فيلم اصحاب ولا اعز والبطة البرية.تحليل من الشمخ الجواني لأبو رنّة كبير الألاتيه:
الفيلم استحضار لفكرة مسرحية للكاتب النرويجي هنريك إبسن اسمها البطة البرية ناقش فيها الجحيم اللي ممكن يتسبب فيه عدم قبول الانسان لخطاياه الكبرى اللي اعتبر انها جزء من تكوينه البشري
الفيلم استحضار لفكرة مسرحية للكاتب النرويجي هنريك إبسن اسمها البطة البرية ناقش فيها الجحيم اللي ممكن يتسبب فيه عدم قبول الانسان لخطاياه الكبرى اللي اعتبر انها جزء من تكوينه البشري
وان عدم قبوله لاخطاءه هيحوله لمسخ
في المسرحية صراع بين دكتور "ريلينج " الطبيب اللي شايف ان فلسفة الحياة مبنية على اختراع كل شخص منا لكذبة كبيرة في حياته بيستخبى وراها علشان يقدر يكمل حياته و سمى الكذبة دي مجازاً كذبة الحياة أو Saving Lie
في المسرحية صراع بين دكتور "ريلينج " الطبيب اللي شايف ان فلسفة الحياة مبنية على اختراع كل شخص منا لكذبة كبيرة في حياته بيستخبى وراها علشان يقدر يكمل حياته و سمى الكذبة دي مجازاً كذبة الحياة أو Saving Lie
و كان دورة في الرواية انه يغذي الأكاذيب دي في اذهان الشخصيات علشان يساعدهم في التغلب على هزايمهم النفسية و انكساراتهم و يخلق لهم سعاده موهومة ،على النقيض من دكتور "ريلينج" كانت الشخصية المحورية التانية شخصية "جريجرز" واللي رمز ليه الكاتب بالكلب الذكي Clever Dog
كانت مهمته في الحياة انه يطارد حقائق البشر و كان متبني فكرة المثالية في كل شيء و إن كل انسان لازم يواجة حقيقته مهما كانت سيئة و إن رصيد الإنسان من خطايا الماضي لازم يدفع تمنه فلا مجال للغفران و لا فرار من العقاب و سمى العقاب ده الجزاء الأخلاقي Moral Fable
كان بمنتهى القسوة بيزيل الاكاذيب من حياة كل الشخصيات و بيواجهم بضعفهم و انكساراتهم..بيدور الصراع بين دكتور " ريلنج " و "جريجرز " طول الرواية كل واحد فيهم بيحاول يثبت للتاني خطأ نظريته..و بعد ما جريجرز نجح انه يواجة كل شخص بكذبة الحياة بتاعته كانت النتيجة إن كل الشخصيات انهارت
و ما قدرتش تواجه حقيقتها، حتى إن الشخصية الرئيسة في الرواية اللي اسم المسرحية بيرمز ليها ماتت منتحره بمجرد ما عرفت إنها بنت غير شرعية.الفيلم قدم فكرة هنريك ابسن بشكل بسيط لكنه مركز ، ابطال الفيلم اللي عندهم حياة شبه مستقره لكنها حياة مليانه اكاذيب و مسكونة بالضعف
كلهم اختاروا انهم يعيشوا كدبة المحاياة اللي اتكلم عنها ابسن بس المرة دي بشكل مختلف ، عالم موازي جوا تليفون او علاقة موازية او انحراف ..عالم اشبه بصندوق باندورا اللي لو اتفتح هتخرج منه كل الشرور زي ما الاسطورة بتقول ..عالم فيه كل الخطايا و الرغبات والانحرافات و الضعف و الارتباك
و الخلل و الهروب، عالم واسع فيه اوبن بوفية من كل حاجة، العالم ده اتسبب بفيض المعلومات والشخصيات وتنوعها في ان الرضا غاب و الاشباع انتهى و بقينا في دايره لاتنتهي من من الجوع النفسي والجسدي والعاطفي، عالم ضلمة ماينفعش يخرج للنور واول ما يخرج للنور هتتحول الكذبة لحقيقة قاتلة
تحصد معاها بيت العنكبوت اللي بنيناه حوالين نفسنا وجوه تليفوناتنا..لعبة التليفون اللي كشفت جزء من نفسية الابطال هي نفسها شخصية جريجرز في مسرحية ابسن، هي الحقيقة اللي فتحت باب الجحيم، وخلقت تساؤل عظيم هل احنا عندنا قدرة على مواجهة اخطاءنا و قبول اخطاء اللي حوالينا..
وايه الاختيار الافضل ..اننا نكمل في الكدبة زي ما كانت نهاية الفيلم وكل واحد يستمر في العالم الموازي بتاعه ولا نعيش الكابوس بتفاصيله زي ما الفيلم صورها ونتحمل النتايج ، محدش يحاول يجاوب على السؤال لانه غالبا فخ ..والحقيقة اننا لا نملك سوى الاستسلام في صمت أو الموت على جنب..
-اروع مافي الفيلم مكالمة البنت صوفيا لابوها،واللي وضحت ازمة و صعوبة التربية في الوقت اللي احنا فيه وازاي انه قدر يستوعبها ويوجهها من غير مصادرة ولا عنف رغم الكارثة اللي كانت هتعملها.
-نتفليكس لازم تحشر موضوع الشذوذ علشان الناس اللامؤاخذة ما يقولوش علينا حاجةبصوت عبمنعم مدبولي😀
-نتفليكس لازم تحشر موضوع الشذوذ علشان الناس اللامؤاخذة ما يقولوش علينا حاجةبصوت عبمنعم مدبولي😀
-الصورة الصادمة المركزة اللي قدمها الفيلم عن طبيعة ابطاله هي صورة مجتمعنا بس احنا مش هنقول علشان لسه مش مصدقين اننا بالسوء ده.
-اخيرا الفيلم اعلان رسمي عن دخولنا منظومة القيم الغربية بكل مساوئها وامراضها واحيانا صدقها، واننا قدام طوفان وماعندناش اي ادوات لمواجهته
-اخيرا الفيلم اعلان رسمي عن دخولنا منظومة القيم الغربية بكل مساوئها وامراضها واحيانا صدقها، واننا قدام طوفان وماعندناش اي ادوات لمواجهته
و ان حالة الرقص على السلالم وشيزوفرينيا القيم بتنتهي.واننا بنتجرجر للصوابية غصب عننا ، واللي مش مصدق يحاول يناقش ولاده او يشوف طلبة الجامعة وافكارهم عن الاسرة والجواز و الدين والآخر.
-اخبرا ..القيم الغربية والسيولة لا يجتمعان ، القيم الغربية محتاجة قوانين رادعة تنظم حركة المجتمع و تعيد تعريف العلاقات بين مكوناته وفق منظومة حقوق و واجبات شديدة الصرامة.
جاري تحميل الاقتراحات...