رتبها

أخيرا .. كيف تدخل السوق الأمريكي .. خطوة بخطوة من الصفر للمبتدئين ..
طبق خطتك الاستثمارية عبر #الرياض_المالية .. واشتري الأسهم والصناديق المتداولة (ETFs) ..
تابع التغريدات تحت 👇
#استثمارك_يستاهل #الاستثمار_للجميع

بعد انتظار طويل .. سلسلة تغريدات توضح طريقة شراء أسهم أو الصناديق المتداولة (ETFs) في السوق الأمريكي .. الموضوع بسيط وما حياخذ مننا مجهود كبير .. كل اللي نحتاجه إننا نمشيها وحدة وحدة .. وبعدها حنعرف نكرر الطريقة بسهولة .. جاهزين ؟!

في البداية عشان نقدر ندخل السوق الأمريكي .. حنحتاج وسيط تداول أمريكي .. وهو اللي عن طريقه حنقدر نشتري ونبيع .. اخترت لكم اليوم @riyadcapital لأكثر من سبب ذكرتها في موضوع سابق .. منها إنه يتبع بنك محلي معروف وموثوق + عمولة تداول منخفضة (إعلان) .. نبدأ ؟!

1️⃣ فتح الحساب الاستثماري
حنروح على صفحة الرياض المالية الرئيسية عن طريق بحث جوجل .. ومن فوق عند "تسجيل الدخول" حنضغط على "الرياض المالية أون لاين" .. وحنعمل تسجيل دخول بنفس بيانات تسجيل دخول حسابك الجاري في بنك الرياض (إذا ما عندك حساب جاري تقدر تفتحه بسهولة أون لاين وفوري)

حيسألك مجموعة من الأسئلة الشخصية .. جاوبها على مهلك وحدة وحدة .. أهم شي في خطوة "الاستثمارات والخدمات" تتأكد من إختيار "التداول الدولي" .. وتختار تحته "السوق الأمريكي" .. وتكمل الإجراءات

* تنشيط المحفظة الدولية ياخذ تقريبا أسبوع .. حتجيك رسالة نصية على جوالك في حال التنشيط تقول "نود إشعاركم بأنه قد تمت معالجة طلبكم بتأسيس المحافظة الدولية، ويمكنكم الآن البدء في التداول .." إذا جاتك الرسالة معناها الآن احنا جاهزين خلاص

2️⃣ تحويل المبلغ للحساب الاستثماري
وهذي الخطوة نسويها عن طريق الحساب الجاري .. نروح على "الحسابات والبطاقات" ونختار "الحسابات" ونختار الحساب الاستثماري ونضغط "تحويل لهذا الحساب" .. حنكتب المبلغ اللي نبغا نستثمره ونضغط "التالي" ثم "تأكيد" .. ممتاز تم التحويل إلى الحساب الاستثماري

3️⃣ تحويل المبلغ لـ حساب التداول الدولي
حنعمل تسجيل دخول على حسابنا في الرياض المالية .. ونروح على "الحسابات" ثم "التحويل" .. وحنختار الحساب المحول منه اللي هو الحساب الاستثماري العادي .. ونختار الحساب المحول إليه اللي هو بالدولار (مكتوب جمبه USD) .. نكتب المبلغ ونأكد العملية

4️⃣ الدخول لـ صفحة التداول الدولي
حنرجع لصفحة الرياض المالية الرئيسية .. ونروح على "تسجيل الدخول" ونختار"الرياض دولي أون لاين" .. ونعمل تسجيل دخول .. اسم المستخدم وكلمة المرور هي نفسها تبع الرياض المالية أون لاين

حيطلب منك اشتراك سنوي في حال الدخول لأول مرة .. لكن الاشتراك مجاني ما تخاف .. اضغط موافق على الأحكام والشروط .. و"إرسال" .. ممتاز الآن حساب التداول الدولي جاهز عندك

5️⃣ شراء السهم أو الصندوق المتداول
لكل سهم أو صندوق متداول رمز معين .. حناخذ على سبيل المثال صندوق iShares Core S&P 500 ETF .. ورمزه IVV .. نوع الأمر نخليه "شراء" وبكامل التفاصيل الموجودة .. حنكتب الرمز IVV قدام خانة السهم .. الكمية حنفترض سهم واحد .. ونضغط "إرسال"

حيعطينا هنا ملخص للأمر بتفاصيل قيمة الأمر والعمولة وغيرها .. بعد ما تراجعها وتتأكد منها .. تضغط "إرسال" .. الآن انت عملت طلب بـ الشراء

الآن إذا رحنا على "موجودات المحفظة" .. حنلاحظ ملكيتنا للسهم في الصندوق اللي اشتريناه .. مبروك عليك تم الشراء

الطريقة اللي فاتت كانت باستخدام المتصفح .. عندك طريقة ثانية أسهل .. وهي عن طريق أبلكيشن "الرياض دولي" على الجوال .. موجود للأيفون والأندرويد .. بعد ما تحمله تفتحه وتسوي تسجيل دخول .. وبعدين تروح على قائمة الخدمات .. عند "الأوامر" نضغط على "أمر جديد"

حنبحث برمز السهم (IVV على سبيل المثال) .. نختار "الأسهم" .. نحدد الكمية والسعر .. وبعدين "إرسال الأمر" وبعدها "تأكيد الأمر" .. في حال تفيذ الأمر حتلاقي سهمك في المحفظة موجود

شرح اليوم كان فيه خطوات كثيرة .. وهذا طبيعي عشاننا بنفتح حساب جديد .. في مرات الشراء القادمة كل اللي عليك تسويه تحويل المبلغ من الحساب الجاري إلى الحساب الاستثماري .. والشراء والبيع حيكون من أبلكيشن الرياض دولي ببساطة

شي حلو كمان إنه #الرياض_المالية عندهم مبادرة #متداول وفيها برامج تدريبية مجانية مخصصة للتداول في السوق الأمريكي والتحليل الفني وغيرها .. للتسجيل هنا 👇
riyadcapital.com

riyadcapital.com/ar/information…

مبادرة مُتداوِل

ملاحظة عامة .. أوقات تداول سوق الاسهم الأمريكية من الساعة 5:30 مساء وحتى الساعة 12:00 بتوقيت السعودية ومن يوم الاثنين إلى الجمعة .. يعني إذا تبغا تشتري أو تبيع أوامرك حتتنفذ في هذا الوقت .. بالتوفيق للجميع 🙏

مبادرة مُتداوِل

التصنيفات

المزيد من هذا الكاتب

مواضيع ذات صلة

الأكثر اعجابا

مبادرة مُتداوِل

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد