صحفي "The Athletic" دان شيلدون كتب تقرير مهم جدًا عن ظاهرة بتحصل في ساوثهامبتون الموسم دا، هعرض جزء منه في الثريد دا.
التقرير دا بيقول إن في 14 مباراة من أصل 24 الموسم دا في البريميرلييج في لاعب من ساوثهامبتون بيقع على الأرض ويطالب بتدخل الطاقم الطبي، وباقي اللاعيبة بيروحوا عن هازنهوتيل وبيتناولوا "جيل طاقة" بدل مشروب الطاقة، ودا أثر إيجابيًا بشكل ملحوظ على الفريق.
دان بيقول إن سقوط لاعبي ساوثهامبتون دايما بيكون الدقيقة 60 ل70، ودا خلى ساوثهامبتون يسجلوا أهداف كتير في الوقت دا، آه الموضوع مش بيحصل في كل ماتش لكن ظاهرة غريبة جدًا وعرض بعض الأرقام
دي نتائج ساوثهامبتون وقلبهم للنتيجة أو تسجيلهم لهدف على الأقل في الفترة اللي بيتعالجوا فيها أو بعدها.
وهنا جدول بكل لاعب وقع بسبب الإصابة وطالب بالتدخل الطبي، 14 مرة في 24 مباراة.
دكتور فيل هيورد، كان في الطاقم الطبي لنادي ولفرهامبتون لحد سنة 2020، أكد إن ال"چيل" اللي بيشربوه اللاعيبة فيه مادة مالتوديكسترين" وهي مادة من المواد اللي فيها كربوهيدرات عالية، واللي بتزود الطاقة للاعبين، وطبعا دا مش ممنوع ومُصرح بيه.
الدكتور أكد إن الحصول على منتجات الطاقة في شكل "چيل" أفضل بكتير من كونها مشروب، لأن دا بيأثر بسرعة على العضلات والجسم بيستجيب ليها في خلال 10 دقائق تقريبًا، ودا سر من أسرار فريق المدرب هازنهوتيل اللي بيقدم موسم محترم جدًا لحد دلوقتي مع ساوثهامبتون.
جاري تحميل الاقتراحات...