هي مجموعة نصايح سوف اضعها ف ثريد للفائدة العامة:
١- حاول ماتطلعش من بلدك غير بعد ماتكون اتعلمت و بنيت خبرة عملية ف التعامل مع البشر سواء كانوا كويسين او العكس، هيفرق كتير اوي.
١- حاول ماتطلعش من بلدك غير بعد ماتكون اتعلمت و بنيت خبرة عملية ف التعامل مع البشر سواء كانوا كويسين او العكس، هيفرق كتير اوي.
٢- خليك دايما consistent يعني متسق مع نفسك علي طول الخط، و مايكونش اداؤك متذبذب تحت اي ظروف سواء شخصية او بسبب بيئة العمل. معظم اللي بيتولوا مناصب و بيترقوا دئما بتجمعهم صفة "يمكن الاعتماد عليهم دائما " و دائما هنا هي تطبيق being consistent.
٣- مهما حصل ما تتكلمش علي بلدك بصورة غير لائقة، الاجانب حتي لو هتحصل علي جنسية بلدهم بيعتبروا ده red flag و دايما بيتحفظوا مع اي شخص بيحاول يتقرب منهم علي حساب بلده الام. مش بس كده بتعتبر شخص غير موثوق فيه و بيتم استبداله بعد استنفاذ سبب وجوده.
٤- لو هدفك العمل ف الخارج ف اسهل طريق هو تكوين خبرة و عمل profile خاص بيك يكون محترم، حتي لو محتاج تدفع في مقابل يكون عندك سيرة ذاتية محترمة، ما تستخسرش في اظهار قدراتك. بس طبعا تكون موثقة و غير ذائفة، و بعد كده تقدم لشركات عالمية و اوعي تيأس حتي لو قدمت ف ١٠٠ وظيفة ف نفس الشركة
٥- طور نفسك و قدراتك بتعلم كورسات ، و علشان تحدد الكورسات دي ، اعمل مسح لسوق العمل و اعرف الشركات الكبيرة بتطلب ايه، ماتمشيش ورا ناس و تتعلم اللي اتعلموه، لان معظمهم بيكون متأثر بتجربته الشخصية اللي مش شرط تتكرر معاك. خليك مبدع ف اللي بتتعلمه ، خليك pioneer.
٦- ماتمشيش مع القطيع و ماتحاولش تشعر نفسك بالأمان عن طريق الانغماس مع من هم مثلك. لأ اخرج بره ال comfort zone علي قد ما تقدر، ممكن تكون البداية اصعب لكن النتائج هتكون باهرة ليك، و علي المدي البعيد هتدرك تماما فايدة ده.
٧- اتعلم اللغات من و انت ف ثانوي و ماتستناش للجامعة، و مارس اللغة مع مجموعات اونلاين، هيفرق معاك كتير جدا .
٨- لو حلمك تعمل دراسات في جامعات عالمية بس الميزانية لا تسمح ، ماتتنزلش عن حلمك ده و اصبر ، و هايجي اليوم يكون معاك الميزانية دي و هتتعلم اللي انت عايزه ، و حلمك ده ماتتصورش هيفرق معاك قد ايه وقتها في تطور مركزك داخل الشركة اللي انت فيها او مفتاح دخولك لشركة عالمية كبري.
١٠ - اعمل علاقات متوازنة مع الكل و اظهر اهتمام ف احترام و تعلم عادت من حولك من مختلف الجنسيات بما لا يتعارض مع عاداتك و مبادئك ، ده هيخليك تكتسب احترام و ثقة كبيرة فيما حولك.
١١- تعلم رسم البسمة علي وجهك و دائما كن بشوش ، الاجانب بيعملوا انطباع سريع عنك من نظرتك و ابتسامتك بغض النظر عن حالتك الشخصية اللتي لا تعنيهم في اي شىء.
١٢- دايما اسئل نفسك قبل اي ايميل او اجتماع او مكالمة : انا بعمله ليه و عايز احقق منه ايه و بعد كده فكر ف اسلوب الحوار و ازاي يكون تصاعدي حتي تصل ل هدفك .
١٣-حط نفسك مكان المدير او الشخص اللس هتطلب منه حاحة و اسئل نفسك : لو انا مكانه هو هيستفيد ايه علشان يوافق علي طلبي و هيخسى ايه لو رفض.
What is the value for him to approve, and what is he will lose ?
و بعد كده فكر ازاي تسوق طلبك ده .
Think like selling it to him
What is the value for him to approve, and what is he will lose ?
و بعد كده فكر ازاي تسوق طلبك ده .
Think like selling it to him
١٤- كل حاجة ف الدنيا هي مفاوضات من اول ما بتشتري حاجة لحد ما بتطلب تترقي ، مافيش حاجة اسمها حق مكتسب حتي لو كانت حقك فعلا و مكافأة علي مجهودك. هتفضل برضوا خاضعة للمفاوضات، ولاز تأهل نفسك ل كده علشان تنجح ف المفاوضات و تحصل علي ماتريد.
١٥- مافيش حاجة اسمها انت فاهم كل حاجة حتي لو قعدت ٣٠ سنة ف المجال، ف دايما اتعامل مع اي حاجة انت بتعملها كأنك بتعملها لاول مرة ، انت بكده هتتعلم اكتر و هتكون متواضع اكتر. الاخطاء القاتلة دائما تحدث من من يظنون انهم يتقنون ما يفعلوه.
الكمال لله وحده ، فتواضع مهما بلغت من العلم
الكمال لله وحده ، فتواضع مهما بلغت من العلم
١٦- ذكاة العلم هي نشره و تدريسه ، هتتفاجئ انك هتكبر بقدر ما انت بتعلم غيرك. و كقاعدة عامة اكثر الناس فهما لما يفعلوه هم اكثرهم قدرة علي تبسيطه. ف ماتحاولش تعقده لان ده معناه انك مش فاهمه كويس.
و ماحدش هياخد رزق حد حتي لو ظهرلك كده ف الاول، بس ف الاخر ربنا هيعوضك بفارق سنين ضوئية
و ماحدش هياخد رزق حد حتي لو ظهرلك كده ف الاول، بس ف الاخر ربنا هيعوضك بفارق سنين ضوئية
١٧- تصالح مع الماضي مهما كان مؤلم سواء مع عمل او مدير ، لأن طول ما انت غير متصالح هتفضل شايل ده معاك و مش هتعرف تتقدم و هتفضل خايف من تكرار ماحدث و ده هيخليك متحفظ و هتفقد فرص بايدك بسبب ما مررت به.
١٨- اسمك هو سمعتك بجد ، يعني اتقن عملك و اعطي النصيحة و لو ناوي تنقد حاجة فكر ف كلامك و اسأل نفسك انا بنقدها ليه و عايز ايه من كلامي ، و بعدين قم ب إعادة صياغة كلامك. ولا تتسرع ف ابداء رأيك و خليه دايما في اتجاه البناء و ليس تدمير شخص ما. اوعي تشخصن الامور مهما حدث.
١٩- دور لك علي معلم mentor حد تكون اشتغلت معاه في مكان و بعد كده سيبت المكان ده، حد ممكن تاخد رأيه ف امر ما او نصيحة ، و كل ما تكبر كل ما الشخص ده ممكن يتغير و مش شرط يكون تقني قد ما يكون عنده خبرة ف اتخاذ القرارات. لان معظم القرارات المصيرية بتكون غير تقنية.
٢٠- و اخيرا حاول ان لا تتذمر من المشاكل، بل علي العكس ، كل مشكلة امامك هي فرصة للتعلم. لو فكرت في كل مشكلة بتواجهها بالطريقة الايجابية دي سوف تذهل من مدي تقدمك علي الآخرين، و دي مش نصيحة دي اسلوب حياة كل الناجحين في المراكز العليا ف الشركات العالمية.
اتمني الفائدة للجميع.
شكرا
اتمني الفائدة للجميع.
شكرا
جاري تحميل الاقتراحات...