الدراسة بدأت من اسبوعين ..
أمس وصلني ايميل من وحدة من الطالبات انها سجلت بالمادة متاخر (يعني فاتتها اسبوعين) ..
الطالبة متوترة و ارسلت لي "ابا اجتمع معك عشان تساعديني كيف ألحق و اعوض الي فاتني"
— المادة دسمة ب ٣ ساعات اكاديمية

رغم انشغالي تذكرت/ تخيلت نفسي و انا بمكانها بمثل هذا الظرف (ثلوج و كوفيد و فاتتها اسبوعين) و مباشرة رديت على الايميل و اعطيتها "عدة اوقات" متاحة لي للاجتماع معها في اليوم التالي من ايميلها + خيرتها بين اجتماع حضوري او اون لاين.

— لمن ربي يمن علي و يحطني في مواقف/ مناصب فيها بعضا من السلطة/ الامور الادارية > مباشرة افتكر اشخاص ساعدوني و اقول ابغى اسوي زيهم و بنفس الوقت افتكر اشخاص تعبوني و اقول ما ابغى زيهم .. و هكذا

بالطبع يفرق .. لمن الشخص يكون "رسميا" مسؤول عن طلبة/موظفين/ اخوة/ زملاء بطريقة أو بأخرى > هذه أمانة ويجب انه يحرص على اداءها بالشكل الي يرضي الله ثم يرضي المؤسسة ويرضي نفسه .. اما الردود على رسائل تويتر/ واتس تعتبر "تطوع" و "يفضل" الاحسان فيها.
— عشان لحد يقولي كلمتك و ماردتي 😩