ميمي🧚
ميمي🧚

@tahlel_8888

21 تغريدة 3 قراءة Dec 09, 2022
•توقعات شهر فبراير •
•طاقه الشهر
•اهم حدث
•اللون المناسب طاقياً خلال الشهر
•نصيحه
(طالع /قمر /شمس )
#العذراء #الجدي #الثور
طاقتكم لهذا الشهر :
عندكم طاقه تفكير وقلق جدًا عاليه .. حزن وندم بسبب شيء معين غامض تحسو للآن مو قادرين تفهمونه (ممكن يخص الام) .. عندكم اراء متضاربه .
البعض منكم يفكر ياخذ بريك سواء من شغل او من علاقه عاطفيه بس قاعد يجاهد ويسعى عشان مايخربها ..
بشكل عام طاقه هالشهر قد تكون غير مريحه لكم لان في اشياء لازم تنهوها وفي تصفيه حسابات حتى مع النفس .
الكروت تنصحكم تسمعو لحدسكم او تطلبو من الكون اشارات معينه لو كنتو محتارين بخصوص موضوع معين . وقفو تفكير بالماضي وندم على امور سابقه .
هذا الشهر رح يكون فيه طاقه ناريه كبيره فيكم عكس شخصياتكم الترابيه الي متعودين عليها.
بتكونو حماسيين ومندفعين وتسوو اشياء بدون تخطيط طويل وقلق.البعض بيسوي خطوه مغامره تخص مال ورح تنجح..ممكن مشروع او استثمار .
عندكم توسع روحي وممكن ديني وهالتوسع بيجي من العزله والانفراد بالذات
اهم حدث لهذا الشهر اغلبكم رح يكون حدث عاطفي ..
في مبادرات من شخص الزهره عنده بارزه ممكن تكون زهره عذراء .. ايضا عطارده قد يكون ناري . وفيه طاقه ناريه بشكل عام .
طبعا بيكون في تحفظ بالمشاعر من احد الطرفين يعني يكون تلميح مو اعتراف مباشر ولكن بيكون مفهوم
البعض الحدث المهم عندهم مابيكون عاطفي بيكون مالي .. بيجيكم دعم من احد فيه طاقه ناريه سواء دعم مادي او نصائح مهينه وهالنصايح بتفيدكم بشكل كبييير.
ايضا ممكن تجيكم فرصه شراكه بمشروع او شراكه مهنيه
اللون المناسب لكم طاقيا لهذا الشهر والجالب للحظوظ رح يكون اصفر / احمر / برتقالي ودرجاتهم .. الالوان الناريه يعني .
نصيحتكم لهذا الشهر :
ريحو بالكم من التفكير الزايد وقللو من مشاعر لوم الذات ..
#الاسد #الحمل #القوس
طاقه الشهر عليكم جيده نوعًا ما.
في حظوظ ماليه ونتائج جيده بخصوص شي مهني / دراسي كنتو شايلين همه .
الشهر هذا البعض بيتخطى علاقات وبيرفض مبادرات وبيفضل انه يبقى لحاله .. وبيكون في اعاده تواصل مع اشخاص من الماضي .
بالنسبه للناس الي بعلاقه / المتزوجين . وضعكم العاطفي بيكون جيد وبتشعرو براحه مع بعض وهالوقت الجيد بيحسسكم انكم في علاقه ورديه مثاليه وبتكونو مندفعين وطفوليين .. لاتخلوا السعاده والراحه العاطفيه تنسيكم ان كل علاقه لها ايجابيات وسلبيات وانخفاضات وارتفاعات لان ممكن البعض
البعض بيرفع توقعاته بالشريك بزياده وينصدم بعدين او يحزن بسبب تسرعه وتفكيره الغير واقعي . وبعد هالموقف بتكونو اكثار واقعيه واستقرار بالعلاقات وبتكونو اقل تسرع .
الوضع المالي بيكون جيد تقريبًا..بتكثر طلعاتكم وبتركزو على الجانب الترفيهي وبتكونو مترديين هل تاخذوا راحتكم بالصرف او لا
ولكن خططكم الماليه رح تكون مجديه للنفع .. وفي خطط كنتو مسويينها من ٤ اشارات سابقه (اشهر /اسابيع) رح تبين نتايجها قريب.. ممكن شي يتعلق بالعملات / العمل / الدراسه .
بالنسبه لاهم حدث خلال هالشهر .
البعض بيتواصل معاها شخص ترابي ناري .. قد تكون مبادره او خطبه تقليديه . 👇🏻
مواقعه ممكن تكون : زهره حمل / حمل بارز بالخريطه / عطارد دلو / عطارد ١١ / عطارد مقترن ب اورانوس .
رح تكون خطبه / مبادره ناجحه .. البعض اهم حدث لهم بيكون تحسن مالي / اخذ اجازه من العمل والذهاب لرحله .
لون حظكم لهذا الشهر : الازرق بدرجاته / البنفسجي
نصيحتكم لهذا الشهر : كونو كرماء (هدايا / دعم الاخرين ماديا او معنويا/ تقديم المساعدات … الخ)
لان الكرم بيحققكم في تحقيق اهدافكم .
#الحوت #العقرب #السرطان
شهر فبراير عليكم بيكون جيد نوعًا ما . بيكون في استمتاع وتحقيق اهداف .. استقرار بالمشاعر وثبات وشهره . وقت مناسب للي يبون يشتهرون بمحتوى يساعد الناس او محتوى تثقيفي / شي يخص هواياتكم او شغفكم . في محاوله موازنه بين العلاقات والجانب المهني والمالي
عندكم مبالغ او مستحقات تنتظرونها من زمان .. او شي سويتوه وتنتظرو نتائجه وثماره .
في تغيير جذري عندكم من الناحيه النفسيه يخص شيء قديم ، نظرتكم لذاتكم بتتغير . انتبهو من الاوهام ولوم الذات
خصوصا من الناحيه المهنيه عندكم شويه حيره وتشتت ونظره غير واقعيه .. انتبهو من المشاجرات بالعمل ، ممكن يصير خلاف مع احد بسبب مبلغ مالي ولكن بالنهايه بتحصلوا عليه .
اذا جاكم مبلغ مالي كبير استخدمو بعضه لتطوير وضعكم النفسي والروحي ، سواء حجز جلسات نفسيه / جلسات روحيه / شراء زيوت الخ
اهم حدث لكم في فبراير .
تشافي من معتقدات ماديه .. بيكون عندكم حيره بخصوص صرف مبلغ معين . ايضا اشوف انكم بتصرفو مبلغ على شيء فيه تشافي
عاطفيا في رجوع شخص من الماضي واعاده تواصل . هالشخص خريطته فيها عنصر مائي واضح . ايضا فيه قوس (ممكن مريخ ) .. ودلو
لون حظكم لهذا الشهر هو البرتقالي .. المرتبطين البسوه انتو وشريككم رح يفيدكم كثير .
نصيحه الشهر ..
قللو تفكير زايد . استمتعو اكثر مع عائلتكم وقضو وقت معهم .. ركزو على التشافي .
التشافي الروحي تكرر كثير في الكروت ركزوه عليه هذا الشهر .. تأملو كرت the star ممكن يلهمكم بشيء
#الدلو #الميزان #الجوزاء
طاقتكم هالشهر مليئه بالحيره وواضح عندكم كثير خيارات محتارين بينها . قد تكون اختيارات عاطفيه او شيء يتعلق بالعائله والمنزل . ايضا في طاقه انتظار للاموال والمستحقات. المبلغ الي تنتظروه رح يجي بعد ١٠ اشارات (١٠ اسابيع / ايام) .
في حوار مهم مع الام .
هالشهر بيكون جدًا مهم بكم لان في قرارات مهمه لازم تتخذوها وهالقرارات بتاثر على حياتكم على المدى البعيد .. البعض بسكون القرار يخص ارتباط والبعض بيكون قراره يخص سفر / انتقال.
اهم حدث لكم خلال هالشهر : تواصل مع شخص من الماضي كان مسبب لكم حزن في فتره من الفترات . شريك/ صديق سابق.
لون حظكم لهذا الشهر :
الالوان الناريه خصوصا الاحمر والبرتقالي.
نصيحه الكروت لكم لهذا الشهر :
عززو الصفات الناريه بشخصيتكم .. قراراتكم بتكون صحيحه استخيروا وسووها ورح تنجح باذن الله ، خذو نصايح واستشارات من الي حولكم لو حسيتوا انكم محتاجين . روحوا رحله لانها بتفيدكم وبتصفي ذهنكم

جاري تحميل الاقتراحات...