بمناسبة ان اللي بيقول ان الاوروبيين مش محتلين، ف هما مش محتلين بس هما لصوص و قتلة كمان واللي عملوه و بيعملوه في افريقيا تحديدًا فرنسا لحد النهارده يمكن ناس كتير متعرفوش بس خليني في الثريد ده اتكلم عن كذا نقطة بداية من الستينات لحد النهارده و اهم المواقف اللي حصلت في كل محطة
سيكو توريه أول رئيس لغينيا قاد حركة الاضراب و وقتها فرنسا معجبهاش ف امرت الفرنسين هناك بتدمير كل حاجة في البلد ويمشوا بما فيها كتب و مدارس وسجلات و مباني عامة وحتى الخيول و البقر والادوية و الاكل دمروا كل حاجة و مشيوا
اوليمبيو اول رئيس لدولة توجو وقتها كان عايز حلول وسط مع فرنسا بعد ما شاف اللي حصل في غينيا ف قرر يدفع دين سنوي لفرنسا مقابل عدم التوقيع على اتفاقية شارل ديجول وميبقاش خاضع لفرنسا وفرنسا وافقت مقابل دين استعماري وصل ل ٤٠٪ من الميزانية سنة ١٩٦٣
اوليمبيو ادرك بعدها انه غلط وحال البلد كان بيتدهور ف كان عايز يخرج من الFCFA منظومة الفرنك اللي فرنسا عملتها لكل الدول اللي احتلتها، في تالت يوم من بداية طبع العملة الجديدة لتوجو اوليمبيو تم قتله من رقيب في الجيش اسمه اتيان جناسينجبي مقابل مكافأة ٦١٢ دولار عشان توجو متستقلش
في ١٩٦٢ موديبو كيتا رئيس مالي قرر يخرج من نفس النظام FCFA ويتوجه للنظام الاشتراكي وده طبعاً يتعارض مع فرنسا، في ١٩٦٨ حصل انقلاب بقيادة موسى تراوري ونفس الكلام حصل في افريقيا الوسطى مع دايفيد داكو رئيس الدولة وقتها على يد جان بوكاسا، افريقيا فضلت في انقلابات كتير طول الوقت
في الخمسين سنة اللي فاتوا حصل حوالي ٦٧ انقلاب بترتيب فرنسي على اي محاولة للاستقلال في ٢٦ دولة افريقية منها ١٦ كانوا مستعمرات فرنسية بنسبة ٦١٪ - و بنهب الموارد و الاتاوة السنوية اللي فرنسا بتاخدها في ٢٠٠٨ جاك شيراك نفسه قال ان من غير افريقيا مكنش هيبقى في وجود لفرنسا في القرن ٢١
٥٠٠ مليار دولار سنويًا بتقدمها الدول اللي فرنسا استعمرتها لفرنسا لحد النهارده ورؤساء الدول دي مجبرين انهم يعملوا كده بدل ما يحصل عليهم انقلابات زي ما كان بيحصل قبل كده، غير المصادرة التلقائية للاحتياطي النقدي في ١٤ دولة افريقيا من فرنسا من خلال بورصة باريس بنسبة ٨٠٪ من الاحتياطي
حق الاولوية على اي مورد طبيعي او خام في الدولة يروح لفرنسا الاول ونفس الكلام في المصالح والشركات ف الشركات الفرنسية ليها الاولوية في منح العقود وفعلًا في كوت ديفوار الشركات الفرنسية استولت على البنوك وشركات الاتصالات والمياه و الكهرباء وطبعًا الحق الحصري في توفير معدات الجيش
طبعًا كل ده احنا لا اتكلمنا عن اللي حصل في الجزائر ونهب الاثار المصرية و محاولات محو الهوية في كل دولة احتلوها و فرض لغتهم على الدول المستعمرة، ابقوا ذاكروا تاريخ يا جماعة و بطلوا تبقوا منبطحين قدام حرامية و قتلة عشان فعلًا عيب انك متبقاش عارف تاريخك.
جاري تحميل الاقتراحات...