بخصوص دفعه الامتياز الجديد 2022 هنعمل ثريد لطيف كده ينفعكم 🙏
1- لو ليك نيابه جامعه ببوست او من غير بوست ( يعني مجموعلك يضمنلك نيابه جامعه ) ريح اول شهرين و بعد كده حاول تشبط في التخصصات اللي ناوي عليها في الجامعه صحتك بعد فرمه الامتحانات مهمه و متدخلش ع الحامي
2- لو انت عارف ان هيبقي ليك نيابه جامعه ف تخصص زي التخدير او الطوارئ او الرعايه يعني اواخر النيابات و متردد هتكمل ف الجامعه و لا لأ يبقي من دلوقتي تجرب التخصصات دي عشان متجيش وقت قعده النيابات و تسأل زمايلك هو التخدير حلو و لا وحش ؟طيب ما تجربه بنفسك وقرر
3- لو ملكش نيابه جامعه خد اول شهرين في تخصص الجراحه او الطوارئ دي التخصصات اللي هتقوي قلبك عشان تقف في الاستقبال و تتعلم بسرعه و تقدر تسد في اي مكان تنزله
4- لو ملكش نيابه جامعه و كده كده هتشرف ف الصحه يبقي خد امتيازك في مكان يخليك تعرف تاكل عيش بعدين و تعرف منه تحدد اولوياتك في التخصص زي المستشفيات التعليمه مثلا او المستشفيات العام الكبيره الموجوده في المحافظات
5- ابعد خالص عن الشغل في الرعايه او الحضانات و لو بتفكر فيها كبرايفت اقل حاجه ترشق 6 شهور متواصله ف الرعايه او الحضانه و برضو نصيحه بلاش تشتغلها لان مشاكلها القانونيه كتيره و انت مش معاك اي ترخيص مزاوله فممكن تلبس ف الحيطه بكل سهوله
6 - لحد دفعه 2017 كان مرتب الامتياز لا يتجاوز في احسن الحالات 500 جنيه ف الشهر , دلوقتي في جامعات كتير بتطبق حافز الامتياز ب حوالي 2000 ج ( بغض النظر عن العاقه جامعه المنصوره 😆 ) ف انت مش متسربع علي البرايفت قد ما تتسربع علي اختيار تخصصك
7- لو مش ناوي تكمل في مصر و ظروفك تسمح يبقي تفكر من دلوقتي في معادله او لغه و بلاب
8-لو حد قالك انبسط و فسح اسمع كلامه بس اول شهرين فقط و بعدها شوف التخصص اللي يناسبك و ارشق فيه وفكر في اي مسار ناوي عليه جامعه و لا صحه لو صحه زماله ولا ممارس
9- تعمل لنفسك لوج بوك و تسجل فيه كل كبيره و صغيره و تخلي النايب يمضيلك عليها ولو معاه اكلشيه يختمهالك , هينفعك بعدين اللوج بوك ده
10- لازم تفهم انك كأمتياز غير مسؤل قانونيا عن اي مريض انت مسماك طبيب تدريب , فمتصدرش نفسك ف مشاكل مع المرضى من قريب او بعيد او تمضي علي حاجه انت مش عارفها او تدخل نفسك ف حوارات لا تخصك
11- لو حابب تتعلم اساسيات الباطنه روح المستشفيات التعليميه و اقرأ كتير , لو حابب اساسيات الجراحه روح برضو المستشفيات دي و اي مكان عليه ريت جراحه عالي زي الهرم ام المصريين و هكذا
12- امسك اي كتاب بوكيت من سلسله oxford و خليه في جيبك حسب التخصص اللي بتحبه
جاري تحميل الاقتراحات...