طيب ناس كتير عايزين يفهموا سبب شتيمتي اليومية في البنك المركزي. افهمكم؟ هفهمكم 🧵
دلوقتي البنك المركزي يوم 12 فبراير اصدر قرار بوقف التعامل بمستندات التحصيل و ان أي عملية استيرادية تتم عن طريق اعتماد مستندي، ده معناه ايه؟
في العادي المعاملات الاستيرادية معظمها بنكياً كانت بتتم عن طريق 3 وسائل:
في العادي المعاملات الاستيرادية معظمها بنكياً كانت بتتم عن طريق 3 وسائل:
تحويلات: يعني بتحول للمورد فلوس و يشحلنك البضاعة بتعهد انك هتجيبله مستندات و الافراج الجمركي بعد ما توصل علشان يتأكد ان الفلوس دي قصادها بضاعة فعلا و يعملك نموذج 4 و هو مستند اساسي للافراج و البنك في الحالة دي بيبقى واثيق منك انك مش هتخذله و تطلع مهرب.
او في حالة معظم المصنعين و المستوردين بيحصل الشحن و بتجيب للبنك المستند تقوله المورد ده بعتلي البضاعة دي لو سمحت اعملي نموذج 4 دلوقتي للجمرك و ابقى حوله فلوسه بعدشهور و المورد بيكتبها على السبورة في القهوة و دي كانت احسن وسيلة من حيث سرعة الدفع وعمولاتها قليلة و دورة التدفق النقد
تحصيل مستندي: و ده بيبقى لما الثقة بينك و بين المورد مش كبيرة فا الراجل بيبعت المستند للبنك و البنك بيبقى ديلر او وسيط اللي هو تسلمني فلوس المورد اللي برا -يوم و را يوم- اسلمك الظرف -حبيبي ما جاني نوم- ده باللي فيه بغض النظر عن المستند نفسه فيه ايه و اعملك نموذج 4.
الاعتماد و هو وسيلة الدفع الوحيدة حالياً و ده معناه ان البنك هنا و بنك المورد بقوا اطراف اساسية في المعاملة و البضاعة في بوالص الشحن بتتكتب باسمهم و مراجعة و فحص المستندات اصبحت مسؤوليتهم و حاجة كله دخل في كله
طيب ليه الغاء وسائل الدفع التانية كلها و الشغل عن طريق الاعتمادات بس كارثة:
زنقة و لا زنقة هاني رمزي في غبي من فيه و ضغط مالي رهيب فوري على المصنعين انهم لازم يوفروا مبالغ كانوا مجدولينها تتدفع بعد 3-6 شهور هتضطر تدفعها دلوقتي علشان الاعتماد بيحجز على فلوس شحنتك من اول ما يتفتح
زنقة و لا زنقة هاني رمزي في غبي من فيه و ضغط مالي رهيب فوري على المصنعين انهم لازم يوفروا مبالغ كانوا مجدولينها تتدفع بعد 3-6 شهور هتضطر تدفعها دلوقتي علشان الاعتماد بيحجز على فلوس شحنتك من اول ما يتفتح
-شركات قليلة جداً اللي عندها تسهيلات اتمانية مع البنوك و الباقي على مضطر يدفع كله على الترابيزة فلوس مش عنده اصلا.
غرامات و ارضيات في المواني بالهبل علشان دورة فحص الاعتماد بتاخد 5 ايام بنكية في كل بنك و معظم المراكب من تركيا و اوروبا بتوصل في حدود اسبوع و ده معناه ان المراكب هتوصل قبل المستندات و علشان تفرج لازم تدفع المبالغ دي للخطوط على التربيزة برضو
الاعتمادات في معظم البنوك بتكون ادارة صغيرة و البنوك مش جاهزة لعدد المعاملات دي زي ما محافظ البنك المركزي بيقول. بكلامي مع كذا حد في كذا بنك (غير يمكن بنك مصر و الاهلي نسبياً) ده معناه تأخير اكتر في فتح الاعتمادات و فحص و تحصيل المستندات و الموظف ده البقاء لله مش مروح بيتهم تاني.
كل المشاكل دي هتعطل حركة استيراد مستلزمات الانتاج للمصانع اللي بتصدر و كانت عاملة صادرات هايلة و ده عكس الهدف زيادة حجم الصادرات ل100 مليار دولار السنة دي؟ فا الصادرات هتدينا واحدة سندوني يا رجالة علشان مهبط
الانتاج و الاستيراد هيقل و ده هيعمل فجوة بين العرض و الطلب في معظم السلع علشان الحاجة هتاخد وقت اكبر فا الاسعار هتزيد بالاضافة للمصاريف البنكية الزيادة و الارضيات اللي برضو هتتحمل على سعر المنتج و توافره فا فيه توقع خلال الشهر اللي جي او اللي بعده نلاقي قفزة في الاسعار
ده غير طبعاً صورتك قدام العالم انك بتعمل كده علشان مش عايز دولار كأنك بتقولهم انا بفلس و داخل على تعويم تاني و دي حاجة تقلق اي مستثمر عايز يجي يحط فلوسه
المهم وجهة نظر المعلنة من هذا القرار هي ان يبقى فيه حوكمة و طبعاً كلنا عارفين كلمة حوكمة على وزن ايه؟ بالظبط. اقول قولي هذا و اقولكم اني دلوقتي محتاج اغير سيستم شغلي كله و حسبي الله ونعم الوكيل و
طيب أنا كنت خلصت بس محتاج اضيف حاجة أن ازاي قرار كبير زي ده يتطبق في لحظة و من تاريخه (و بعدين خلوه من ١٧ قال يعني فارقة) بدل ما يدي مهلة للناس توفق أوضاعها ٣ شهور على الاقل؟ لأ هوب كله مرة واحدة مش فاهم ليه الاستعجال و التطبيق الإلزامي الفوري.
مش عايز دولار يخرج برا البلد*
جاري تحميل الاقتراحات...