ثريد طويل شويتين بمناسبة محمد صلاح اللي "عايز ياخد اللقطة" وكيروش اللي "على الله"
بجملة بقى "حرقة الدم"
كلنا عندنا حالة من الاحباط والحزن والغضب الشديد من اللي حصل امبارح وده طبيعي جدا بعد البطولة الملحمية واللي كادت أن تكون تاريخية أنك في الآخر تخسر وبـ"سخرية القدر" ب....١
بجملة بقى "حرقة الدم"
كلنا عندنا حالة من الاحباط والحزن والغضب الشديد من اللي حصل امبارح وده طبيعي جدا بعد البطولة الملحمية واللي كادت أن تكون تاريخية أنك في الآخر تخسر وبـ"سخرية القدر" ب....١
بـ"ركلات الترجيح" اللي عديت بها قدام كوت ديفوار والكاميرون..مع العلم أنك خسرت في النهائي..مع العلم أن أبرز المتفائيلن مكنش يحلم أصلا بالوصول للمربع الذهبي..مع العلم أن كل شعب مصر بعد الفوز على المغرب "أداء ونتيجة" كان بيقول على كيروش "عالمي" وعلى لاعبي منتخب مصر "أبطال"....٢
مع العلم أن الكل برضه قبل نهائي البطولة ما بيتلعب كان بيقول "ايه العظمة دي يا جماعة"
بس فجأة حالة الاحباط والحزن والغضب الشديد تحولت لكلام محبط بجد ومحزن بجد ويخليك تتعصب وتغضب لدرجة أنك تشكك في قدراتك العقلية وفي اللي أنت شايفه بـ عينك أصلا....٣
بس فجأة حالة الاحباط والحزن والغضب الشديد تحولت لكلام محبط بجد ومحزن بجد ويخليك تتعصب وتغضب لدرجة أنك تشكك في قدراتك العقلية وفي اللي أنت شايفه بـ عينك أصلا....٣
كلام من نوعية.. احنا اتأهلنا للنهائي "بالفهولة" و"عرق اللاعبيه" و"الروح" وطبعا "ملعبناش كورة بـ3 جنيه" وبنلعب بطريقة "حلق وباصي لـ صلاح اللي طبعا (مبيعرقش وخايف على رجله ومتكبر وعايز ياخد اللقطة بالركلة الخامسة بس)..وطبعا ان احنا طول البطولة جايبين 4 أهداف فقط...٤
تمام.. ف ملخص الكلام أن كيروش "مدرب دفاعي أو معندوش فكرة مش فارقة يعني".. وأن محمد صلاح "متخاذل وعايز ياخد اللقطة".....٥
وطبعا منتخب السنغال اللي عنده قايمة مش محتاجين نقولها وكلكوا حافظينها يعني.. بقى منتخب عظيم و"أليو سيسيه" مدرب "كبير" رغم أنه متأهل من دور المجموعات بهدف واحد جه من ضربة جزاء في الدقيقة 97 قدام زيمبابوي في مجموعة فيها سيراليون ومالاوي "آه والله"....٦
ولكن طبعا لما كسبوا الرأس الأخضر وغينيا الاستوائية وبوركينا فاسو "كانوا قمة الإقناع أكيد" ويستحقوا البطولة بـ مشوارهم العظيم.. وبالحسبة دي طبعا فـ النجم بتاعهم صنع الفارق اللي هو ساديو ماني اللي جاب 3 أهداف في البطولة منهم واحد من ضربة جزاء بس صلاح متخاذل عشان جاب جولين بس...٧
وماني اللي صنع 14 فرصة جاب منهم أسيستين لزمايله أحسن أكيد من صلاح اللي صنع 17 فرصة لزمايله برضه جاب منهم أسيست واحد بس....٨
وعايزين تقنعونا أن "كيروش" كان معاه عناصر هايلة وعندها قدرات هجومية وإبداعية كبيرة ولكن "تحجيمه الدفاعي" و"خطته العقيمة" هى اللي حالت دون ذلك يعني...٩
"كيروش" اللي معاه 3 لاعبيه بس لعبت أصلا أمم إفريقيا مرة قبل كده (صلاح وتريزيجيه والنني) والباقي كله أول مرة يلعب أمم إفريقيا أصلا....١٠
هو طبعا لا يستغل قدرات اللاعبيه اللي هم أكتر تالت منتخب عمل تسديدات في البطولة 80 منهم 24 بس على المرمى جبنا منهم 4 أهداف (بوركينا فاسو جابت 9 أهداف منهم 30 محاولة على المرمى)...١١
والقايمة اللي فيها 5 محترفين يعني بعيدا عن حجازي "السعودية".. (اتنين بس منهم أساسيين في فريقهم) والباقي بديل أو بيعافر.. ف ده يقولنا طبعا أن المشكلة الأساسية في "عقلية كيروش" وأنه "معندوش فكرة" ...١٢
بينما منتخبات المغرب والجزائر وغانا وكوت ديفوار اللي قوائمهم كلها محترفين ونجوم فرقهم حرفيا.. ظروف البطولة وسوء الحظ هى فقط السبب في عدم وصولهم للنهائي أو تحقيق اللقب عكسنا...١٣
"كيروش" اللي خلا واحد زي محمد عبدالمنعم اللي لسه أصلا ملعبش لا أهلي ولا زمالك وكل اللي حلته كام ماتش دوري ممتاز وبقى من أحسن مدافعين البطولة (مع أن في محمود علاء وعلي جبر لاعبيه دولية وبتلعب منتخب علطول)...١٤
واللي أدى الفرصة لـ عمر كمال عبدالواحد يبقى أساسي لما أكرم اتصاب (مع أن المركز ده محجوز لـ أحمد فتحي وعمر جابر وأحمد توفيق).. اللاعبيه دي طبعا لا خدت من شخصية المدرب ولا استفادت من تعليماته وهم طبعا جامدين لوحدهم كده...١٥
بس احنا مرجعناش قدام المغرب وقلبنا النتيجة 1-0 لـ 2-1 ومخلصين الماتش متفوقين عليهم في كل حاجة... مكنتش أحسن من كوت ديفوار أداء وحتى بكلام الأرقام والإحصائيات أنك عامل عليهم 20 محاولة مقابل 13 بس طبعا العرق والحظ هما اللي كسبوك بس...١٦
ولكن لما بنشوف نفس الخطة ونفس الفكر ونفس الاسلوب مع مورينيو أو كونتي أو مانشيني وغيرهم والأمثلة مفيش أكتر منها بتبقى عظمة و"يالا جمال كرة القدم"..١٧
أنما هنتقبل عادي نلعب بطريقة كابتن إيهاب جلال ونخسر أربعات وخمسات زي ما جوارديولا عمل مع بايرن ميونيخ في دوري أبطال أوروبا قدام ريال مدريد وبرشلونة...١٨
ارحموا نفسكوا يا جماعة وارحموا عقولنا جميعا.. عندكم منتخب "عدى إمكانياته بمراحل" ونال إشادة الجميع والجميع يعني برا مصر قبل جوا مصر.. كان هيكون بطل إفريقيا لولا تفاصيل صغيرة جدا وهو أقل في الإمكانيات من كل منتخبات القارة المرشحين بلا استثناء...١٩
منتخب خسر قدام نيجيريا في المباراة الافتتاحية في أسوأ مباراة لمنتخب مصر من فترة طويلة جدا وربما في مسيرة كيروش نفسه ثم عمل ريمونتادا "تدرس في كل شئ"..٢٠
الكورة مش كلها النتيجة النهائية.. عندنا عنين وعقل نشوف بيهم ونحكم مش محتاجين حد يقولنا أي حاجة أحنا شايفين عكسها...٢١
شكرا كارلوس كيروش على إعادة هيبة منتخب مصر الإفريقية وكل الدعم في مباراتي السنغال.. طمعتنا كلنا في بطولة مكناش نحلم بيها في ظل الظروف دي..شكرا لكل لاعبي منتخب مصر.. "الموضوع كان أكبر من إمكانياتكوا بكتير أوي"
جاري تحميل الاقتراحات...