والستوب تخيله انى القاع الذي انطلق منه

الخطوة الثانية هي الفواصل الزمنية كيف نحددها ونتوقع الانعكاس منها وناخذ عليها صفقات ايضا✅

الفواصل الزمنية
الفواصل حتا نطلعها نحن رح نرسم علموجة مثل ما تعلمنا سابقا موجة واضحة لو كانت صاعدة من شمعة صعود للقمة ولو كانت هابطة من شمعة هبوط للقاع راح نوضح ارقام. الفواصل وبعدها نشرحهم وتعامل مهم

طبعا ما يهمنا الاتجاه رح يكمل صعود ولا هابط التعامل مع الفواصل شكل والطريقة الي شرحناها لاستكمال الاتجاه شكل ثاني
👇

رح تضهر عندنا فواصل زمنية الي هي
0.5-0.61-1-1.38-1.61-2-2.38-2.61-3
هاي هي الفواصل الي ممكن ينعكس سعر عندها او يحصل حركه جديدة فيها تمام نحن رح نرسم علموجة واضحة ونحدد الفواصل بصورة توضيحية👇

متل ما شفنا رسمنا علموجة واضحة والسعر تفاعل مع كل فاصل زمني علبتكوين الا فاصل واحد فقط
طيب كيف رح نعرف اذا سعر رح ينعكس عند الفاصل زمني ولا رح يكمل وكيف ندخل صفقة فيه بعد ما نكتشفه انه رح ينعكس تابع معي👇

طيب كيف اتعامل مع الفاصل هل سينعكس سعر ولا لا
انت الي عليك ترسم علموجة واضحة وتحدد الفواصل ولما سعر يوصل فاصل زمني ترسم ترند كلاسيكي للسعر لو كسرو بعد الفاصل اذا فاصل رح يعكس سعر وتدخل مع كسر الترند سوا۽ هبوط او صعود صور توضحية👇

كل فاصل ترسم له ترند كلاسيكي واذا كسرو معناتها فاصل شغال وتدخل فيه صفقةطيب ملاحظة مهمة السعر عم يكسر الترند ويكمل بنفس شمعة مباشرةالحل موجود صديقي انت حدد الفواصل والترند ارسمو علفريم صغير لو حددتهم علفريم يومي ارسم ترند علفريم ساعة مجردكسرو ندخل صورة توضيحية👇

مثل ما شفنا كان في فاصل 138وبدنا نستغلو ونعرف رح يعمل انعكاس ولا لا نحددو ونفتح فريم صغير ونرسم الترند كلاسيكي وننتظر كسرو ومع الكسر دخول👇

وضحت فكرة الفواصل زمنية وكيف نتعامل معها اغلب محللين بحطو فاصل وما يعرفو يتعاملو معو بس بحطو لكن هي افضل طريقه ترسملو ترند كلاسيكي ومتا ما نكسر علفريم صغير تدخل نع الانعكاس.
👆

الان الخطوة3
شرح استراتيجية تداول التقاء سعر مع زمن
هي الاستراتيجية
رح نشرح اول شي فيبوناتشي لانو رح ندمجو معها
ونشرح التقاء مستوي سعري مع زمني وكيف ناخذ عليه صفقة
والاهم التقاء سعر وزمن من نفس المستوى وهدول نسميهم كلاستر سعري زمني وهو دقيق جدا جدا👇

اولا الاداة الزمنية هي نفسها راح نستخدمها وكمان نرسهما علا اي موجة مثل ما تعلمنا سابقا لكن رح نضيف عليها الفيبوناتشي التصحيح ونتعلم كمان نرسمو علموجة وندمجمهم سوا ونتعلم استراتيجية حلوة كلاستر سعري زمني 👇

الفيبوناتشي هي اداة ضخمة الها استخدامات كثيرة رح نشرح كيف نستخدمها بهلاستراتيجية هي فقط
هي لقياس نسبة التصحيح يعني نرسمها علموجة صاعدة من قاع لقمة ومن قمة لقاع في حالة موجة هابطة صورة توضيحية👇

طيب هاي هي اداة الفيبوناتشي مستوياتها
78.6-0.61-0.50-0.382-0.236
لو رسمناها علموجة صاعدة وبعدها السعر صحح لل 50%يعني سعر صحح لنصف موجة لو وصل لي .618يعني صحح لل61%من الموجة وكل نسب هيك
نحنا رح نرسمها على موجة من ادني سعر لاعلى سعر يعني من القاع للقمة بالزبط صورة توضيحية👇

متل ما شفنا رسمنا الفيبوناتشي علموجة من ادنى سعر لاعلى سعرسعر والسعر صحح تقريبا ل50%من الموجة ما بيهمنا لاي نسبه يصحح السعر تابع معي لنعرف. كيف نشتغل عليها

ملاحظة مهمة
الفيبوناتشي التصحيح نرسمو علموجة من ادني ذيل لاعلى ذيل بالموجة اما الاداة الزمنية نرسمها في موجة صاعدة من شمعة الصعود للقمة وفي حال هبوط من شمعة هبوط للقاع صورة توضيحية👇

متل ما لاحظنا بالصور فوق القاع الي هو ادني سعر بالموجة نرسم عليه فيبوناتشي تصحيحي لكن فيبوناتشي الزمني من شمعة صعود نبداء برسمه تمام لازم تكون وصلة الفكرة ونبداء نتعلم كيف نشتغل الان تابع معي رح نرسم فيبوناتشي سعري علموجة وبنفس الوقت نرسم الفيبوناتشي الزمني عليها👇

متل ما لاحظنا فوق اول شي حددنا موجة بعدها رسمنا فيبوناتشي تصحيحي من قاع للقمة وبعدها رسمنا فيبوناتشي زمني من شمعة صعود للقمة الان وصلنا للزبدة تابع معي👇

الان الاستراتيجية تنشق لشقين اول واحد. رح نتعلمو ولكن الثاني هو الاهم والي هو عالي الدقة
حاليا نشوف خطوط سعرية تصحيحة علفيبوناتشي سعري ونشوف. خطوط زمنية القاعدة تقول اذا تلامس سعر والزمن مع بعض رح يحصل انعكاس يعني لو سعر هبط لمستوى من فيبوناتشي تصحيحي وتصادف خط زمني معو ينعكس

يعني اذا سعر مثلا هبط لمستوي 50من فيبوناتشي تصحيح ولامسو وكان في خط زمني المتوقع يصير انعكاس لا يهمنا اي كان المستوى واي كان الخط زمني صور توضيحية👇

متل ما تشوفو رسمنا علموجة فيبوناتشي سعري من اعلا سعر لادني سعر وفيبو زمني من شمعة هبوط للقاع
نلاحظ اي شمعة تلامس خط سعر مع خط زمني يصير انعكاس مثل ما نشوف بالاسهم الي محددها

يعني ببساطة لما نرسم علموجة فيبو تصحيحي وفيبو زمني اي تقاطع سعر مع زمني رح يصير انعكاس طبعا اذا سعر تحت المستوى سعري وتقاطع معو رح يكون الانعكاس هبوط واذا سعر اعلى مستوى فيوناتشي وتقاطع مع زمن رح تكون حركة صعود.

الان النقطة الي قلت مهمة جدا ونسبة نجاحها قوي كتير نفس ما رسمنا قبل بالزبط لكن التقاء سعر بالزمن لازم يكون من نفس. مستوى يعني لو التقى مستوي سعري
0.382سعري مع 0.382زمني هاي فرصة قوية عظيمة وكمان مثلا التقى 0.50سعري و0.50زمني وكمان ال0.61سعري وال0.61زمني
هدول نسميهم كلاستر قوي جدا

اونسبة نجاح توصل لل90%لو طبقتهم صح صورة توضيحية مثال👇 لالتقاء مستوي سعري زمني بنفس النسبة👇

شوفو المثال هاد رسمنا علموجة والتقت شمعة مستوي فيبوناتشي 0.382سعري و0.382زمني وشوف الانعكاس القوي👇

مثال ثاني التقاء مستوي 0.50سعري و0.50زمني نفس المستوى وشوفو الانعكاس الي حصل دقيق جدا👇

مثالي ايضا التقاء مستوي سعري 0.61وايضا 0.61زمني
انعكاس قوي جدا👇

يعني ببساطة لو التقى سعر مع الزمن بنفس مستوى رح يكون نسبة النجاح الانعكاس قوية جدا جدا وكمان هلفرص هي قليل حتى تصيدها وبنفس وقت قوية وفيكم تجربوها على اي فريم بس اختارو موجة واضحة

كمان في مستوى ما نزلت عليه مثال لو التقى (1)زمني مع 0.61فيبوناتشي سعري يعتبر كلاستر قوي انعكاسي وكمان ال161زمني مع 0.61سعري

طيب الستوب. وين نحطو فيك تحطو تحت المستوى الي تحت الي اخذت عليه صفقة مثال👇

يعني لو دخلنا بيع من الالقتاء هاد الستوب بيكون المستوى الي بعدو
والهدف?
حاليا مارح اقدر اشرح كيف تحدد هدف لكن افضل طريقة لما تدخل تحط ترند كلاسيكي وما تخرج من صفقة غير ينكسر وهي افضل طريقة حتا تاخذ اكبر قدر من الربح

بتمنا انكم فهمتو الشرح واستفدتو جربوها عن جد ممتازة ورح تحققو فيها نتايج حلوة وهلشرح هاد ماحدا شرحو بشكل مجاني ابدا الا بالمدفوع. اي سؤال تفضل قناتي علتلغرام
t.me
وادخل قروبي نزل اي سؤال وانا بنفسي رح اجاوبك
t.me

t.me/DIBCRYPTO

t.me/DIBCRYPTOCHAT

بتمنا لو استفدت منها تشارك التغريدة مع اصدقائك حتا يتعلموها بما انها مجانية واعمل رتويت دعم للحساب. ومشكورين جدا❤️❤️

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة