في ثورة #٢٥يناير كنت عسكري في الجيش مكنتش متابع جيد للأحداث حالي حال أي شاب كل تفكيره أخلص خدمتي والمرحله المقبله اللي بعد الجيش الشأن العام ولا السياسي مكنش ليه حيز. من تفكير. لحد ما صحينا علي ثورة يناير في الأول كنت من المعارضين بشده السلبيه والخمول والميل لتكبير الدماغ👇

هو اللي كان مسيطر ما أحنا عايشين وخلاص هو أيه اللي هيتغير ومن الكلام ده. كنت بكره حاجه أسمها ثوره عشان الدنيا اللي أتلخبطت والناس اللي ماتت. والأنفلات اللي حصل. الحاله دي قعدت مكمله معايا لحد بعد سنة حكم مرسي. و #الأخوان وحده وحده بدأت الأمور تتضح مع شويه نضج وفهم للأحداث👇

كان المنظور بدأ يتغير وبدأ التساؤلات اللي هي كنّا فين قبل يناير. الدوله كانت بتعمل أيه ؟ كشباب أيه طموحنا ؟أيه الي بنفكر فيه ؟الأجابه كانت ولا حاجه عايشين حياتنا عيشة الموظف الحكومي الروتيني اللي مبيعملش حاجه أصلاً ومستسلم للظروف. ثورة يناير كانت الحجر اللي حرك المياه الراكده👇

الدولة موقعتش في يناير. الدوله كانت شاخت وخوخت بس كانت مستنيه اللحظه دي عشان شباب زي اللي خرج يغير شكل حياتنا وتفكيرنا ونظرتنا للأمور أحنا مدينين لثورة يناير وشبابها بحاجات كتير من فهم ورؤيته وثقه بالنفس وطموحنا أننا نقدر نغير الواقع ونرفض الأستسلام واليأس. وتبقي ثورة يناير. 🇪🇬