رتبها

عاوز أتكلم عن أداء لاعيبة منتخب مصر إمبارح بالأرقام والإحصائيات شوية لأن فيه انتقادات طالت ناس عملت ماتش كويس، ومديح راح للاعيبة عملوا ماتش "تحت السيء بمسافة" ..
التقييمات من SofaScore

محمد أبوجبل، تقييمه 10/10 .. لولاه الماتش مكنش هيكمل بعد الدقيقة 90 بسبب تصدي ضربة الجزاء..
8 تصديات
6 من التصديات من داخل الصندوق
تصدي لضربة جزاء وركلة ترجيحية
عمل 9 كرات طويلة صحيحةـ وعمل عرقلة صحيحة
Man Of The Match.. والأعلى تقييمًا في البطولة كلها.

إمام عاشور.. بيلعب في مركز غير مركزه ولأول مرة أساسي مع المنتخب الأول وبيلعب نهائي قاري
قطع الكرة 6 مرات، 2 عرقلة صحيحة
لم تتم مراوغته ولا مرة(بيلعب ضد ماني)
فاز بـ7 من أصل 7 صراعات أرضية
دقة تمريرة 71%
عمل تمريرة مفتاحية وهو بيلعب ظهير
نجح في مراوغة من محاولة واحدة
تقييم 7.5

محمد عبدالمنعم من نجوم البطولة
2 تشتيت للكرة
قطع كرة، عرقلة صحيحة
تسبب في ركلة جزاء (ضاعت)
لم تمم مراوغته ولا مرة
كسب صراع هوائي 1 من أصل 1
كسب 2 صراع أرضي من اصل 4
دقة تمريرة 82%
عمل 2 كرات طويلة صحيحة
اضاع ركلة ترجيحية
تقييمه 6.4

الونش
شتت الكرة 7 مرات
قطع الكرة 4 مرات، عمل عرقلة صحيحة
فاز بصراع أرضي، و 3 صراعات هوائية
لعب 3 كرات طويلة بشكل صحيح
من نجوم الماتش وقدم ماتش تاريخي
تقييمه 7.1

أحمد فتوح، كالعادة أداء بدون شوائب
شتت الكرة 8 مرات
عرقلتين صحيتين، وقطع للكرة مرتين
فاز بـ 2 صراعات أرضية
لم تتم مراوغته ولا مرة
عمل تمريرتين مفتاحيتين
عمل 2 crosses من اصل 3 محاولات
صنع فرصة محققة للتسجيل
تقييمه 7.2

عمرو السولية لعب 58 دقيقة
حدث ولا حرج، أقل تقييم في المباراة كلها. بـ 6.4

حمدي فتحي
3 كرات طويلة صحيحة من اصل 4
فاز بصراع أرضي من أصل 8
عمل تشتيت واحد للكرة
تمت مراوغته مرتين
تقييم 6.4

محمد النني
عمل تمريرة مفتاحية
دقة التمرير 93%
2 كرات طويلة صحيحة من أصل 2
فاز بـ 2 صراع هوائي من أصل 3
فاز بـ 4 صراعات أرضية من أصل 7
1 تشتيت للكرة، 0 استخلاص، 3 عرقلات
لم تتم مراوغته
تقييم 7.0

عمر مرموش
لعب 59 دقيقة
0 محاولات على المرمى، 0 صناعة فرص
عمل مراوغة صحيح من أصل 3
خسر الكرة 10 مرات
تمت مراوغته مرتين ، قطع الكرة 3 مرات ، وعمل 3 عرقلات
تقييمه 6.4 (الأقل في اللقاء بجانب السولية وحمدي فتحي)

مصطفى محمد
لعب 59 دقيقة
0 محاولات على المرمى، 0 صناعة فرص
فاز بـ 4 صراعات هوائية من أصل 7 مع مدافعين السنغال
فاز بصراع أرضي وحيد من أصل 2
تحصل على 3 فاولات
تقييمه 6.6

محمد صلاح "قائد المنتخب"
سدد 2 على المرمى (الوحيد في مصر)
مراوغة صحيحة من اصل 3 محاولات
دقة التمرير 93%
2 كرات طويلة صحيحة من أصل 2
5/14 من الالحتامات الأرضية مع مدافعين السنغال
تحصل على 4 فاولات
تقييمه 6.6

البدلاء تريزيجيه ومروان حمدي ولاشين قدموا ماتش سيء، تقييمهم بالترتيب 6.3 .. 6.6 .. 6.4
زيزو البديل الوحيد اللي تقييمه كان عالي، 7.1

امبارح الناس انتقدت امام اللي بالأرقام اعلى واحد في خط الدفاع كله
وانتقدوا النني اللي بالأرقام اعلى من حمدي ولاشين والسولية
ومصطفى محمد اللي كان المفتاح الهجومي لنقلنا للحالة الهجومية طول الماتش ويمكن طول البطولة

أقل لاعيب اخد تقييمات مع المنتخب طول البطولةكان السولية.مفيش سبب واحد مقنع ومفيش تفسير ان السولية يكون أساسي مع المنتخب او حتى مع المنتخب بأي شكل من الأشكال
اقل لاعب بيقطع كرات واسوأ لاعب في الكرات الطويلة.اقل لاعب بيطلب الكرة واسوأ لاعبي المنتخب تحت الضغط
وجوده مع المنتخب كارثي

طول ما المنتخب مصر يعتمد على لاعيبة الأهلي لمجرد انهم لاعيبة الأهلي مش هننفع والله
وحتى نفس الكلام مع لاعيبة الزمالك، مش لأن فلان بيلعب في الأهلي يبقى يستحق يكون أساسي مع المنتخب، أو حتى يروح مع المنتخب أساسًا
اتمنى كيروش يبدأ يفكه من كلام شوقي وجمعة ويتفرج أكتر وأكتر على الدوري

طبعا مش عاوز اتكلم عن طارق حامد اللي هو احسن ديفندر في مصر واحسن لاعب وسط في مصر اخر 10 سنين، مشاكل خط الوسط اكبر من كونها تتحصر في الديستروير.. مصر محتاجة اتنين لاعيبة 8 يكونوا بيلعبوا كورة بجد مش "سولية"
حمدي لاعيب كويس، بس حمدي لا عنده نص مستوى ولا خبرات طارق حامد.

الناس دايما بتستسهل وتشتم لاعيبة معينة طول الوقت.. زي عبدالله السعيد اللي كان نجم ماتش السودان.. وزي النيني اللي كان من أحسن اللاعيبة فالمنتخب طول البطولة خصوصًا ضد المغرب وساحل العاج.
الجمهور أسهل حاجة يشتم اللاعيبة اللي بيكرهه وخلاص.. حتى لو اللاعيب ده بيقدم الكتير فالملعب.

امبارح الكل كان بيشتم إمام اللي كان بيلعب فمركز مش مركزه قصاد أغتت جناح في العالم..ماني الي بيمسح الملعب بأتقل مدافعين الـPLوالعالم كان بيلعب على إمام ورغم كده مقدرش يراوغ إمام ولا مرة..وإمام قدر يستفزه ويخليه ياخد انذار
نفس الناس كانت بتمدح حمدي فتحي وبتقول عليه الجندي المجهول😅

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد