امبارح بليل كنت بسمع بودكاست ديار ليلى اللي كان بيتكلم عن "الحُب"، ليلى عرفت مفهومنا عن الحب بكذا تعريف وقالت انه مش بس مختصر على الحب بين الولد والبنت زي ما كنا فاهمين واحنا صغيرين. الحقيقة أنا حابب أرغي شوية في النقطة دي وشايف ان الجريك أصابوا في تعريفاتهم المختلفة للحب.🧵
في الجريك ميثدولوجي الحب متقسم لـ٨ أنواع أو نقدر نقول الحب عندهم كان مُقسم لأكثر من مفهوم. كل مفهوم من دول بيعرف نوع معين ودا مخالف للي احنا متعودين عليه. احنا اختزلنا مفهوم الحب في جملة "أنا أحبك" واللي بتتقال أثناء تناول وجبة على ضوء الشموع من عاشق لحبيبته، ولكن دا مش صح.
خلينا نبدأ بـ Eros. ودا الحُب الجنسي والشعلة اللي بتظهر بين شخصين في علاقة، ودا بيظهر فيه الشعور الغير عقلاني بالمرة اللي بيخلي الناس تبقى مجنونة ببعض وبيخلي الدنيا قدامهم تبقى بمبي وبيوهمهم ان الحياة بعد كدا هتفضل حلوه ومن غير اي مشاكل بينهم.
التاني هيكون Philia. ودا نقدر نقول عليه حب الصداقة، دا الحب اللي بيكون بين الأصدقاء اللي بيهتموا ببعض بشكل كبير بدون تدخل أي مشاعر رومانسية أو انجذاب جنسي. الحب اللي بيكون بينك وبين اصحابك اللي بتحب تخرج معاهم وبتستمتع بوجودهم حواليك، اصدقائك اللي بتحب تتناقش معاهم في أمور حياتك.
وعشان نقدر نفرق بين النوعين والصورة تكون أوضح فخلينا نقول انك بتحس بـ Eros يوم فرحك مع حبيبك انما بتحس بـ Philia مع أعز اصحابك اللي بيبقوا حاضرين فرحك.
التالت هيبقى Storge. ودا ببساطة الحب اللي بيربطك بأفراد عيلتك، باخوك أو اختك أو قريبك الي بتحب تقعد معاه، بنشوفه بصورة واضحة جدا بين الأبوين والأبناء. حب صافي مافيش من وراه مصالح كتير. حب الوالدين لأبنائهم واللي بيخليهم يتعبوا ويسهروا على راحتهم بلا تعب ولا كلل.
الرابع هو Ludus. هو الحب بين شخصين بيهزروا وساعات بيفلرتوا بتربطهم حاجات مشتركة، أو بين أطفال قابلوا بعض وفضلوا يلعبوا ويجروا في الملعب بهستيرية. ممكن يكون مجرد رقصة مرحة لم يستثمر طرفاها فيها بعمق زي Eros. ولكن مع ذلك بيكون لها سحرها الخاص.
الخامس هيكون Agape. ودا ببساطة حب الانسان لأخوه الانسان. دا النوع اللي بيخليك تروح تساعد حد عمل حادثة مثلا أو تقول توجيهات الطريق لشخص غريب ضايع، دا اللي بيخليك تتبرع أو تحاول تساعد الانسانية بأي حاجة الخ. الحب دا قمر وطيب اوي. دا الحب اللي بيحسسني ان لسه فيه أمل في البشرية.
نيجي للسادس وهو Pragma. ودا هو الحب طويل الأمد بين الأزواج القدامى، بيحي بعد فترة طويلة من Ludus وEros، لما تأثيرهم بيهدأ بيحل محلهم Pragma، عندما لا يعود الناس يشعرون بنفس الحرارة، لكنهم على الرغم من ذلك بيشعروا بالارتباط العميق بطريقة قدرها الإغريق أكثر بكثير من كذب ووهم Eros.
السابع هو Mania، هو الحب اللي بيصل لدرجة الهوس تجاه الشريك. الحب اللي بيؤدي إلى غيرة غير مرغوب فيها أو شعور بالتملك - والمعروف باسم codependency في علم النفس. حب مرضي بيكون علاقة إدمان للطرف الأخر واللي بيعيق من نضجه وصحته النفسية وتحمله للمسؤلية وفيه بيستمد الشخص قيمته من الآخر.
لو حد اتفرج على مسلسل الرحلة بتاع باسل خياط ممكن يقدر يـrelate جدًا للنوع دا، من كتر حُبه ليها حبسها في البيت، وكان بيحاول "يحميها من الوحوش اللي برا دول، ومن الناس اللي برا دول". النوع دا من الحب بشع وصعب، واتمنى ماحدش يمر بيه.
أما النوع التامن والأخير وهو Philautia، هو الشكل الصحي من حب الذات، حبك لنفسك واعترافك بقيمتك الذاتية ومسئوليتك اتجاه اسعاد نفسك، اعتقد لو هختار نوع واحد من الحب في حياتي فهيكون هو دا عشان ببساطة
You Can't Give What You Don't Have.
محتاجين نحب نفسنا الأول عشان نقدر نحب الغير.
You Can't Give What You Don't Have.
محتاجين نحب نفسنا الأول عشان نقدر نحب الغير.
احب أقول شكرًا ليلى @DEisenfrau على البودكاست بتاعها عشان فكرني بالموضوع وشجعني اني اكتب عنه أكتر، ودا لينك الحلقة للي يحب يسمعها:
anchor.fm
anchor.fm
جاري تحميل الاقتراحات...