رتبها

بتكلم ف هذا الثريد عن سنة الجونيور (فضفضة طبيب طور الإنشاء) ❤️👨🏻‍⚕️🔥
بتكلم عن كل روتيشن مريت عليه وعسى بس م يكون طويل وايد وتملوا😂❤️
@SQUCOFFEE

بديت بالجراحة العامة شهر يناير ٢٠٢١:
والله م كنت متشجع يمكن لاني م اعرف وش بدرس ف الجراحة وش بشوف وش المواضيع اللي بدرسها،
كنت من البداية خلاص قاطع انه الجراحة العامة تخصص م يناسبني ولا بحبه 🚶🏻‍♂️💔

فترة الجراحة العامة كنت هافسنها؛ لأنه اول روتيشن ولا عارف كيف يذاكروا وعلى وش اركز و وش مهم وهذا الشي خلاني انضغط فيه ف فترة الاختبارات، خلوني اقول انها وحده من اخطائي انه اول روتيشن بقيمة الجراحة م ذاكرته خلال الروتيشن ولا خلصته🥺🚶🏻‍♂️💔.

بديت ف الجامعة بعدين العسكري واخر شي السلطاني وبخبركم عن كل مستشفى😂🔥
الجامعة: كنت ف تيم ولا اروع وفيه ناس جبال ف العلم وكنت صراحة وايد استفيد من الرزدنت🔥

العسكري: شخلوني شخال لين قلت بس لاني اكبر اضخم واحد يمكن وكل يوم ننسأل الصبح، لكن يوم وحده غمرت صراحة قالولي اقرا اشعة CT !!!! ف الاجتماع الصباحي وطبعاً ضحكوا علي لين قلت بس 🌚😂😂😂💔

السلطاني: الفترة اللي هفستها عاد من صدق، لانه ذا المستشفى عليه زحمة عظيمة يعني اذا م راكضت بنفسك عشان تتعلم محد بيسويلك سالفة، وانا صراحة منطر فوادي طالع من فصل HNS بدون اجازة بمرة بدينا فوقه فوقه واستغليت الوضع انه محد يسأل عنك😂😂😂😂🔥👨🏻‍⚕️

موقف صارلي ف العسكري😂🔥🔥🔥
شي دكتورة كنت امازحها قالت لي ان شاء الله اشوفك ف اختبار الMD وانا بقيمك، قلتلها لا ان شاء الله دكتورة م بنتلاقى لانها بتشخلني ياخي احسها😂💔
المصيبة انه ف اختبار الجونيور الفاينل حصلتها مقابلتني😭😂😂😂😂😂💔💔💔
غمرت فيه ذاك الستيشن😂🔥

في النهاية: الجراحة العامة خذت خيار ف قائمة اهتماماتي✅👨🏻‍⚕️.

روتيشن التخدير (anaesthesia) 💉🔥:
كله على بعضه اسبوع، وفيه ادوية ياخي لكن ممتع تحضر تشوف كيف تخدر المريض قبل العملية، وش انواع التخدير وانواع الادوية المستخدمة، كان حلو صراحة وعجبني الجو، لانه يخلوك تشتغل ع المريض.

موقف صارلي ف التخدير😂🔥:
الدكتور اللي ماسكنا مصري، وشرحلنا ف يوم من الايام عن الادوية وجلس يتكلم عن الجرعات وكيف نحسبهن، وينتظرني احسب معاه، قلتله دكتور م لعبتي الرياضيات وحمار فيها، بعدها سأل سؤال ف جدول الضرب كذا اتوقع وجاوبته جواب غبي، قال "تو تأكدت انك حمار ف الرياضيات😂”

روتيشن العيون (ophthalmology) 👁👨🏻‍⚕️🔥:
اكثر روتيشن سحبت عليه 🌚🔥
ياخي ما دخل راسي والله، كل الاحترام والتقدير لهذا العلم وكل المتخصصين فيه، لكن م لعبتي ذي الامور الصغيرة🌚🚶🏻‍♂️😭، حتى والله م عندي ذكريات لذا الروتيشن😂💔

روتيشن العيون صراحة اشتغلت عليه من ناحية المذاكرة والحمد لله كنت مخلصنه قبل لا تخلص فترة الروتيشن وكنت عايد عليه وهذا اللي فادني ف فترة ضغط الفاينلات م خذيت عليه وقت وايد، وفادني وايد انه حليت عليه اسأله بكميات كبيرة🔥👁❤️.

روتيشن جراحة العظام (orthopaedics)👨🏻‍⚕️🦴:
هنا ارضي وجمهوري عاد😔🔥، كنت ولازلت احب ذا التخصص، وكنت ناوي استمتع بكل دقيقة ف ذا الروتيشن، لكن أول يوم الدكتور دخلنا مع مريض وكان معاه كورونا وما يعروفوا واهتفسنا كلنا😂🔥
وكنت مناوب انا والشباب، وراغونا من الجناح😂💔

الصباح اليوم الثاني كلنا مطلوبين نسوي فحص😂
سوينا الفحص ورفعولي ضغطي لين طلعت نتيجتي، اخر واحد طلعت نتيجته العصر والباقين كلهم طالعات بمرة حتى وسوست انه فيني شي😂😂💔

الحمد لله كانت سلبية ورجعت البلاد وسويت فحص ثاني للتأكيد لاني كنت اريد اطلع م اقدر، وذيك الفترة كانت صايرة معي مشاكل مع الفريق، والحمد لله الفترة اللي جروبنا انعزل عشان كورونا انا رجعت للفريق وسويت فحص ولعبت بصفتي كابتن الفريق لأول مره وكنت استحق ذا الشي🙏🏻❤️⚽️

لما رجعنا طبعاً م عوضونا الاسبوعين ذيلاك اللي كنا معزولين، رجعنا نكمل ف مستشفى خولة، هناك كان الشغل😍🔥🔥🔥، تبدأ يومك بقراءة الاشعة، وبعدين يومك يكون كله شغل جدولهم كان ارتب جدول بالنسبة لي😍🔥، الدكاترة عسل حرفياً،
الحمد لله كنت وحش الوحوش ف ذا الروتيشن
👨🏻‍⚕️🦴❤️

بعد هذا الروتيشن عطونا اجازة ف رمضان ولكن للاسف وقتها كان م من صالحنا ولا استفدنا منها ولكن الحمد لله، استغليناها ف الرياضة البيتوتيه🌚🚶🏻‍♂️

غبنا وغاب الابداع، ورجعنا نعدل الاوضاع وداومنا وبدينا روتيشن الطب النفسي (psychiatry)👨🏻‍⚕️🔥:
من التخصصات الحلوة، تعيش عالم ثاني بعيد عن الطب اللي متعود عليه، بتحس نفسك تتعامل مع مرضى من نوع ثاني، قصص ثانية عجيبة وغريبة.

ف هذا الروتيشن شطارتك هوه لسانك، حلو شعور انه المرضى احياناً يقولو لك اشياء هم م باغين يخبروها الدكاترة، تحس نفسك سويت شي عظيم😭❤️
في مواقف وايد صارتلي من ضمنها انه بعض المرضى يبغى يفضفض لك، وكنت احب اسمع لهم واعطيهم كلمة ايجابية لعل وعسى هذي الكلمة تفيدهم وتكون دافع لعلاجهم🥺❤️

روتيشن طب الاسرة💉👨🏻‍⚕️🔥 (FAMCO):
بديت ف مركز روي الصحي، صراحة هناك في دكتور سوداني يفوووووووز 😍🔥، هذاك يوم تبغى تتعلم منه، اللي حلو ف الفامكو انك تتعلم المهارات واهم شي كيف تسحب دم😂💉🔥.
هذا الدكتور السوداني بيخليك وحش ف سحب الدم
وبعد في كم دكتورة نفس الشي😍🔥❤️.

SLT:
هذا الاسبوع يعلموك فيه المهارات وبعض الفحوصات اللي بتدرسها ف قسم الباطنية، اسبوع يفوز والله
😍🔥

روتيشن الباطنية 🚶🏻‍♂️💔 (medicine):
هذا الروتيشن ثقيل ع فوادي و وايد اشياء م احبها فيه، م اقول كل شي م حبيته بس يعني كلمة الحق تقال، استفادتي فيه م كانت ذاك الزود، يمكن لانه الروتيشن م منظم💔، ممكن لانه ضغط عليهم الله اعلم بس استفادتي كانت ضعيفة 🙏🏻💔.

واللي زاد الطين بله انه بعد اسبوعين من بداية الروتيشن انكسرت ايدي وتبهدلت حرفياً شهرين بذاك الجبس وايدي اليمين، لا عارف اكتب شي، ولا عارف افحص المرضى، والبعض م يعذروك استغربهم!!
اما بعض الدكاترة صراحة ع عيني وراسي كانوا يعطوني عذري ❤️❤️.

روتيشن الاطفال (pediatrics)🔥👨🏻‍🍼👨🏻‍⚕️:
كان روتيشن حلو لطيف خفيف، اعتمدت ع المحاضرات ف المذاكرة عشان كذا كنت مرتاح فيه لما اذاكر والحمد لله خلصته ف اول ٣ اسابيع، انصح الطلاب اللي تو بادين انه يخلصوه ويعيدوا عليه بيريحكم فترة الفاينلات😍🔥❤️.

فترة الاختبارات😭💔🔥:
فترة لا يصمد فيها الا المحارب المقاتل والمناضل اللي نقول عنه حديده🚶🏻‍♂️🔥
فترة يدخل الشك ف نفسك، والله ذيك الفترة شكيت انه بعدي وبنجح صراحة💔🚶🏻‍♂️

لا بقى ارق ولا بقى ضيقة ولا بقى شي
ولكن بعد العسر يأتي اليسر
وبعد الضيق يأتي الفرج
والحمد لله كانت نتيجتي فوق المرضية بالنسبة لي🖤🖤👨🏻‍⚕️

شكراً لأهلي، شكراً لأصدقاء الطب، شكراً لربعي وأخواني اللي كان لهم دور كبير صراحة❤️👨🏻‍⚕️
شكراً للدكاترة اللي قدمولنا الشي الكبير والعلم النافع🙏🏻❤️
وقبل كل شي الشكر لله رب العباد❤️👨🏻‍⚕️💉
وعقبال مواصلة المشوار بتفوق وعمل اكبر❤️.

هذي نهاية الثريد، اتمنى يكون ف المستوى اللي مصبرنكم تنتظروا اسبوعين اعرف تأخرت
🙏🏻😂
tellonym.me

tellonym.me/Salim_5ak1998

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد