عملت بحث عن المواقع النشرت مقتل العميد قبل انطلاق المليونية بساعات، لقيت انو المواقع النشرت الخبر قبل المليونية خمسة مواقع بس؛ بحثت بس عن الحاجة البتربط بين المواقع الخمسة ديل، هل في رابط؟
ملحوظة مهمة جداً: مافي أي موقع اخباري غير الخمسة ديل نشر الخبر قبل المليونية
١- العالم نيوز: إيران
٢- يانيسفاك: تركيا (مقربة من حزب العدالة والتنمية وتدعم الأخوان المسلمين)
٣- مجلة المجتمع: الكويت (تابعة للأخوان المسلمين)
٤- الأحداث نيوز: السودان
٥- موازين نيوز: العراق (ما بركتها كويس، لكن عموماً شايتة في خط الشيعة/ سياسات ايران)
٢- يانيسفاك: تركيا (مقربة من حزب العدالة والتنمية وتدعم الأخوان المسلمين)
٣- مجلة المجتمع: الكويت (تابعة للأخوان المسلمين)
٤- الأحداث نيوز: السودان
٥- موازين نيوز: العراق (ما بركتها كويس، لكن عموماً شايتة في خط الشيعة/ سياسات ايران)
حضرت فيديو في اليوتيوب عن تعلم كيفية النشر في قوقل، وكيفية تعديل المحتوى
ان شاء الله لو ربنا مدّ في الآجال، بكرة بالليل بكمل لحدي ما أعرف كيف تحدد زمن الخبر الأصلي قبل التعديل (الحاجة دي ممكنة)
ان شاء الله لو ربنا مدّ في الآجال، بكرة بالليل بكمل لحدي ما أعرف كيف تحدد زمن الخبر الأصلي قبل التعديل (الحاجة دي ممكنة)
بعدها نديكم الزيت من بيت الكلاوي
مبدئياً: إحساس قوي بقول لي المواقع دي نشرت الخبر قبل المليونية
#مليونية13يناير
#مجزرة13يناير
مبدئياً: إحساس قوي بقول لي المواقع دي نشرت الخبر قبل المليونية
#مليونية13يناير
#مجزرة13يناير
من امبارح لحدي قبل لحظات ببركت في موضوع (المواقع النزلت خبر مقتل العميد قبل ساعات من نعي الشرطة)، ولأنو المجال ما مجالي فالموضوع أخد مني زمن طويل لحدي ما أصل لنتائج قد تكون مرضية لي نوعاً ما
مافي أي تأكيد انو أربعة من المواقع الخمسة (مثار الجدل) نشرت الخبر قبل نعي الشرطة، لأنو محرك البحث قوقل بستند على عوامل كتيرة لتفسير زمن نشر المحتوى، يعني عادي جداً يتم نشر المحتوى في اللحظة دي، ويظهر في محرك البحث قبل ١٦ ساعة
ممكن تصل للزمن الفعلي بطريقة بحث معينة في مصدر المحتوى، لكن لازم تستصحب معاك حاجتين، الأولى: محرك البحث فسر الزمن الفي محتوى على انو صباحاً أو مساءاً؟، والحاجة دي تقديرها ساهل بالنسبة لخبر مقتل العميد؛ الحاجة التانية: مراعاة فارق التوقيت بين دولة نشر الخبر وتوقيت السودان
طيب، المواقع الأربعة (العالم/ايران، مجلة المجتمع/الكويت، يوني شفق/تركيا، موازين/العراق) قوقل موضح في مصدر المحتوى انهم نشروا الخبر بعد الساعة ٢:٥٠، ودا التوقيت النزل فيهو نعي الشرطة
نجي للموقع بتاع كرورنا (الأحداث نيوز)، الموقع دا سوداني، واتوقع انو تابع لجهاز الأمن، الموقع دا نشر الخبر الساعة ١:٤٦ دقيقة بالضبط (قبل ساعة تقريباً من نعي الشرطة)
عشان نستوثق أكتر، نمسك الأحداث من لحظة تحرك الموكب لحدي الكمين العملتو الأجهزة الأمنية في شروني عشان السبكة، ولازم نستصحب معانا الكلام القالوا العميد الإتهم المتظاهرين بالحادثة في نشرة أخبار تسعة، ولازم ناخد في اعتبارنا الطريقة الجديدة الإتعاملت بيها الأجهزة الأمنية مع المليونية
لأول مرة ما قطعوا الإنترنت والإتصال
لأول مرة مافي حاويات
لأول مرة الموكب اخترق الطوق الأمني بتاع شارع القصر بدون مقاومة تذكر من العسكر
لأول مرة مافي حاويات
لأول مرة الموكب اخترق الطوق الأمني بتاع شارع القصر بدون مقاومة تذكر من العسكر
الموكب اتحرك من باشدار الساعة ١ بالضبط، وصل حديقة القرشي ومنها اتحرك باتجاه شارع القصر، الساعة ٢ وشوية تقريباً الأجهزة الأمنية انسحبت من جنب المريديان، وانا في لحظتها كتبت في فيسبوك (في شي ما طبيعي والله)
بعد انسحاب الشرطة شفت فيديو لمدرعة بترش في المتظاهرين موية وكتلت ملف بي شارع عرضي، وحسب افادات الثوار انها ما رجعت تاني، عدد المتظاهرين الاتعدوا حاجز المريديان كان شوية (ديل غاضبون وملوك الإشتباك)، باقي الموكب كان وراهم
فجأة ظهرت كمية من التاتشرات وطاردوا مقدمة الموكب (بالزخيرة الحية والدوشكات) واجبرهم يتراجعوا لحدي شروني، (مفترض شروني تكون خالية من المظاهر العسكرية بعد ما الموكب وصل المريديان) شروني كان منتظرهم فيها قوة ضخمة!
الثوار بقوا محاصرين من ورا وقدام، حسب افادات الثوار دوروا فيهم زخيرة حية بالدوشكات، (الكلام دا في أقل تقدير بعد الساعة ٢ ونص)، وتقريباً دا الوقت النزل فيهو نعي الشرطة
نرجع شوية لإفادة العميد في نشرة الأخبار
نرجع شوية لإفادة العميد في نشرة الأخبار
قال: (الشرطة اتعاملت مع المتظاهرين بالبمبان، فجأة البمبان كِمِل، والشرطة بقت قاعدة في السهلة وما عندها سلاح تاني تردع بيهو المتظاهرين، في اللحظة دي المتظاهرين هجموا على القوة وطعنوا العميد عدة طعنات كانت سبب في موتو، وقتلوا رقيب برضو) بين القوسين دا معنى كلام العميد
واضح جداً انو العميد في نشرة ٩ حاول يسرع زمن الأحداث عشان تتوافق مع التوقيت التم فيهو النعي في صفحة الشرطة
الخلاصة:
التوقيت النزل فيهو الخبر في موقع (الأحداث نيوز) ١:٤٦، الوقت داك لسة الثوار ما كسروا الطوق الأمني بتاع المريديان
#مليونية13يناير
التوقيت النزل فيهو الخبر في موقع (الأحداث نيوز) ١:٤٦، الوقت داك لسة الثوار ما كسروا الطوق الأمني بتاع المريديان
#مليونية13يناير
جاري تحميل الاقتراحات...