ثريد:
جبل الجن في السعودية ،جبل حرفة :
جبل الجن في السعودية ،جبل حرفة :
المكان الي بتكلم عنه الحين جبل حرفه و الجبل هذا موجود في السعوديه بالتحديد في مركز بني عمر التابع لمحافظة النماص جنوب غرب السعودية، هو عباره عن جبل صخري في على جوانبه نحت على هيئه باب ويبلغ ارتفاعه 2491 متر عن سطح البحر ويتحاوط هذا الجبل بعض الغابات وبعض قرى بني عمر
على مر السنين انقالت قصص كثيره عن هذا الجبل تخوف،وطبعاً بعضها كانت حقيقه وبعضها كانت عباره عن خرافه ،ومن اكثر الاشاعات الي انقالت عن هذا المكان ، ان الي يطلع لهذا الجبل راح يصير شاعر عظيم او انه يرجع من هذا الجبل ويكون فاقد عقله ويكون مجنون
ويقولون الباب المنحوت على جانبه الشمالي ويسمونه يتحول في الليل من باب صخري إلى باب حديدي لغايه اليوم اصحاب القرى المجاوره للجبل يتكلمون عن سماع اصوات طبول و اغاني وناس قاعده تحتفل ولما يحاولون انهم يلحقون هذي الاصوات يشوفون من وين مصدرها يمشون مع الاصوات لحد مايوصلون الى جبل حرفه
في سنه 1995 ، اجتمعوا 4 اشخاص في مكان قريب من جبل حرفه ، كانو في كشته ،ولما صارت الساعه 1 ونص في الليل بدو يسولفون عن قصص جن عن امور تخوف وانتهت فيهم السوالف عند الاشياء الي تصير في جبل حرفه فا واحد منهم اسمه ناصر تحمس شوي وقال هاه من فيكم يحس نفسه شجاع وقوي ويجي معاي نطلع الجبل
فا وافق واحد من أصدقائه وكان اسمه محمد فا ركبو الاثنين ناصر ومحمد ،سيارة ناصر راحو وتوجهوا لجبل حرفه ويقلك بالطريق كان ناصر شوي خايف وكان ندمان انه قرر يروح الجبل ولكن كبريائه منعه ، ما خلاه يقول انه خايف
فكمل طريقه ناصر هو ومحمد وهم ساكتين ، فجئه ناصر ناصر مسك بريك ، فقاله محمدايش فيك مسكت بريك مره وحده ووقف قاله ما شفت الي انا شفته ، قاله محمد انت خايف وقاعد تتوهم ، وكملوا طريقهم الى الجبل
كانو ناصر ومحمد متفقين انهم ياخذون جوله سريعه حول الجبل وبعدين يرجعون حق ربعهم ولكن تطور معهم الموضوع ، قررو ينزلون وياخذون معهم كشاف يدوي ، فا انزلوا وحاولوا يطلعون الجبل ، وهم ماشين بالتجاه الجبل فجئه سمعوا اصوات اطفال قاعدين يلعبون ويضحكون
ومجرد ما انهم يلتفون بالتجاه الاصوات ، تنقلب هذي الاصوات اصوات بُكاء ، هنا ناصر جن من الخوف قام يبكي وقررو يرجعون للسيارة ، ويرجعون حق ربعهم ، لكن على قولتهم فات الاوان ، ضيعوا طريقهم مو قادرين يوصلون حق السياره ، وهم قاعدين يمشون ويدورن على السياره
سمعوا صوت مره تناديهم تبي مساعدتهم ، فا بعد تفكير ومشاوره قررو انهم يروحون حق هذي المره وهم يمشون بالتجاه الصوت لما وصلوا هناك لقيو شجره كبيره معلق عليها قطعه قماش قاعده تحترق ، هنا وقف محمد متسمر مو قادر اش يسوي ، اما ناصر حس في احد وراه قاعد يمسك في ملابسه
لما التفت وراه شاف طفل صغير ماسك في ملابسه يبتسم قاله امي تقلكم انتم صحيتو اخوي من النوم ، هنا ناصر من الخوف طاح مغمى عليه من الخوف فلما طاح ناصر انتبهله محمد وراح حاول يساعده ، وهو قاعد يحاول يقوم رفيقه انخذفت عليه حصاه على راسه فلما رفع راسه يبي يشوف
من فين جايه هذي الحصاه شاف مره واقفه قدامه وماسكه طفل بيدها قالت المره لمحمد لا تخاف ولدي الصغير سكن جسم رفيقك ناصر ، هنا محمد انهار وجلس يصارخ ويبكي ، فقالتله المره مره ثانيه انتم عبالكم بتطلعون من هنا
وبنفس هذي اللحضه اكلت المره الولد الي ماسكته بيدها وهي قاعده تاكله كانت تقول حق محمد انت الحين صرت ولدي فكان محمد يبكي ويقول لها انا انسان كيف اصير ولدك ، فقالت له انا ادري انك انسان ، لكن وانت تمشي دعست على ولدي وهو نايم ، ودْبحىْْه وانت الحين ولدي،وبنفس هذي اللحظه من شده الخوف
محمد طاح و اغمى عليه، وانتهت القصه هذي بمقىْْل ناصر في احد كهوف الجبل ولقو محمد في مكان يبعد عن جبل رفحاء، 600 كيلو متر،لكن للأسف كان مجنون وفاقد عقله، وبعد فتره توفى محمد بضروف غامضة داخل مستشفى شهار المعروف للأمراض العقليه ، الموجود في السعودية
وفي احد القصص قاله احد سكان بني رافع وقال هذي القصه لحد الصحف السعودية وانه فعلاً شهد احداث هذي القصه بنفسه ،يقول الرجال هذا كان راد حق قريته ، وبالطريق صادف 4 اشخاص و الاربعه الاشخاص ذول كانت جنسيتهم تركيه استغرب من وجودهم في مكان قريب من جبل حرفه ، وسألهم قالهم اش عندكم هنا
فردو عليه وقالو له ثنين من اصدقائنا طلعو جبل حرفه الساعه 10في الليل لغايه الحين ما رجعوا وطلبوا منه اذا انه يعرف المكان يطلع معهم عشان يدورون ربعهم ، و الرجال الطيب هذا قرر انه يطلع معهم قرر يساعدهم وطلع معهم
يقول هذا الشخص طلعت معهم وقعدنا ندور ، وفعلاً لقينا واحد منهم لكن لقيناه بصوره غريبه لقيناه معلق بالجبل ومتمسك بالصخر وكنه مربوط فيهم فكان الد***م ينزل من يده فا يقول بسرعه رحت له أقرأ عليه المعوذات ، لغايه ما تحررت يده من الصخر وقدرنا ننزله
وطلعناه معنا السياره وقعدنا ندور رفيقه الثاني ، ولكن للأسف ما قدرنا نلاقيه فا قررنا نبلغ الشرطه ونبلغ الدفاع المدني ، وهنا صارت المفاجئه ،انهم لما رجعو لنفس المكان ، لقو الشخص المفقود طايح ويده كلها د*****م، و السيارة الي تركوها الاتراك بذاك المكان متكسره
فا يشرح هذا الشخص يقول لما رحنا للدفاع المدني نبلغ قعدو ثنين من الاتراك عند السيارة ،و اثنين اخذتهم معاي رحنا نبلغ الشرطه و الدفاع المدني فا الاثنين الي قاعدين عند السياره قالوله ان صاحبهم فجئه طاح من فوق الجبل على السيارة ،
ومن الناس الي اكدو هذي القصه واحد من الشيوخ الي يسوي رقيه شرعيه في بني عمر ، الي قال واكد في 4 اتراك جوله على شان يقرا على واحد منهم لئنهم شاكين انه ممسوس من الجن فعلاً حادثه غريبه
ومن احد القصص الي صارت ، في بنت راحت تشرب مويه من احد الابار القريبه من الجبل وهي نازله تبي تاخذ المويه لاحظت ان في خاتم موجود على سطح المويه لمن حاولت انها تقرب وتاخذه ، فجئه في شي سحبها داخل البئر واختفت
فجئه بعد ما اختفت حاولو الناس يدورنها ، لكن ما حصلوها ، وبعد كم يوم تفاجئ بدخول ثعبان داخل البيت ولما قام ابوها وحاول يقىْْله فجئه تكلم الثعبان قاله انا احد الجن الي موجودين في جبل حرفه وانا اخذت بنتك وتزوجتها وانا الحين جايلك عشان اقلك اني تزوجت بنتك
هذي بعض القصص الي بحثت عنها وكانت متداولة اكثر شي بين الناس ،الله العالم عن مدى صدقها ، و مع نهاية الثريد اتمنى نال اعجابكم ولا تنسونا من دعمكم لايك وتابعني اتشرف فيكم والله♥️🙏
@1Bluekey الجبل في النماص اذا نفسك تروحي له😭😭😭😭
جاري تحميل الاقتراحات...