القصة بدأت 3-1-2017
كنت ثاني ثنوي وفكرت فيوم من الايام انو لازم اعتمد على نفسي خلاص وخرجت اقدم على وظايف والحمدلله بديت في ماكدونالدز يوم 4-5-2017 جلست اشتغل الين الحمدلله اتخرجت من الثنوية وقدمت على جامعه الملك عبد العزيز وانقبلت فيها
الحمدلله انقبلت فجامعه الملك عبدالعزيز فكلية السياحة وكنت اخلص دوامي ٣ الفجر ودوامي فالجامعه ٨ الصباح كان تحدي صعب جدا بس الحمدلله كانت الامور تمام
هنا فمواقف الجامعه كنت انام فالسيارة من التعب 😂 بس الحمدلله كانت سنة حلوه يعني
الحمدلله كنت مرا احب تخصصي وكنت احب الكلية لدرجة كنت اجي الكلاس قبل الطلاب والحمدلله درجاتي كانت تمام وكنت شوية اطفش الدكاتره بالاسألة الكثير 😂
الحمدلله كنت كويس فالشغل وكنت مواظب وما اتأخر والحمدلله اخذت موظف الشهر واخذت شهادة من المطعم الحمدلله يارب
في 12-1-2019الحمدلله كانت استقالتي من ماكدونالدز بديت تحدي جديد في فندق قالريا 5نجوم بحكم انو تخصصي فالجامعه ادارة ضيافة وفنادق وكانت تغير 180 درجة
بديت شغل ففندق القالريا في Room service خدمة الغرف والحمدلله كان الشغل مرا حلو لانو انا كان عاجبني وكانت تعدي عليا قصص واشياء جدا جميلة
من ضمن الاشياء الجميلة والذكريات الحلوه خدمتي للضيوف ال VIP والمشاهير والمغنيين يعني كل يوم كانت تعدي عليا قصص حلوه
وهنا كانت زيارة الدكتور ثامر الحربي @thamerAlharbi88 الي كان دايما يرفع من معنوياتي ويقلي استمر قدامك مستقبل كبير ان شاء الله ❤️
وهنا كانت زيارة ثانية للدكتور ثامر الحربي 😍@thamerAlharbi88
زي ماقلتلكم الشغل عمره ماكان عيب الله يكرمكم حمام ونظفت سرير ورتبت ومطعم واشتغلت وكهرباء وصلحت وكان كثير من السعوديين لما يعرفوا اني سعودي ينصدمو ويجلسوا يدعولي ويدعموني بكلام ايجابي
سلطات قطعت وبصل وقشرت وعجينة وعجنت وحلى سويت تخصص جدا ممتع ومافيه اي شي عيب او محرج
الحمدلله اتكرمت برضو فالفندق و كنت متميز فشغلي فالفندق لاني كنت احب شغلي مرا وتخصصي الحمدلله ودخلنا في موجة الكورونا وزي منتو عارفي تم الاستغناء عن نص الموظفين بس الحمدلله انا كنت من الموظفين المتميزين وكملت معاهم وكانت تجربة جدا حلوه ورهيبة فنفس الوقت انك تشتغل في وقت الكورونا
في يوم 12-11-2021 كانت استقالتي من الفندق الي اتعلمت فيه اشياء مرا كثيرة وعشت فيه ايام حلوه وقصص ماتنسي وقررت اخوض تجربة وتحدي جديد فيه فندق تاني برضو الحمدلله كنت مستمر فالدراسة وماكنت مقصر فالجامعه اصلا
في يوم 21-11-2021 كان اول يوم ليا فالفندق الجديد الي هوا الريتزكارلتون THE-RITZ-CARLTON فندق من افضل الفنادق فالعالم الحمدلله يارب بديت تحدي جديد❤️❤️
الحمدلله كنت متفوق فالجامعه واخيرا جا اليوم الي كنت استناه اتخرجت بمعدل حلو من كلي السياحة بجامعه الملك عبدالعزيز
الحمدلله كانت ٥ سنين جميلة حاب اشكر كلية السياحة@KAU_FT واشكر عميد الكلية الدكتور ناصر @Nsrksa وحاب اشكر الدكتور ثامر @thamerAlharbi88 والدكتور منصور@AlansariMansour ( وحاب اشكر الدكاتره عبد الله كوير و عادل البلوشي و خضر و رضا وكل الدكاتره الي درست عندهم )❤️#كلية_السياحة
في 12-1-2019الحمدلله كانت استقالتي من ماكدونالدز بديت تحدي جديد في فندق قالريا 5نجوم بحكم انو تخصصي فالجامعه ادارة ضيافة وفنادق وكانت تغير 180 درجة
في يوم 12-11-2021 كانت استقالتي من الفندق الي اتعلمت فيه اشياء مرا كثيرة وعشت فيه ايام حلوه وقصص ماتنسي وقررت اخوض تجربة وتحدي جديد فيه فندق تاني برضو الحمدلله كنت مستمر فالدراسة وماكنت مقصر فالجامعه اصلا
جاري تحميل الاقتراحات...