بديت اشرب مخدرات من 2014 وكنت ما بشكل يوم بشرب بنقو بس قبل ما اتم السنه لقيت نفسي قاعد ببيع وكان اسهل شي بالنسبه لي لانه اتربيت في بيئه كان عباره عن مورد وبعدها المجتمع البقى حولي كله ناس بتتعاطى ومصالح و بقت حياتي عباره عن ( عشنا لنتعاطى وتعاطينا لكي نعيش ) كنت شايف انه الحياه..
كدا الحياه حلوه و ما فيها مشاكل مع انه كان شايف ناس عندهم مشاكل حاصله ليهم بسبب المخدرات دي قدام بس انا كنت بسيغ لي نفسي انه انا ما زيهم وده كان انكار مني (كلنا واحد المعلم والمدمن هم نفس الشخص ) وبعده بقيت بدحرج من مخدر لي مخدر بقيت ببيع لجى وتراما واتعرفته على ناس ملاك صيدليات
وناس من مصنع تبوك بقيت باخد منهم nervax وكل ده في ٤ سنين وبعدها كل ماسافر برا السودان كنت بجيب معاي نوع مخدرات بكون عرفته جديد ومع الزمن خشيت استروكس وكرونك وتلج وكوك و بقيت عايش حياه متحوره الحصول على المخدرات وطرق و الوسائل للحصول على المزيد و عملته قروش كتيره منها و بقيت …
اعمل حفلات و اقعد في شقه براي وم عندي اي مسؤوليه تجاها اهلي و قروش الحرام سهله وكتيره فكان عاجبني الوضع وكل شويه مسافر وجاي وبعد ٩ سنه لقيت انه سمعتي سابقاني في كل بحري وكنت شايف الحاجه دي كويسه وما كنت شايف روحي من بعيد انه انا زول خريج هندسه بكالوريس و شكلي كاني متسول
شعر طويل و ووزني ٤٧ و شايل سلاح ٢٤ ساعه وطريقة كلامي كيف كيف و الناس كانت نظرتها لي شنو وسمعتي وسمعة اهلي الكانت جايه من وراء عمايلي وبعد ١٠ سنين في الدوامه دي اتخذته قرار اني عاوز اتغير وبعدته عن اي زول وقفلته تلفوني وقعدته اول فتره بعاني من اعارض الانسحاب فترة اسبوعين
وبعدها بقيت اصلي فرض ولا فرضين قدر القدر عليه و بديت اشغل نفسي باي شي ممكن يطلع الطاقه السلبيه من ك العب حديد ولا كوره ولا اغسل واكوي هدومي ولا انظف غرفتي و لا اقراء وحلقته شعري وبقيت بركز في اسلوبي ف الكلام شديد والليله انا فخور بي نفسي اني متعافي لي ٨ شهور وانشاءالله طول العمر
وبقيت بعرف مجتمع نظيف وعملي ومسؤل وشكلي بقى محترم وعملته فورما و قربت علم نفس وكورس علاج معرفي سلوكي و بصلي كل صلواتي و بساعد المحتاج يبطل ويتغير وبتكلم بسلوب احسن من قبل ولسا حابب اتغير للاحسن والكل يتغير للاحسن 🖤🖤🥀
جاري تحميل الاقتراحات...