رتبها

- اهلاً وسهلاً ❤️.
#ثريدات_عبدالله
كيف حالكم؟
اليوم فيني طاقة هرج لذلك هالثريد اخترت انه يكون طويل وفيه معلومات كثيره ويحتاج تركيز عالي 🌚
- ثريدنا اليوم بتكلم فيه عن
الـ hemostasis بتكلم عنه بشكل مختصر وبيكون تركيزنا على
coagulation cascade.
بسم الله انطلقنا ✔️.

🔷 في البداية لازم نعرف
ان الـ hemostasis يمر بخمس مراحل او خمس خطوات وهي :
1- vascular spasm
2- platelet plug formation
3- coagulation
4- clot retracion and repair
5- fibrinolysis
- زي ماقلت بتكلم عنها بشكل مختصر وتركيزنا اليوم بيكون على الخطوة الثالثه بناخذها بالتفصيل

• نبدا اول شي بالـ vascular spasm
- اذا كان عندنا تهتك او جرح في الوعاء الدموي هذا الجرح بيسمح للدم انه يطلع من الوعاء الدموي ويسبب فقدان كبير للدم واللي بيترتب عليها مشاكل صحية كثيره وهذا ما لانريد حدوثه لذلك بنحاول اننا نمنع الدم من انه يخرج من تجويف الوعاء الدموي

عن طريق انقباض الوعاء الدموي، هذا الانقباض بيقلل تدفق الدم وبذلك بنقلل كمية الدم اللي يخرج عن طريق هذا الجرح
وهذي ببساطه وباختصار هي الخطوه الاولى وفيها تفاصيل كثيره لكن ماهي موضوعنا اليوم المهم اننا نعرف آلية ال vascular spasm

• الخطوه الثانيه وهي الـ
platelete plug formation
- زي ماقلنا عندما يكون عندنا تهتك في جدار الوعاء الدموي تبدا خلايا الendothelial المتهتكه بإفراز بروتينVWF هذا البروتين يكون موجود في مكان التهتك، وعلى سطح الصفائح الدمويه فيه مستقبل يرتبط مع بروتين VWF هذا المستقبل اسمه Gp1b

- وبعد ماترتبط الصفائح الدمويه مع
von Willebrand factor (VWF)
تبدا تفرز مواد كيميائية وهي ثلاث مواد :
1- ADP
2- TXA2
3- Seratonin
وهذي المواد الكيميائيه وخصوصاً ADP وTXA2 ترتبط مع بعض وتروح للصفائح الدمويه اللي تسبح في الدم وتنشطهم وتخليهم يتجهون للمكان المصاب او المتهتك.

وبكذا بتبدا الصفائح الدمويه تتجمع على مكان الاصابة او الجرح وتكون الجلطة المؤقتة.
- ولكن كيف ترتبط هذه الصفائح الدمويه مع بعضها البعض ⁉️
على سطح الصفائح الدمويه فيه بروتين او مستقبل اسمه Gp2b3a هذي المستقبلات يرتبط معها Fibrinogen ويربط الصفائح مع بعضها

• الخطوه الثالثه وهي :
coagulation cascade
✳️ وهي محور حديثنا اليوم واللي ان شاء الله بنتعمق فيها وبناخذها بالتفصيل "الممتع" ان شاء الله
بداية لازم نعرف ان هذي العلمية تنقسم الى ثلاث مسارات و هي :
intrinsic pathawy
extrinsic pathway
common pathway

⚠️ المسار الاول والثاني وظيفتهم انهم يوصلونا للمسار الثالث اللي بدوره بيوصلنا لتكوين جلطة ثابته تغلق مكان الجرح وتمنع تسرب او خروج الدم

- طيب قلنا ان اذا فيه تهتك او جرح في جدار الوعاء الدموي اول شي واول خطوه هي انقباض الوعاء الدموي عشان يقلل من خروج الدم وبعد كذا الصفائح الدمويه بتتجمع على مكان الجرح عشان تكون جلطه مؤقته تسد به مكان الجرح وهذي الصفائح الدمويه اللي متجمعه على الجرح يكون على سطحها شحنه سالبه

ومن هنا بتبدا سلسلة من التفاعلات لازم تركز لاني بصدع راسك شوي 🌚💔
- هذي الشحنه السالبه بتتفاعل مع بروتين يسبح في بلازما الدم اسمه factor 12 ويتم تنشيطه وfactor 12 النشط يروح ينشط factor 11 وبعد كذا يروح factor 11 النشط و ينشط factor 9

وfactor 9 النشط يتفاعل مع factor 8 وينتج complex من هالتفاعل بين factor 9 و factor 8 وعشان يحدث هالcomplex محتاجين كالسيوم و PF3،
- هذا التفاعل اللي صار بين عامل ٨ و٩ وكونوا complex بيروح لـ factor 10
وينشطه
⬆️هذا المسار هو مسار الintrinsic ياخذ وقت اطول عشان ينشط factor 10

على عكس الـ extrinsic pathway
اللي ينشط factor 10 بسرعه ⬇️
- هذا المسار يبدا عندما تبدا الانسجة المتهتكه مكان الجرح بإفراز بروتين اسمه Tissue factor او factor 3 هذا العامل يتفاعل مع بروتين factor 7 وينشطه

✳️ factor 7 النشط
• يقدر يروح لـ factor 9 وينشطه عشان يروح بدوره ينشط factor 10
• و يقدر يروح بصورة مباشره لـ factor 10 وينشطه
وبعد مايتم تنشيط factor 10 سواء
من الـ intrinsic او الـ extrinsic pathway
ندخل على الcommon pathway ✅

الـ common pathway ⬇️
Factor 10 يتفاعل مع factor 5 وايضاً محتاجين PF3 وكالسيوم عشان يحدث هالتفاعل هذا المركب بينشط بروتين اسمه Prothrombin activator هذا البروتين وظيفته انه ينشطprothrombin ويحوله الى Thrombin بعد كذا الثرومبين يتفاعل مع بروتين موجود بصوره ذائبة في بلازما الدم ✔️

🔷 هذا البروتين اسمه Fibrinogen ويحوله الى Fibrin وهذا الـ Fibrin غير ذائب في بلازما الدم وهذا بيساعد ويحول الدم من الصوره السائلة الى مادة تشبه الجلي في قوامها وهذا يجعل الدم اكثر لزوجة عشان يقلل من سريان الدم عشان مانفقد عدد كبير من خلايا الدم الحمرا

🔷 والـ Thrombin ايضاً يتفاعل مع بروتين اخر اسمه factor 13 وينشطه بمساعدة الكالسيوم ووظيفة factor 13 انه يكّون روابط تساهميه بين جزيئات الـFibrin عشان يكّون لنا مايعرف بالـ fibrin mesh اللي هو شبكه تتكون على الصفائح الدمويه اللي مكان الجرح

🔷 هذي الشبكه تقوي وتشد الجلطة اللي صارت مكان الجرح او التهتك في الوعاء الدموي، هذي الشبكه من الـ fibrin mesh تثبت الجلطه في مكانها عشان تمنع خروج الدم وايضاً عشان هذي الجلطه ماتتحرك من مكان الجرح وتروح للوعاء الدموي وتسد الوعاء وتمنع مرور الدم من خلاله

• الخطوة الرابعة وهي الـ
clot retracion and repair
الهدف من هذي الخطوه هي اعادة اصلاح الوعاء الدموي المتهتك او المنجرح وتتم هالعملية على مدى ايام من الاصابة بالجرح.

• الخطوة الخامسه وهي fibrinolysis
- بعد ماتكونت الجلطة وغطت مكان الجرح تماماً هذي الجلطة ممكن انها تكبر اكثر وتسد الوعاء الدموي وتضيق مسار الدم لذلك الهدف من هذي العمليه هو اننا نبي نشيل هذي الجلطه بعد ماتم اصلاح الضرر او التهتك اللي صار في جدار الوعاء الدموي.

❗️طيب كيف تتم ازالة هذي الجلطة وحنا قلنا ان الFibrin mesh وظيفتها كانت تشد وتقوي الجلطه عشان ماتتحرك من مكانها ؟
هذا ما سنعرفه في التغريده القادمة ✅🏃🏻‍♂️

🔷 فيه بروتين موجود على الغشاء البلازمي للوعاء الدموي هذا البروتين اسمه tissue plasminogen activator هذا البروتين وظيفته انه ينشط بروتين موجود بصورة طبيعيه في الدم اسمه plasminogen ويحوله الى plasmin هذا الـ plasmin وظيفته انه يكسر الfibrin

🔷 لذلك بيجي على مكان الجلطة ويبدا يكسر الfibrin mesh وبعد مايحلل ويكسر الfibrin mesh يبدا يفرز fibrinogen وايضاً يفرز مادة كيميائية مهمه جداً وهي D-dimer
- وبكذا خلصنا 🌚✅

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة