نحكي حكايه ونمسحها الصبح
كان عندي خاله واحده هيا الكبيره فأخوات ماما وماما الاخيره في الترتيب فافيه فرق سن كبير بيني وبين ولاد خالتي
خالتي اتوفت بدري هيا وجوزها وسابو أربع بنات وولد اعمارهم متفاوته بين ثانوي وابتدائي فضلو عايشين فشقتهم وتيته واخوالي بيتناوبو علي رعايتهم
كان عندي خاله واحده هيا الكبيره فأخوات ماما وماما الاخيره في الترتيب فافيه فرق سن كبير بيني وبين ولاد خالتي
خالتي اتوفت بدري هيا وجوزها وسابو أربع بنات وولد اعمارهم متفاوته بين ثانوي وابتدائي فضلو عايشين فشقتهم وتيته واخوالي بيتناوبو علي رعايتهم
ووجود عمتهم فنفس العماره خالا رعايتهم سهله من غير ما يسيبو بيتهم أكتر واحده كنت بحبها فيهم ومرتبطه بيها كان اسمها مها وبندلعها (موهيا) حبت واحد جارهم اسمه محمد اصلا من الصعيد وقاعد في القاهره علشان شغله، لما راح يكلم اهله عليها قالوله انت اتجننت عايز تتجوز من مصر
واحده مانعرفهاش وكمان اهلها ميتين ومانعرفش متربيه ازاي رجع من هناك مش عارف يتصرف قالها خلاص انا هاروح اخطبك واللي يحصل يحصل خدها فيوم وراحو لخالو العياده علشان يحدد معاد معاه ،خالو قالو أنا أسف مش موافق اجوزهالك من غير رضا اهلك انت شاب ممتاز ومفيش اعتراض عليك
بس احنا مانوديش بنتنا مكان هيا مش محبوبه فيه خرج من عنده وقال يروح لتيته يمكن تقدر تقنعه ويوافق قالتله نفس الكلام وياريت لو اهلك صممو علي رأيهم مانشوفكش تاني في اليوم دا موهيا نامت معيطه فحضن تيته وفضلت تطبطب عليها وتغنيلها مها ياموهيا مين مايحبيكيش ويحب العيون ديه
الصبح تيته بعتت لخالو وقالتله بيقولو مش موافقين علشان مايعرفوناش طيب ان كان علي كده بسيطه نعرفهم، جهزلي زياره انا رايحه الصعيد، للحق كلهم استقبلوها حلو جدا ورحبو بيها قضت اليوم كله هنا واتكلمت فكل حاجه إلا مها ماجابتش سيرتها بحرف ورجعت بالليل وموهيا علي نفس الحاله
ونفس الدموع ونفس الرقه ونفس الجمال ونفس الشقاوه قالتلها تفتكري هايحبوني يا تيته قالتلها مش بس هايحبوكي دول هايبوسو التراب اللي بتمشي عليه بعد يومين جم يخطبوها، انا عمري ماشفت العدد دا من البشر جاي يخطب بنت اتهايألي ساعتها ان الصعيد كله جه مفيش هناك ناس تاني
عمري ما شفت فحياتي عيله حبت مرات ابنهم زي العيله دي عاشت معاهم عشرين سنه لحد ما ربنا استرد امانته وعمري ماشفت عيله حزنت علي مرات ابنهم كده لحد انهارده بنروح نزورهم كرامه للحبايب العايشين والميتين ومحمد بيجي لنا ولحد انهاره بعد سنين من موتها لسه عنيه بتخونه والدموع تملي عنينا
لما نشوفه بيتهايألي أصول الحب في الوقت دا كانت شكل تاني
جاري تحميل الاقتراحات...