لإحياء الذاكرة ثريد جردة ملخصة لكل فترة وجود الرئيس الحريري من ٢٠٠٥ لهلق ببين كيف انو قرارت وتسويات الرئيس الحريري ما اجت فقط بقرار شخصي منه بل في اشياء فرضت علي عربياً ودولياً ومن قبل الحلفاء خاصة بعد الشماتة اللي صارت مبارح وتحميله كافة مسؤولية انهيار لبنان وعشوي الامة العربية.
١- من سنة ٢٠٠٥ اختير الرئيس سعد الحريري الوريث السياسي بعد الشهيد بقرار سعودي عائلي. وخاض الانتخابات ضمن حلف رباعي وشارك بطاولة الحوار لوضع استراتيجية دفاعية لسلاح الحزب اللي فتح حرب بتموز بال٢٠٠٦ رغم وعوده بعدم خوضها بموسم سياحي واعد لافشال طاولة الحوار انذاك.
٢- بهيديك الفترة كان الرئيس فؤاد السنيورة رئيس الحكومة وبفضله وبفضل الرئيس الحريري توقفت الحرب وتم اعادة اعمار الضاحية والجنوب. وبعدها بسنة حاولت حكومته توقف شبكة اتصالات للحزب بتحميس من وليد بيك سبب ٧ ايار ببيروت والبقاع واطلاق صورايخ عقصر قريطم اللي كان بيسكنوا سعد الحريري.
٣- وقفت الطائفة السنية والرئيس الحريري وحيدين وعاريين الصدور بوج سلاح الحزب واحرق تلفزيون المستقبل وراح شهداء ببيروت. بهيدا الوقت حلفاء الرئيس سكروا مناطقهم وتركوا حليفهم لحاله. بعد ٧ ايار وباتفاق وبمبادرة عربية حصل اتفاق الدوحة اللي رسميا سلم الحزب البلد.
٤- اتفاق الدوحة كرس اعطاء الحزب الثلث المعطل بكافة الحكومة وكرس حكومات الوحدة الوطنية وهيدا اللي جبر ١٤ آذار بال٢٠٠٩ رغم اكتساحها الانتخابات بمشاركة الحزب بالحكومة واعطاءه الثلث المعطل تطبيقاً لاتفاق الدوحة. بعد اتت مبادرة السين-سين اللي قامت بها المملكة العربية السعودية.
٥- بهالمبادرة حاولت المملكة ومعها دول العربية ضم بشار الاسد للصدر العربي وطلبت من الرئيس الحريري يزور بشار دعماً للمبادرة العربية واكيد الرئيس رغم اعتراضه بوقتها وعلمه بكذب بشار ذهب وبتشجيع ودعم من حليفه دكتور سمير جعجع وللأسف حُمِّل الرئيس الحريري وحيداً مسؤولية فشل المبادرة.
٦- بال٢٠١١ تم اسقاط حكومة الرئيس الحريري بسبب شهود الزور وهو بالبيت الابيض مجتمع مع اوباما وانقطعله one way ticket واتهدد امنياً وترك البلد ل٣-٤سنين وما ننسى الاغتيالات اللي كانت عم بتلحق تياره ومستشارينه واصدقاءه المقربين. مع التذكير انو تيار المستقبل اكثر تيار اتعرض للإغتيالات.
٧- بهيدا الوقت كانت حكومة القصمان السود وبعدها حكومة تمام سلام وفتنا بفراغ رئاسي لسنين. جمعت بكريكي الاقطاب المسيحية ال٤ وفرضت عالكل انتخاب رئيس للجمهورية من ضمنهم، حاول تيار المستقبل بعد ٤٦ جلسة انتخاب للحكيم ولكن فشل وبعد تنازل القوات عن ترشيح الحكيم عملوا اتفاق معراب رشحوا عون
٨-بعد اتفاق معراب، اللي بين قوسين اتبين انو اتفاق محاصصة وتكريس لمبدأ تسلم الرئاسة للاكثر تمثيلاً ضمن الطائفة، وبعد ترشيح الحزب لعون وبضغط قواتي عالرئيس الحريري (الدلائل ادناه) اضطر لترشيح عون رغم الاعتراضات اللي تعرضلها ولكن لعدم المضي بعكس الرغبة المسيحية وكلنا منعرف تداعياتها.
٩- حاول يشكل حكومات للقيام بالبلد ولكن كل مرة تصدم بمطالب العهد وجبران باسيل وكل حكومة تقعد ٩ واكتر لتتشكل ورغم هيك حاول المستحيل ومن داخل الحكومات اتعرضت لمحاولات تعطيل للمشاريع من قبل العونية والقوات والحزب وتم افشال مؤتمر سيدر للنهوض بالبلد.
١٠- اتعرض الرئيس الحريري بهالفترة لاكبر عملية غدر صارت بالسياسة اللبنانية من قبل حلفاء الامس وكتبة التقارير وهالشي كان الو تداعياته علبنان. وبعدها اجت ١٧ تشرين اللي كان الرئيس الحريري الوحيد اللي سمعها وقدم استقالته رغم رفض الحزب لاستقالة حكومته وبعدها عملية انهيار لبنان بلشت.
١١- حاول الرئيس الحريري تشكيل حكومة اختصاصيين تنفيذا لمطالب الثوار ولكن اتعرض كل مرة للعرقلة من قبل العهد والحزب واعتذر عن التكليف. ورغم هيك ثورة ١٧ ت اكتفت باستقالت الحريري وما كفت ثورتها عبعبدا اللي انوضع عليها خط احمر من بكركي والقوات بحجة الموقع المسيحي بغض النظر عن الانهيار.
١٢- وأخيراً بعد كل هالمحاولات لدرء الفتنة والحرب الاهلية وانهاض البلد لقى الرئيس الحريري طريق مسدود وبطريقة التعامل هيدي بطل يمشي الحال اعلن مبارح تعليق عمله السياسي. خطوة جريئة من رجل سياسي لبناني لاول مرة بتصير بتاريخنا السياسي. حالياً خلي كل حزب مسؤول عن أي شي بدو يصير بالبلد.
بعد هالجردة بعتذر عنها طويلة حاولت قد ما فيي اختصر بس في اشياء لازم تنذكر وبركي بتنفع الذكرى، محاولة هروب الجبناء من مسؤولية قراراتهم وتحميلها بالكامل لسعد الحريري ما بتمشي اذا فعلاً زعماءكم رجال اطلبوا منهم الوقوف والاعتراف بالخطأ وتحمل المسؤولية وحاج تزقفولهم عالعميان وتبررولهم
جاري تحميل الاقتراحات...