أكثر صندوق أحبه في سوق الأسهم الأمريكي هو Vanguard Total Stock Market ETF ورمزه $VTI
باختصار حط فلوسك في السوق كله .. وارتاح
ليش ؟! .. 5 أسباب .. حأشرحها تحت 👇
#الاستثمار_للجميع
باختصار حط فلوسك في السوق كله .. وارتاح
ليش ؟! .. 5 أسباب .. حأشرحها تحت 👇
#الاستثمار_للجميع
يا هلا وسهلا .. موضوعنا اليوم خفيف ولطيف .. أبغا أشرح فيه ليش أنا أحب صندوق $VTI .. طبعا مميزات صناديق المؤشرات المتداولة كثيرة .. وشرحتها في أكثر من موضوع .. لكن اليوم حابب أضيف عليها مميزات صندوق $VTI تحديدا
1️⃣ يتبع مؤشر CRSP US Total Market .. واللي يحتوي على أكثر من 4000 شركة بأحجام مختلفة .. كبيرة ومتوسطة وصغيرة .. يعني ما يفوتك شي في سوق الأسهم الأمريكي
2️⃣ رسومه الإدارية منخفضة جدا .. 0.03% في السنة (يعني 3 لكل 10 آلاف ريال) .. يعتبر أقل رسوم صناديق etf في العالم .. مثل رسوم صندوق $IVV و $VOO واللي تتبع المؤشر S&P 500
3️⃣ أشمل من صناديق المؤشر S&P 500 .. يعني الشركات اللي موجودة في المؤشر S&P 500 كلها موجودة في هذا الصندوق .. وتمثل 80% منه لأنه مؤشر وزني .. وعشان كدا الأداء قريب (العائد السنوي 16% آخر 10 سنوات)
مثال : شركة أبل .. موجودة في صندوق $VTI و صندوق $VOO (اللي يتبع مؤشر S&P500) لأنها شركة موجودة في السوق الأمريكي .. لكن الصندوق الأول يعطيها 5.52% من حجمه والثاني 6.64%
4️⃣ متنوع القطاعات بطبيعة الحال .. لأنه يستثمر في كامل السوق .. ويناسب الاستثمار طويل المدة
5️⃣ ثالث أكبر صندوق في العالم من حيث حجم الأصول .. وتديره شركة فانجارد رائدة صناديق المؤشرات منخفضة التكلفة
ولا تنسوا ميزة الاستثمار الساكن اللي موجودة في صناديق المؤشرات .. بمعنى أن الصندوق يتبع المؤشر .. ويعطي كل شركة حجمها .. ما تحتاج إنك تتأكد وتتابع وضع كل شركة فيه .. إذا في شركة حجمها انخفض .. الصندوق حيقلل استثمارك فيها والعكس بشكل تلقائي
أكيد الصندوق لا يعتبر توصية استثمارية .. وفيه مخاطر سوق الأسهم الطبيعية .. لكن الفكرة إنك تجمع بين أفضل عوائد مع أقل مخاطرة في السوق وبأقل مجهود .. وهذا الشي اللي تحققه لك صناديق المؤشرات .. موفقين 🙏
جاري تحميل الاقتراحات...