كان زمان متذكر حضرت فلم اسمو social dilemma , بيحكي عن الشركات الضخمه زي تويتر ، فيس بوك ، Gmail, بالتحديد كده بيحكي عن حاجه اسمها التصميم الاخلاقي اللي فيهو ان المصمم بيحاول قدر الامكان ان يبتكر حاجه تخلي المستخدم يستعمل التطبيق ل اقصي زمن ممكن بدون ما يحس انو اكتفي يعني ب طريقه
ادمانيه شديد ،يتصفح ف التطبيقات بدون هدف او يفتش علي تفاعل بشراهه التصميمات اللي حاليا ف التطبيقات فعلا بتدرس سلوك الانسان وبتعرف الحاجات اللي بتشدك زي شكل الازرار و اللوقو ، و بيتكلم كمان عن حاجه اسمها الخوارزميات اللي بتدرس ميولك ل نوع المحتوي و يوفرها ليك ب صوره غير محدوده
يعني مثلا انت بتحب الكوره ح يوفر ليك ملايين المواضيع عنها و ملايين الناس وبيقترح ليك ملايين برضو الناس اللي ميولها نفس ميولك ، او انت لو صاحب فكر معين ح يجيب ليك كميه ناس مؤمنه ب افكارك ل درجة تحس ان اغلب العالم زيك
الهدف منها انك تقعد بالساعات ف النت ويكسبو من ورا استخدامك ل النت عن طريق الاعلانات زي مثلا ف اليتيوب او الالعاب م ح تقدر تفتح الفديو او اللعبه الفلانيه الا تشوف الاعلان اللي مدتو ٣٠ ثانيه او ٢٠
ف النهايه ح تكتشف انك عايش حياه مزيفه شديد و صارف من عمرك ومضيع لحظات حلوه يفترض تعيشها و بسبب النت و الميديا انت مضيعها،سلوكك مدروس ف النت ، و بتنجمع عنك معلومات بطريقه مباشره وغير مباشره
حتي كان متذكر جا سؤال صعب شدديد جوه الفلم ل درجة وقفته الفلم وساعه قاعد افكر فيهو
ان المغزي شنو من ان الشركات دي تجمع الكم الهائل ده من البيانات عن مستخدميها الفايده شنو بالضبط !!؟
ان المغزي شنو من ان الشركات دي تجمع الكم الهائل ده من البيانات عن مستخدميها الفايده شنو بالضبط !!؟
ده غير ان الميديا ليها تاثير كبير ف الراي العام و ممكن تحور الرائي العام بصوره غريبه ٨٠٪ او اكثر معلومات مزيفه او بتخدم اجندات معينه
ف مثل بيقول " عندما لا تجد ثمن ل سلعه فأعلم انك السلعه " الحاجه دي مرعبه شدديد
انصحكم شديد تتابعو الفلم ده حتي لو ما غير فيكم شي ع الاقل الواحد بيكون مستوعب الحاجات اللي حاصل حوليهو ف العالم الرقمي
جاري تحميل الاقتراحات...