يعني لحتى تصير رائد فضاء لازم أول شي تعدي ع لجنة الاختيار ولازم تكون "حامل الجنسية الأمريكية"ولازم تكون عندك شهادة ماستر في أيّ تخصُّص عِلمي أو هندسي أو شهادة طبّ وخبرة سنتين في مجال تخصُّصك أو مُكمّل١٠٠٠ساعة طيران بطيّارة نفاسّة واذا طولك أكثر من ١٨٧م أو أقصر من١٥٥فطلبك حينرفض
ولازم تعدي على اختبار حدّة العيون بحيث تكون عينك٢٠/٢٠ لكل عين للأجسام القريبة والبعيدة وتكون طبعًا لائق جسديًا، هل هذا يكفي أنك تعدي على هي المتطلبات المبدئية مشان تكون "رائد فضاء"؟ الجواب طبعًا لا, على سبيل المثال إذا تقدّم ١٨ ألف شخص لهي الوظيفة و٤٥٠٠ من ال ١٨ ألف هدول انقبلوا
يعني كل واحد منهم جاب ١٠٠٪من كل المتطلبات هي يعني وأكيد رقم ٤٥٠٠ كبير جدًا ناسا مافيها ترسل هيك عدد للفضاء صحيح أنهم جابوا ١٠٠٪ لكل المتطلبات بس لازم الرقم ينخفض، بعدها بتبلّش المرحلة الأصعب للمتطلبات بعدها بتطالع بكل متقدم بتشوف شو هوايته وشو إنجازاته الشخصية بشو يفكر بشو يحلم
بشو يفكر وهو فاضي مين هنن أصحابه بشو يفكّر وهو جوعان شو بياكل يعني ناسا بتقلّص العدد من ٤٥٠٠ متقدم إلى ٥٠٠ متقدم هنن بالقمّة يعني متقدمين فوق المعتاد وإذا كنت من ال٥٠٠ شخص هدول ناسا حتعمل معك مقابلة شخصيّة وبعدها حيتقلّص العدد ١٢٠ مشان يعملوا مقابل شخصية أولى وبعدها
وبعدها راح يتقلّص العدد لل٦٠ وينقبلوا
راح يكون في فحص جسدي وفحص عنيف كتير راح يدهكوك بالأرض مشان يعرفوا حدّك الجسدي لوين ممكن يوصّل تحت ظروف الاختبار ومن بين هي الظروف الجسدية الطويلة واللي بتحاكي فترات الطيران الطويلة المرهقة ١٤ فقط راح يعدّوا هالمرحلة
راح يكون في فحص جسدي وفحص عنيف كتير راح يدهكوك بالأرض مشان يعرفوا حدّك الجسدي لوين ممكن يوصّل تحت ظروف الاختبار ومن بين هي الظروف الجسدية الطويلة واللي بتحاكي فترات الطيران الطويلة المرهقة ١٤ فقط راح يعدّوا هالمرحلة
ما في أي مجال للواسطة هون وهي المجموعة اللي راح يكون عندها الفرصة أنها تطلع للفضاء ولكن هل ال١٤متقدم مشي حالهم وراح يلبسوا البدلة وينطلقوا؟ طبعًا لأ،وعندك الجزء الصعب جدا اللي طوله سنتين وفيه هدول ال١٤شخص النهائين يسمون الرواد المرشحين راح يمروا ببرنامج تدريبي تجهيزي لرواد الفضاء
طوله سنتين ال ١٤ شخص المختارين راح يتعينوا بمركز كينيدي للفضاء ومن هنيك راح يدربوهم على شغلات كتير أول هي الأمور لازم يتعلموا يعيشوا براحة في بيئة مائية لازم يكونوا مرخّصين برخصة غطس مشان التدريب الثاني اللي هو انعدام الوزن ولازم يسبحوا ٧٥ متر بدون توقف وبعدين يسبحوا ببدلة فضائية
هي الأمور بيساوها في حال واجهوا رواد الفضاء هبوط إضطراري على الماي وأخيرًا لازم يجتازوا اختبار أنهم يضلوا عايمين فوق الماي لمدة ١٠ دقائق وهم لابسين بدلة الطيران المخصصة وأحد البرامج التدريبية اللي لازم يعدوا فيها منها هي اختبار الضغط العالي أو الضغط المنخفض
في المحطة الفضائية الدولية دايمًا روّاد الفضاء بيتعرّضوا لإنخفاض الضغط الجوّي داخل المحطّة فمشان هيك في البرنامج التدريبي بالمخصص لازم ينحطوا في بيئة ضغطها الجوي منخفض أو مرتفع وبعدين يعطوهم مشكلة ولازم يحلوها أو عطل لازم يصلحوه لازم يتعودوا يشتغلوا في بيئات مشابهة اللي موجودة
بالمحطات الفضائية الدولية وأحد التدريبات كمان وهي تدريب فقدان الوزن وفيه طيارة مجهّزة بشكل خاص تطلع لإرتفاع عالٍ وبعدها تنزل بقوة لتحت بحيث تجعل الكل في سقوط حر لمدة ٢٠ ثانية وهاد الشي يتكرر لمدة ٤٠ مرة باليوم الواحد ولازم هدول ال ١٤ متقدم يتعلموا اللغة الروسيّة ويتقنوها بالكامل
خِلال السنتين اللي يقضوها في تجهيزهم وهاد بيرجع لسبب أنه نصف أجزاء المحطة الفضائية العالمية هي روسية وكمان ناسا دايمًا بترسل روّادها على متن صواريخ روسية ونفس الشي الروس لازم يأتقنوا الإنگليزية مشان يتواصلوا مع بعض
آخر شي كل واحد من هدول روّاد الفضاء المرّشحين راح يتمّ إنهاء تقيمهم وبناءً على أدائهم في كل برامج التدريبة هي وفي كل الاختبارات راح يتحدد مين راح يقعد على الأرض ومين راح يصعد للفضاء يعني اجتياز ال١٤شخص المرّشحين هدول لهي الاختبارات والتدريبات لمدة سنتين كاملة من حياتهم راحت تدريب
ما بيعني أنهم راح يصعدوا للفضاء بالنهاية بل لازم التقيم لكل شخص من ال ١٤ هدول يكون أحسن شي مشان يختاروه أنه يصير رائد فضاء يعني من ال ١٤ هدول راح يتم اختيار شخص واحد فقط يصير رائد فضاء رسمي ويصير موظف حكومي مع كامل الميزات بينما ال ١٣ شخص الباقيين بعد ما مرّوا بكل هي الصعوبات
ما راح يصيروا موظفين حكوميين ولا روّاد فضاء مجرّد ناسا حتختارهم وين توديهم مشان يشتغلوا بالأرض بأي مكتب من مكاتبها أو أي معمل أو أيّ مركز من مراكزها.
بس أكبر بدّي أصير رائد فضاء.
بس أكبر بدّي أصير رائد فضاء.
@rattibha من بعد إذنك أخوي إذا فيك ترتبها بكون ممنونك.
جاري تحميل الاقتراحات...