الشيطانة والإمبراطور وكافور
شهدت القسطنطينية في أواخر القرن العاشر قصة غريبة شوية..بداية القصة ترجع لوقت موت الامبراطور رومانوس التاني اللي مات مسموم ع ايد زوجته الشابة ثيوفانو نادرة الجمال واللي كانت بتشتغل في حانة قبل ما يتجوزها واللي حرضته ع قتل والده قسطنطين السابع بالسم 👇
شهدت القسطنطينية في أواخر القرن العاشر قصة غريبة شوية..بداية القصة ترجع لوقت موت الامبراطور رومانوس التاني اللي مات مسموم ع ايد زوجته الشابة ثيوفانو نادرة الجمال واللي كانت بتشتغل في حانة قبل ما يتجوزها واللي حرضته ع قتل والده قسطنطين السابع بالسم 👇
قبل كدا وطردت اخواته وأمه و بعد موت رومانوس بقت وصية على ابناءها منه في الحكم الحلم اللي كانت بتحلم بيه من يوم ما دخلت القصر بالاضافة لوجود الوزير برنجاس في الصورة واللي بيهدد حلمها دا..في الوقت دا كان قائد جيوش الإمبراطورية في الشرق قائد اسمه نقفور فوكاس شهرته وسيرته وشجاعته 👇
وصلت لكل الشعب بسبب حروبه وانتصاراته ضد العرب والروس والبلغار في شمال الشام وآسيا الصغرى زي ما وصلت اخباره برضو لثيوفانو من قبل ما جوزها يموت حتى..اتبادلوا الرسايل بخصوص الأوضاع اللي استجدت طلبت منه يرجع للعاصمة علشان يكون جنبها ضد الاطماع اللي حواليها في العرش..شوية خطط 👇
وتدابير عملهم الوزير برنجاس علشان يتخلص من نقفور لكن معرفش لانه دخل المدينه كملك لشدة تعلق وحب الشعب بيه مش الشعب بس دا الملكة الأرملة الشابة الجميلة كمان وقعت في حبه..طب ونقفور بادلها الحب دا؟عمنا وعم الناس كلهم واحسن حد كتب في الحقبة دي عن التاريخ البيزنطي د محمود سعيد عمران 👇
قال كدا نصا ( غزت ثيوفانو قلب نقفور بنفس القوة التي غزا بها قلب اسيا الصغرى ) الشعب بيحبه والملكه بتحبه والبطريرك بيحبه ف واي نوت ؟ اتجوز الملكة وبقى إمبراطور شريك مع ولادها حقق نجاحات رهيبه وكبيرة جدا وصلت لحد ان ضم لملكه أجزاء كبيرة من الشام وآسيا الصغرى كانت من بينهم حلب 👇
والمصيصة وانطاكية و حاصر طرطوس حصار شديد واللي الكتب بتقول نصا ان محدش فكر في أهلها الا كافور الاخشيدي حاكم مصر لما بعتلها اسطول مصري محمل بالمؤن والمساعدات الا ان الحصار حال دون وصوله للمدينة رغم ان الخلافه العباسية في دمشق كانت ع بعد أميال من الحصار وكان لثيوفانو دور محوري 👇
ف الهدنه وتبادل الاسري في المرتين ايام رومانوس زوجها الاول والاخشيد سلف كافور ف حكم مصر وبين نقفور جوزها التاني وكافور نفسه والأسرى دول كان منهم الشاعر المشهور ابو فراس الحمداني اللي فضل أسير ٤ سنين لانهم كانوا بيخاطبوا مصر مباشرة بدون الرجوع للخلافه لأنها كانت القوة الأقوى 👇
في المنطقة حاربوا العباسيين والروس والبلغار والالمان والفاطميين لكنهم هادنوا مصر بس ..نقفور فوقاس كان قائد عسكري من طراز فريد مكروه في التاريخ العربي لأسباب عاطفيه لكن الحقيقه انه كان علامه في تاريخ الإمبراطورية البيزنطية ورغم كل دا ثيوفانو قررت فجأة مع صديقه ودراعه اليمين 👇
يوحنا تزيمكيس انهم يقتلوه ويتجوزا بعدها وفعلا ساعدته على قتله وبعدها طلب يوحنا انه يكون إمبراطور شريك مكان نقفور الا ان البطريرك رفض الا بعد ان يعترف بقتل نقفور ويطرد الملكه من القصر وقد كان وعمل كدا فعلا يوحنا علشان يوصل للحكم علشان يبقى تاني وآخر إمبراطور في سلسلة القادة 👇
العسكريين واللي بالمناسبة فترة ثرية جدا في تاريخ الشرق ومعرفش هل فيه فيلم سينمائي اتعمل للأحداث دي ولا لأ ولو لأ يبقى خسارة جدا .
الخلافه العباسية في بغداد *
جاري تحميل الاقتراحات...