عبود زمان لما حفت ليهو انو يشغّل السودان كلو بسوفت وير واحد؛ جاء قرار انو شرط دخول المدرسة يكون اسم الطالب بالعربي حتى في المناطق التي لا تتحدث العربية، تقول كوكو كومي انديو توتو ماف ليك مدرسة. ولو مشيت تسجل بدون ما يكون عندك اسم عربي مسبقا؛ بلقطو ليك اي اسم من طرف "جمعة (1/8)
او خميس او الله جابو" ، او مرات يدوك اقرب اسم عربي لنطق اسمك باللغة بتاعتك المحلية فجاءت اسماء عطية بدل "تية " ومكي بدل "ككي" وهكذا. ومن داك اهالينا في الكواليب بيقولوا للاسم التاني اللي هو اسم الشهادة او اسم المدرسة "ييرينج يذي نقذقا" يعني الاسم العربي، فلو قالو ليك (2/8)
اسمك منو قلت اسمي كومي بيسالوك تاني واسمك العربي منو؟ وطبعا الحاجة دي ما حتتغير حتى ولو كان اسمك جيمس او كرنيليوس. دا لأن العادة -وجود اسم تاني اجبارا- مربوطة بتعريب عبود فبقي في ذهنهم انو مسوق وجود الاسم الثاني مربوط بالعرب او هو عادة عربية. المهم دي ما القصة، ناسنا في (3/8)
الكواليب كأغلب اهل الجبال عندهم تسمية تراتبية "كوكو كودي كالو كومي ..الخ" للاولاد و "امّا كنّي كُجّي .. الخ" للبنات. الاسم بتاخدو حسب ترتيبك في الاسرة وبعداك بتكون في اسماء تانية هي بالاحرى القاب مربوطة او بأسمك التراتبي مثلا كوكو بلقبوه ككوة او كوكندي وكودي كوديا (4/8)
والبنات امبجا تلقب بكبّاي وكجّي بكجيللي .. الخ، ومرات بحسب صفاتك او حاجة انت مشهور بيها. اها قصة الاسم الجديد "بتاع العرب دا" لخبط ليهم السوفت وير حقهم، فهم ما كانوا عارفين معاني الاسماء العربية البسموها ليهم ولا مدلولاتها ولا كانوا اصلا عندهم مخزون من اسماء اللغة (5/8)
العربية عشان يسمو بيها اولادها، فقامت حصلت حاجة غريبة هي انو اول ناس مشو مدارس واتسمو بقت اسماءهم هي مصدر التسمية للابناء التاليين الراغبين في دخول المدارس، وطبعا لانو السوفت وير بتاع التسمية التراتبية لسع قاعد فبقت حتى الاسماء العربية مرتبة، فاول كوكو مشى المدرسة سموهو (6/8)
الأمين فبقى اي كوكو تاني يتسمى الأمين ثم عمر لكودي ثم ابراهيم لكالو ثم عباس لكومي، المهم في منطقتنا يكاد تكون كل اسماء الناس الاتولدو في الستينات لحد الثمانينات مكررة بي نفس النمط داك الامين ثم عمر ثم ابراهيم غض النظر طبعا عن كونك مسلم ولا مسيحي. اها القصة وين، انو انا (7/8)
اسمي كجو "الخامس في الاولاد" ولو حصل انو سموني بنفس طريقة الاسماء العربية التراتبية كان حيكون اسمي "سعيد" لكني فلتت وبقى اسمي "العربي" هو سانديوس.
سانديوس كودي (8/8)
سانديوس كودي (8/8)
جاري تحميل الاقتراحات...