"يقول إيكارت تول: كثيرون يعيشون مع جلاد داخل عقولهم، يهاجمهم ويعاقبهم بدون توقف، يمتص طاقتهم الحيوية؛ هذا الطاغوت هو مصدر العذاب والمآسي."
وأحيانًا عدم وعينا بوجود أشباح الآخرين داخل أنفسنا، وخوفنا على مشاعرهم تجاه أفكارنا، بيخلينا عاجزين ندرك نفسنا بوضوح، نتجنب حقائق محددة

بداخلنا لأننا بنحس بالذنب أو الخجل من أننا تكون فينا حاجة محددة ممكن تؤذي شخص بنهتم بيو، فمجرد الاعتراف بوجودها بيبقا عملية صعبة لأننا ما بنكون واعين السلوك التجنبي الماخدينه تجاه أفكارنا ده، وده كلو بيؤول إلى زيادة الغربة بين الإنسان وبين نفسه.

جان بول سارتر كان يرى أن "الجحيم هو الآخرون"، وفتجنشتاين كان بيشوف أنه "الجحيم هو نفسك"، شخصيا بشوف أنه الجحيم الحقيقي هو التوليفة بين الفكرتين ديل، حقيقة أنه الآخرين ما قاعدين برة، لكن محتشدين داخل أنفسنا، وأنه أنفسنا بشكل كبير بتعرف نفسها عبر الآخرين والعلاقة بهم.

الجلاد في الحقيقة هو رد فعل للطريقة البينظم بيها الشخص ذاته وعلاقته بالآخرين، والطريقة البيرسم بيها حدوده النفسية معاهم، على قدر ما الواحد يكون كويس في الحاجة دي في حياته الاجتماعية بيلقا نوع من السلام النفسي، وعلى قدر الفشل الخارجي في الحاجة دي بيفشل فيها داخليا.