📌 ثريد عن اساسيات و ضوابط العلاقات قبل الزواج كما جاء في السنة و حياة الصحابة نقلاً عن محاضرة الشيخ/ نعمان علي خان:
نحن خلينا العلاقة بين الرجال و النساء معقدة اكتر من الصحابه, الصحابه كانو ناس بسيطين خالص و جو من مجتمع فاسد من جميع النواحي قبل الإسلام. في المدينة لمن المهاجرين وصلو كانو مفلسين لانهم خلو كل حاجاتهم الثمينة في مكة, المدينة الآن عبارة عن المدينة المنورة لكن في الزمن داك
كانت لاس فيغاس كانت اكبر مدينة للدعارة آنذاك و بختو اعلام في بيوت الدعارة للتميز حتى في صحابي جاء للرسول (ص) و قال ليهو انو عاوز اعرس البنت الفلانية و انو بتعمل قروش كويسة .. اتخيل بس الصحابي بستشير الرسول في انو يعرس عاهرة ليه؟ لانو الصحابة ما كانو شايفين انو الحاجه دي كعبه
اساساً ما بقو ملائكة في يوم و ليلة كانو بتعلمو حبه حبه حتى بعد داك نزلت الآيات البتحدد انو ما صح تعرس النوع دا من النساء في سورة النور.
جزء كبير من الناس مفتكرين انو الصحابه كانو لمن يشوفو بنت جاية بمشو عكسها و يستغفرو الليل كلو.. لا الموضوع ما كان كدا بالعكس كانو بتكلمو,
جزء كبير من الناس مفتكرين انو الصحابه كانو لمن يشوفو بنت جاية بمشو عكسها و يستغفرو الليل كلو.. لا الموضوع ما كان كدا بالعكس كانو بتكلمو,
بتفاعلو, و اشتغلو مع بعض و كانو شركاء في التجارة, كل انواع التفاعل بيناتهم حصلت لكن بقواعد محترمة.
حتى طرق الإعجاب عندهم كانت بسيطة جداً اذا واحد أعجب ببنت بكلمها و بتقول ليهو شوف ابوي و ابوها بقول ليهو خلاص استشيرها اذا موافقة بكل بساطة الدنيا, ما زي حسي .. الآن في عدد من البنات
حتى طرق الإعجاب عندهم كانت بسيطة جداً اذا واحد أعجب ببنت بكلمها و بتقول ليهو شوف ابوي و ابوها بقول ليهو خلاص استشيرها اذا موافقة بكل بساطة الدنيا, ما زي حسي .. الآن في عدد من البنات
بخافو انو واحد يفكر يتقدم ليها و يكون ما من الاهل لانو ابوها حيشاكلها و ممكن يمنعها من الجامعه-الشغل (عشان كدا بتمشي الجامعه؟ عشان الكلام الفارغ دا؟) لكل الاباء اذا رجل مسلم أعجب ببنتك دي حاجه كويسه شديد, كيف حيتزوجو اذا حبستهم في البيت منو الحيعجب بيهم!! فلمن واحد يتقدم لبنتك من
خارج نطاق العائلة بطريقة محترمه ما تقول "لاحولا ولا قوة الا بالله و دا اليوم الخايف منو استغفر الله" اهدى الموضوع عادي امشي استفسر و أسال من الراجل و اعرف عنو زيادة.
قصة سيدنا موسى في القران لمن لاقى بنات شغالين و ساعدهم و رجعو لي ابوهم انو شغل لينا الزول دا .. في القصة دي البنت
قصة سيدنا موسى في القران لمن لاقى بنات شغالين و ساعدهم و رجعو لي ابوهم انو شغل لينا الزول دا .. في القصة دي البنت
هي الأعجبت و اتقدمت لسيدنا موسى فعادي جداً كمان البنت هي التقترح موضوع العريس, ما تعقد الموضوع ماف اي شي مهين او مشين بالحاجة دي. هل ممكن اقعد مع البنت العاوز اتزوجها و اتعرف عليها اكتر و الحاجات المشتركه بينا و الحاجات البنحبها و بنكرها؟ ايوا عادي جداً طالما في ضوابط الشريعة.
عندنا الآن ناس متشددة اكتر من الصحابه و ناس ليبرالية اكتر من الليبرارين و الاسلام في الوسط بينهم .. اقعد مع بناتك اسالهم اذا في زول معجبين بيهو, بين الاباء و البنات مفروض يكون في غلاقة مفتوحة نهائي ما مفروض يكونو خايفين منك اذا هم معجبين بشخص محدد. ما تجبر بنتك تتزوج شخص هي ما
دايرهو مهما كان السبب, النوع دا من النكاح حرام غير صحيح دينياً انك تجبر بنت عاطفياً, نفسياً و تحت ضغوطات العائلة انك تجبرها تتزوج بالغصب فهذا باطل وحصلت قصص زي دي في زمن الرسول (ص) و أعتبرهم زواج باطل, الا البنت تكون هي الدايره الشخص دا من ذات نفسها لا من ضغوط الام لا الاب
لا ضغوط خارجية و حتى اذا يوم العقد قالت "امي انا ما عايزه الزول دا" ما تقولي ليها "لا خلاص الزمن ضاع و ماف رجعه". ربنا اداها الحق دا فما تشيلو منها بطريقتنا دي قاعدين ندفنهم بالحياة دي الطريقة الجديدة لدفن البنات بالحياة بالمناسبة, دا ظلم و الله لا يحب الظالمين.
ولا تجبرو الولد انو ما يعرس البنت الفلانية لانك انتي امو ما بتحبيها, ما صح هو الحيعيش معاها انسان بالغ عاقل اتخذ قرار خليهو يعيش مع قراره حتى لو كان غلط انت بتقدر تنصحه فقط لكن ما بتجبره لكن لمن تحاول تتحكم في اولادك حتكون حاجه كارثة.
كل ما تصعب الزواج لأفراد عائلتك انت بتفتح
كل ما تصعب الزواج لأفراد عائلتك انت بتفتح
باب جديد للشيطان, اذا عندك ولد-بنت عمره 35 سنه ما متزوج تتوقعو حيكون بمارس التهجد ليه 35 سنه؟ في ياتو كوكب انت عايش فيه؟
بقينا نخت قوانين لنفسنا ما موجودة في الدين زاتو .. اذا عندك 3 بنات و واحد جاء اتقدم للوسط و ترفض ليهو انو لا لا بنعرس بالدور من الكبيرة اول,
بقينا نخت قوانين لنفسنا ما موجودة في الدين زاتو .. اذا عندك 3 بنات و واحد جاء اتقدم للوسط و ترفض ليهو انو لا لا بنعرس بالدور من الكبيرة اول,
الكلام دا جبتو من ياتو شريعه؟ حتقول لربنا شنو لمن يسألك ليه حرمت البنت من زواج محتمل انو يكون كويس؟
في الإسلام البنت هي هدية للعائلة اذا ما عندك نية تدفع المهر فنكاحك باطل لا تخاذو منه شيئاً اتاخذونه بهتانا و اثماً عظيمة او حتى تسأل او تضغط البنت انها تخفض المهر الا اذا هي براها
في الإسلام البنت هي هدية للعائلة اذا ما عندك نية تدفع المهر فنكاحك باطل لا تخاذو منه شيئاً اتاخذونه بهتانا و اثماً عظيمة او حتى تسأل او تضغط البنت انها تخفض المهر الا اذا هي براها
من نفسها قررت ذلك فالاية "فإن طبن لكم عن شيء منه نفسا" ليه؟ لانو دي ما قروشك حتى بعد الزواج اذا اديتها هدية او مهر, عربية أو قروش ما من حقك انك تجي تشيلها وقت تحتاج ليها دي خلاص قروشها كما قال تعالى "وآتوا النساء صدقاتهن نحلة" وحتى اذا هي موظفة ما مسموح ليك انك تاخد من قرشوها
الا تديك هي براها عن رضاء نفسها, قروش الزوج ملك للزوجة و قروش الزوجة للزوجة فقط, ربنا ادى النساء ميزة التقدم المادي في العلاقة الرجاء قوامون على النساء. انت مسؤول انو توفر ليها وضع مادي و نفسي و عاطفي ما فقط مادي بس ربنا بسألك من كل الحاجات دي يوم القيامة.
و نصيحة للرجال خليكم رجال محترمين و اشتغلو وفرو حياة كريمة للزوجة ما تقدم للمهر حاجة بسيطة و تقول الصحابه كانو بدو بلح كمهر .. انت بتشبه الصحابة في ياتو صفة تاني غير البلح العاوز تجيبو كمهر؟ و ما تقول انو اهلها مهتمين بالدنيا فقط, انت برضو مفروض تكون مهتم بالدنيا كما قال تعالى:
"وابتغ فيما آتاك الله الدار الآخرة ولا تنس نصيبك من الدنيا".
ما تصعبو الزواج ليهم كما قال الرسول "من استطاع منكم الباءة فليتزوج", بالمناسبة حتى اذا كان ما مسلم و اسلم قبل اسبوع عشان يتقدم ما صح تقول انو واضح انو اسلم عشان يتزوج البنت دي ما شهادة حقيقية .. منو البحدد الشهادة
ما تصعبو الزواج ليهم كما قال الرسول "من استطاع منكم الباءة فليتزوج", بالمناسبة حتى اذا كان ما مسلم و اسلم قبل اسبوع عشان يتقدم ما صح تقول انو واضح انو اسلم عشان يتزوج البنت دي ما شهادة حقيقية .. منو البحدد الشهادة
الحقيقية؟ الله سبحانه و تعالى كما في قصة الصحابي اسامة بن زيد لمن كان في معركة و الكافر سقط و سلاحو وقع منو فالكافر قال اشهد ان لا اله الا الله و ان محمد رسول الله و اسامة بن زيد ضربو بالسيف على حس انو واضح انو اسلم عشان ما اقتلو بس لمن الخبر وصل سيدنا محمد قال لأسامة بن زيد
لمن الخبر وصل سيدنا محمد قال لأسامة "أفلا شققت عن قلبه؟"
متأسف على الإطالة و اتمنى انو يعجبكم الثريد و يفيدكم و يفيدنا في حياتنا و يكتب لينا الخير و النجاح و الفلاح في جميع خطواتنا 🙌🏾❤️
متأسف على الإطالة و اتمنى انو يعجبكم الثريد و يفيدكم و يفيدنا في حياتنا و يكتب لينا الخير و النجاح و الفلاح في جميع خطواتنا 🙌🏾❤️
جاري تحميل الاقتراحات...