1 - 12
ظرفاء الثورة
كتب أحد ظرفاء #الردة_مستحيلة😁:
مزعلني ليكم البرهان ده زعل شديد، أول ما طلعت اللسته بتاعة الشهداء وقريتها والله الليل دا ما نمتو.. ممغوس علي الشفع الماتو ديل.. الصباح فجر قفلت دكاني وركبت الحافلة من بدري وعلي الخرطوم قلت الليلة يا بلة القصر جوة بس 🔽
ظرفاء الثورة
كتب أحد ظرفاء #الردة_مستحيلة😁:
مزعلني ليكم البرهان ده زعل شديد، أول ما طلعت اللسته بتاعة الشهداء وقريتها والله الليل دا ما نمتو.. ممغوس علي الشفع الماتو ديل.. الصباح فجر قفلت دكاني وركبت الحافلة من بدري وعلي الخرطوم قلت الليلة يا بلة القصر جوة بس 🔽
2 - 12
الوليدات ديل أحسن مننا في شنو؟ يكوسو في حقنا ونحن متفنسين افووو.. الحلة كلها عارفة الليلة بلة دا ماشي المليونية💪أول حاجة مشيت على باشدار قالوا من هنا بتبدأ المظاهرات جيوبي مليانة شي شندوتش وموية وكمامات التقول الشافع الماشي الروضة.. أها وقال كدا والموكب بدأ 🔽
الوليدات ديل أحسن مننا في شنو؟ يكوسو في حقنا ونحن متفنسين افووو.. الحلة كلها عارفة الليلة بلة دا ماشي المليونية💪أول حاجة مشيت على باشدار قالوا من هنا بتبدأ المظاهرات جيوبي مليانة شي شندوتش وموية وكمامات التقول الشافع الماشي الروضة.. أها وقال كدا والموكب بدأ 🔽
3 - 12
أول حاجة ودونا ليك مشوار والله والله عيوني زغللن فيهو والشمس دي داقة في صنقوري لمن وصلت ومطلع ليك لساني زي الحمار المسافر، أها قلت كدا شفت لي ضل شجرة قشطت ليك الموية ديك كلها وفطرته ولبست كمامتي وفاااااندام قام بالضلام، وصلنا القصر وبدأ الموكب فعليا والناس شايلها الحماس 🔽
أول حاجة ودونا ليك مشوار والله والله عيوني زغللن فيهو والشمس دي داقة في صنقوري لمن وصلت ومطلع ليك لساني زي الحمار المسافر، أها قلت كدا شفت لي ضل شجرة قشطت ليك الموية ديك كلها وفطرته ولبست كمامتي وفاااااندام قام بالضلام، وصلنا القصر وبدأ الموكب فعليا والناس شايلها الحماس 🔽
4 - 12
وأنا في نصهم أنطط والمشكلة ما حافظ أي حاجة من البقولو فيهو دا.. بس ساتراني الكمامة بحاول الفق لي كلمة كلمتين نظام الود ثورجي قديم.
كفكفت ليك جلابيتي وعقدتها ليك في نصي.. وقلت كدي النمشي نشتبك قدام مع الشباب ديل.. الصفوف الأمامية وشايلاني ليك الهاشمية.. 🔽
وأنا في نصهم أنطط والمشكلة ما حافظ أي حاجة من البقولو فيهو دا.. بس ساتراني الكمامة بحاول الفق لي كلمة كلمتين نظام الود ثورجي قديم.
كفكفت ليك جلابيتي وعقدتها ليك في نصي.. وقلت كدي النمشي نشتبك قدام مع الشباب ديل.. الصفوف الأمامية وشايلاني ليك الهاشمية.. 🔽
5 - 12
الشباب جاهزين شايلين علم وكاتبين فيهو (غاضبوون)، طلعت الموبايل وقلت الليلة ناس الحلة ديل لازم يشوفوا الاستبسال الحاصل دا وقلت اتصور سيلفي، رافع ليك الموبايل وعاوز آخد ليك لقطة، (وددوو) المعركة بدت!! علي بالإيمان الكجر الكريهين ديل الله لا كسبهم، قالو كدا (وبوووف كووو دو)🔽
الشباب جاهزين شايلين علم وكاتبين فيهو (غاضبوون)، طلعت الموبايل وقلت الليلة ناس الحلة ديل لازم يشوفوا الاستبسال الحاصل دا وقلت اتصور سيلفي، رافع ليك الموبايل وعاوز آخد ليك لقطة، (وددوو) المعركة بدت!! علي بالإيمان الكجر الكريهين ديل الله لا كسبهم، قالو كدا (وبوووف كووو دو)🔽
6 - 12
فكو كمية بتاعة بمبان تحت كرعينا خلوني أفنجط ليك زي الكلب المخلوع الما عارف يجري علي وين.. كل مرة ادقش زول وأقع وأقوم.. والغريب في الموضوع أعاين ليك للشباب ديل واقفين يسكو البمبان وأنا أجري منو.. وانا السروال معقلني.. أها مع (كووووو) دي😨انتبهو لي🤣!!🔽
فكو كمية بتاعة بمبان تحت كرعينا خلوني أفنجط ليك زي الكلب المخلوع الما عارف يجري علي وين.. كل مرة ادقش زول وأقع وأقوم.. والغريب في الموضوع أعاين ليك للشباب ديل واقفين يسكو البمبان وأنا أجري منو.. وانا السروال معقلني.. أها مع (كووووو) دي😨انتبهو لي🤣!!🔽
7 - 12
هي لاكين ما زعزعتهم زعزعة الكلاب الساكات الكدسة، يا جماعة ما الزول مخلوع كمان، بس وقلت كدا دقشت القدامي رميتو، بقيت ما شايف مع الدخان وما عارف أجري علي وين؟ والعيون إتورمن والدموووع والمخاخيت دي ما تدي الدرب، أها هم لمن شافوا حالتي دي قالو الزول دا ببهدلنا أكتر من الكجر🔽
هي لاكين ما زعزعتهم زعزعة الكلاب الساكات الكدسة، يا جماعة ما الزول مخلوع كمان، بس وقلت كدا دقشت القدامي رميتو، بقيت ما شايف مع الدخان وما عارف أجري علي وين؟ والعيون إتورمن والدموووع والمخاخيت دي ما تدي الدرب، أها هم لمن شافوا حالتي دي قالو الزول دا ببهدلنا أكتر من الكجر🔽
8 - 12
قامو خموني وجرو بي لي ورا.. واحد قال لي: يا حاج انت الجابك قدام شنو؟ أرجع الترس الورا مع ناس الردة مستحلة ديلك.. وأنا بي باقي روحي دي شايلني زي الشلتوت قلت ليهم يا جماعة نحن برضو شباب الوطن أدونا معاكم فرصة. فكوني في الواطة وجرو تاني قدام.🔽
قامو خموني وجرو بي لي ورا.. واحد قال لي: يا حاج انت الجابك قدام شنو؟ أرجع الترس الورا مع ناس الردة مستحلة ديلك.. وأنا بي باقي روحي دي شايلني زي الشلتوت قلت ليهم يا جماعة نحن برضو شباب الوطن أدونا معاكم فرصة. فكوني في الواطة وجرو تاني قدام.🔽
9 - 12
علي بالايمان شايفهم ليك رهاب رهاب وحيلي مهدود.. وقال كدا الرصاص والقنابل الصوتية اشتغلت كوكرو تو بوووف والدخان وأنا غمران لسة، أها شوية كدا وجاتنا ليك العربية أم خرطوش ديك وقال كدا بتاع العربية يعاين لي بالرقراق مستغرب في الزول الراقد وممد في نص الشارع دا لا يد لا كراع 🔽
علي بالايمان شايفهم ليك رهاب رهاب وحيلي مهدود.. وقال كدا الرصاص والقنابل الصوتية اشتغلت كوكرو تو بوووف والدخان وأنا غمران لسة، أها شوية كدا وجاتنا ليك العربية أم خرطوش ديك وقال كدا بتاع العربية يعاين لي بالرقراق مستغرب في الزول الراقد وممد في نص الشارع دا لا يد لا كراع 🔽
10 - 12
ووجّه ليك علي الخرطوش (وشووووو) وأنا راقد جضمي في الواطة وليكم أمان الله غالبني أقيف ولا بزح لا يد لا كراع غسلني وبشتني وأنا في رقدتي زي المشلول.. أها تاني شالوني الشباب زحوني من الشارع ما خلاس بقيتلهم زي الخازوق.. 🔽
ووجّه ليك علي الخرطوش (وشووووو) وأنا راقد جضمي في الواطة وليكم أمان الله غالبني أقيف ولا بزح لا يد لا كراع غسلني وبشتني وأنا في رقدتي زي المشلول.. أها تاني شالوني الشباب زحوني من الشارع ما خلاس بقيتلهم زي الخازوق.. 🔽
11 - 12
غايتو حبيت حبيت لي بره شوية. الجلابية بقت معراكة بس والحالة مع اللون بتاع الموية بس زي الضاربني لغم، والجضوم حمّرن وانسحبت انسحاب تكتيكي وقلت كدا عضيت ليك جلابيتي وفكيت ليك البيرق أقع واقوم والحلة راااااس.. والريحة تقول يا ليل.. 🔽
غايتو حبيت حبيت لي بره شوية. الجلابية بقت معراكة بس والحالة مع اللون بتاع الموية بس زي الضاربني لغم، والجضوم حمّرن وانسحبت انسحاب تكتيكي وقلت كدا عضيت ليك جلابيتي وفكيت ليك البيرق أقع واقوم والحلة راااااس.. والريحة تقول يا ليل.. 🔽
12 - 12
وعليم الله الشباب ديل والله لا بنقدر نجاريهم ولا حاجة، ووالله يا البرهان الشفتهم ديل ما أظنهم يعتقوك ودحين أحسن ليك تنزوي وتزح للأمين القوي وتمشي تشوف شغلة وتسلمهم بلدهم دي.
#العصيان_المدني_الشامل #يسقط_عسكر_الحاويات
وعليم الله الشباب ديل والله لا بنقدر نجاريهم ولا حاجة، ووالله يا البرهان الشفتهم ديل ما أظنهم يعتقوك ودحين أحسن ليك تنزوي وتزح للأمين القوي وتمشي تشوف شغلة وتسلمهم بلدهم دي.
#العصيان_المدني_الشامل #يسقط_عسكر_الحاويات
جاري تحميل الاقتراحات...