خسائر الإدمان
ماذا جنيت من الإدمان؟
مش عارفة ابتدي الحكاية منين صراحة. بس انا قادرة افتكر اول يوم في حياتي شربت فيه مخدرات. كنا في شهر يوليو سنة ٢٠٠٣. كنت انفصلت عن حب عمري -ساعتهاـ وفي اكتر لحظات حياتي ضعف وانهيار وكنت عند صديق في الشاليه بتاعهم في الساحل ومعاه حشيش.
ماذا جنيت من الإدمان؟
مش عارفة ابتدي الحكاية منين صراحة. بس انا قادرة افتكر اول يوم في حياتي شربت فيه مخدرات. كنا في شهر يوليو سنة ٢٠٠٣. كنت انفصلت عن حب عمري -ساعتهاـ وفي اكتر لحظات حياتي ضعف وانهيار وكنت عند صديق في الشاليه بتاعهم في الساحل ومعاه حشيش.
انا مش عارفة ليه قررت ساعتها اشرب وياريتني ما عملت كده.
كانت اول خطوات التطبيع مع المخدرات وابتدت الدنيا بعدها تمشي في اتجاه مختلف تماما عن شكل حياتي قبل اللحظة دي، اتجاه ما قطعهوش غير تبطيلي في نوفمبر٢٠٢٠.
كانت اول خطوات التطبيع مع المخدرات وابتدت الدنيا بعدها تمشي في اتجاه مختلف تماما عن شكل حياتي قبل اللحظة دي، اتجاه ما قطعهوش غير تبطيلي في نوفمبر٢٠٢٠.
عدى عليا ١٧ سنة في الدوامة من يوم ما قررت اني ابتدي اكسر الحاجز بيني وبينها ويا ريتني ما كسرتها لاني من ساعتها وانا عرفت حاجة مهمة جدًا الا وهي أن طول فيه حاجز بينك وبين المخدر وانتِ لسه مش عارفة أثره عليكي طول ما أنتِ في الامان،
لكن اول ما الحاجز ده بيتكسر وتبتدي تعرفي ان عادي المخدر ده مش بيموت زي ما كنت متخيلة لا ومش بس مش بيموت ده بيدخلني في مود لذيذ ومن هنا تبتدي الزحليقة، زحليقة مابتنتهيش في اغلب الحالات الا باموت الا لو كان الواحد ذكي كفاية انه يقف في النص ويقول لا خلاص كده كفاية مش لاعبة تاني خلاص
مش قادرة اني ارتب الخساير اللي خسرتها خلال ال ١٧ سنة اللي فاتت بسبب الادمان بس قادرة اني افتكر ازاي كنت بضحك على نفسي وبقول اني مبطلة في فترات كتير في حياتي بس اكتشفت بعد ما بطلت ان ده ماكانش حقيقي لاني كنت مستبدلة طول الوقت. دايما كنت ابطل المخدر الفلاني بس امسك في العلاني.
١٧ سنة مش فاكرة اني اقلعت تماما عن اي مخدر وعشت حياتي انسانة طبيعية. المشكلة في الادمان لفترات طويلة انه بينسينا شكل الحياه قبليه كانت عاملة ازاي. بنتحصر في شكل يوم معين واصدقاء معينين وخروجات ونشاطات معينة كلها مرتبطة بالادمان وبننسى حياتنا الطبيعية وازاي كنا بنبقى اجتماعيين
وازاي كنا بنستمتع بحياتنا من غير ما نبقى عاملين دماغ. خسارة حياتنا الجتماعية وشكل الاستمتاع بالحياه بدون مخدر هي اهم خسارة بتحصل لنا بعد الادمان بالذات لفترات طويلة.
لو خسارة حياتنا الجتماعية هي اهم خسارة في الادمان فخسارة شخصيتنا ل اتقل اهمية عنها.
لو خسارة حياتنا الجتماعية هي اهم خسارة في الادمان فخسارة شخصيتنا ل اتقل اهمية عنها.
الانعزال التام عن البشر الطبيعيين بيفقدنا قدرتنا على الاندماج في المجتمع فبينتج عنه بطء في القدرة على التطور وفي بعض الاوقات توقف تام عن التطور وفي حالات تالتة مش بس توقف بالرجوع للخلف.
انا كنت انسانة صالا ال IQ بتاعها عالي وهي طفلة وكانت طول الوقت ميالة للهندسة والرياضيات وكل ما هو هندسي بحت. انا متأكدة ان المخدرات في الفترة دي افقدتني كتير من قدراتي القديمة غير انها ضيعت ١٧ سنة كان ممكن اتطور فيهم اكتر من كده بكتير.
خسارة العيلة، دايما المخدرات بنتج عنها خسارة او فتور في العلاقة العائلية. بنميل دايما كمدمنين اننا نبعد عن اي ناس طبيعية لانهم مش هيشاركونا لحظة النشوة فدايما تلاقي الشخصيات المدمنة ما بيحبوش اي تجمع عائلي او سفر عائلي او خروجات عائلية لانها بتحط قيود على قدرتهم انهم يعملو دماغ.
لو الخسارة العائلية والاجتماعية مش كفاية فالخسارة العملية صعبة. الخسارة في الحياه العملية والتأخر للخلف وفي بعض الاوقات الخسارة التامة. انا شخصيًا ادماني وصلني في يوم من الايام لاني افقد نص حصتي في شركتي اللي انا اسستها واضطريت اني ابيع اسهمي عشان المكان يتلحق من اشهار الافلاس
الفلوس والتحويش والتخطيط للمستقبل. انا ضيعت سنين كتير وفلوس كتير كان ممكن اعمل فيهم حاجات كتير جدا. انا مكاني محلك سر من ١٠ سنين، شقتي ماتغيرتش ولا جبت شقة بالشكل اللي نفسي فيه، عربيتي لسه زي ما هي، رصيدي في البنك بالسالب؛
رغم اني عملت فلوس كتير في السنين اللي فاتت دي الا اني طول الوقت كنت بضيعها. عقلية المتدمن بتبقى طول الوقت بتفكر in terms of the drug. يعني اول ما حد يقول يلا ندخل سينما ب ١٥٠ جنيه تلاقي دماغ المدمن على طول فكرت سينما ايه وقرف ايه ده انا اجيب بيهم ربع سم حشيش ابرك.
كانت حياتي كلها عبارة عن ان اي فلوس بتيجي في ايدي زيادة دماغي مابتفكرش الا دول يجيبو قد ايه من المخدر اللي بشربه دلوقت؟
ليه بكتب الكلام ده دلوقت؟ لاني بعد سنة وشهرين تبطيل دماغي سوحتني لوهلة اني نفسي اشرب كاسين وعادي هعرف اهندلها ودي اكبر كدبة في الحياه.
ليه بكتب الكلام ده دلوقت؟ لاني بعد سنة وشهرين تبطيل دماغي سوحتني لوهلة اني نفسي اشرب كاسين وعادي هعرف اهندلها ودي اكبر كدبة في الحياه.
اللحظة اللي المدمن بيرجع يشرب فيها اي حاجة من الحاجات اللي مدمنها بعد نص ساعة كل التبطيل اللي فات بينتهي والشخصية الادمانية القديمة بتظهر على طول. يا ريت حتى شهر العسل الاولاني بتاع اول الضرب بيبقى موجود،
بالعكس كل حاجة بترجع لشكلها القديم في دقايق بالعكس المدمن بيرجع شره جدا وبيبقى نفسه يرجع يعوض كل اللي فاته في التبطيل. اول ما دماغي سوحتني على فكرة زي دي معالجي قال لي لازم تكتبي خسائرك من الادمانعشان لما تفتكري قرف الماضي ماتفكريش ابدا انك ترجعي له.
بس كده…..
بس كده…..
يا رب انا مش عاوزة ارجع لده تاني يا رب، يا رب انا ما صدقت خرجت مش هعرف ادخل الدوامة دي تاني.
جاري تحميل الاقتراحات...