للاسف والله يا اخوانا التربيه ما اكل وشراب وتعليم وتعرس لي أولادك وخلاص زي ما كل السودانيين بعملو ودي حاجه كل ما تكبر وتوعى حتقدر تفهمها وتستوعب انك كنت محتاج لي حاجات تانيه كتيرة اهلك ما قدرو يقدموها ليك عشان كانو مشغولين يطلعوك صالح ويتبوبرو بيك حسب معاير بيئتهم المحيطه
النمط بتاع الراجل يغترب ويلم قروش يرجع يعرس واحدة غالبا ما بعرف عنها شي غير انو امو قالت عليها كويس وبت ناس وحلاتها ويكون معاها اسرة ،والاسرة دي يكون راس هرمها ام وابو اصلا ما عرفو شي للحياة دي غير انو ياكلو ويشربو ويعرسو لي اولادهم دي هنا منظومة فاشلة تهدف لي تكاثر غبي ساي
نااادر ما تلقى ام وابو هدفهم الاول انو اولادهم يتربو في بيئه صالحه نفسيا ويتعلمو حب النفس وتطوير الذات تقبل الاختلافات وانو يعبرو عن رايهم ويثقو في نفسهم وتشز دي حاجات كل ما يكبرو حتكبر معاهم وحتسهل حياتهم
ونادرا ما تلقى شي زي د الا في ناس اصلا اتربو برا وعرسو بعض برا وربو اولادهم برا ، عشان كدا بتلقى اسي اغلب الشباب عندهم ايشوز وتروما ومشاكل مع اهلهم ما قادرين يحبوهم وكل ما العمر مشى بيهم ياااادوب بكونو بدو يفهم لي هم بقو كدا
عشان الوقت الهم كانو دايرين فيه شغل منتلي كان اهلهم مشغولين بي كيف يطلعوهم احسن ناس لو من ناحيه اكاديميه لو ناحيه سلوكيه
نهائي ما بنكر دور الاب العظيم وتضحيتو انو يختار الغربة والبعد عشان حياة افضل لكن عمرها الحياة الافضل ما بتعتمد على المادة بس
نهائي ما بنكر دور الاب العظيم وتضحيتو انو يختار الغربة والبعد عشان حياة افضل لكن عمرها الحياة الافضل ما بتعتمد على المادة بس
والتحيه الاكبر والاعظم لي النساء الشايلين البيوت فوق راسهم ومتحملين غربة وبعد الزوج وقايمين بي دور الام والابو عشان الحياة تمشي لكن برضو ركزو مع اولادكم في حاجات تانيه افهمو هم بفكرو كيف دايرين شنو نفاط قوتهم وضعفهم شنو ساعدوهم يبقو ناس كويسين ساعدوهم يبنو مجتمع سليم معافى
جاري تحميل الاقتراحات...