يحكى أن انه كان فيه حاكم لمصر اسمه خمارويه ودا يبقي ابن احمد بن طولون مؤسس الدولة الطولونية في مصر ف القرن التاسع م وكان لابن طولون محبة كبيره عند المصريين في الوقت دا ويمكن السبب في دا انه كان اول مملوك حكم مصر وكان بيفهم..وليه اعمال حلوه كتيره جدا وطريفه مش موضوعنا ..👇
خمارويه ف عصره مصر كانت مذهرة جدا اقتصاديا وفيها خير لا يحصى وبيت المال كان عمران جدا وحكمه لمصر كان ف فترة الخليفه العباسي الموفق وبعده ابنه الخليفه المعتضد وحصلت مشاكل بسبب الخراج اللي بيطلع للخلافه كل سنة حتى وان كانت مصر مستقلة في الحكم ومش ولايه عباسيه ف الوقت دا..👇
خمارويه كان عنده بنت اسمها اسماء ودي كانت جميلة وصغيرة في السن وكانت مخطوبة لقائد جيوش مصر ف الوقت دا عبدالله بن سعد فلما المعتضد سير جيش للانقضاض علي مصر علشان يرجعها تحت الحكم المباشر بعد موت والده الموفق راح خمارويه طلب من عبدالله خطيب بنته اسماء او قطر الندى انه لو هزم 👇
جيش الخليفه هيجوزه بنته بعدها مباشرة وفعلا انتصر جيش مصر ع جيش الخليفه ..بعدها تنصل خمارويه من وعده لخطيب بنته وبدأ مرحلة جديده من العلاقه مع الخلافه رغم انه كان منتصر وراح بعت للمعتضد يطلب فيها انه يجوز بنته قطر الندى لإبن الخليفه المكتفي بالله فوافق الخليفه بس مع تغيير بسيط 👇
في العرض ان هو اللي يتجوزها 😄 ف الوقت دا كان عنده ٦٠ سنه وقطر الندي ١٤ سنه يعني كان اكبر من خمارويه نفسه مقابل المصاهره دي تمت اتفاقيه بمقتضاها يكون حكم مصر من دمشق لبرقه لخمارويه واولاده ويضرب باسمه ف الخراج والمساجد والقضاء لمدة ٣٠ سنة ويبعت خمارويه خراج سنوي قدره ٣٠٠ الف 👇
دينار ذهبي ودا رقم مرعب في الوقت دا..اهم جزء في الثريد دا هو جهاز قطر الندي اللي كلف مصر كل خزينتها تقريبا واللي كان مراهن عليه المعتضد لعلمه السابق ببذخ واسراف خمارويه ..كانت قافلة مهيبه محمله بكل انواع الهدايا دا غير ١٠٠ هاون دهب والف مبخره دهب للخليفه و ٤ دكك دهب تقعد عليهم 👇
وعتب دهب تحط عليها رجليها في كل مكان تدخله والاف من الحلقان والسلاسل الدهب وكل معدن وحجر كريم دا غير المؤن والهدايا المتنوعه اللي قدمت للقصر..جهاز فضل يتحاكي عنه التراث الشعبي ليومنا دا مش بس كدا راح عملها كام قصر كدا مفروش ومجهز ف كل محطة هتستريح فيها من القطائع ( القاهره) 👇
لبغداد ويقال ان اغنية الحنه يا حنه يا قطر الندي دا فلكلور شعبي ظهر وقتها ..الامر دا ادى لافراغ بيت المال تماما وخراب مصر وجوع شعبها وبالتالي فرض خمارويه الضرايب ع الشعب..بعد الزفاف دا بسنتين مات خمارويه افندي مقتول من خدمه وبعده ب ٥ سنين ماتت قطر الندي ف عمر ال ٢٢ وبعدها 👇
الخليفه المعتضد جوزها بسنتين وتولي الخلافه بعده ابنه المكتفي يسكت بقى بعد ما افرغ خمارويه خير مصر كله ف كرش ابوه لا طبعا بعت جيش كبير رجع الشام وفلسطين لحكمه وبعدين توجهوا لمصر رجعوها تاني ولايه عباسية بعد شوية معارك دمويه من اللي قلبك يحبهم دا غير انهم حرقوا القطائع واستولوا 👇
ع الاسرة الطولونيه بثروتهم بتحفهم بأموالهم بسلطاتهم وشحنوهم ع بغداد كأسرى بعد اللي دفعوه وعملوه علشان يهادنوا شعوب تانيه ع حساب المصريين .
جاري تحميل الاقتراحات...