بما انه كل دقيقة خلال السكتة الدماغية بتموت فيها جزء من الخلايا وعشان هيك كل ما كان العلاج بدواء حلّ الخثرة اسرع كل ما كانت النتائج احسن واحتمالية انه يطلع المريض باقل خسائر وممكن بدون اعراض اكبر عم بعملوا اكثر من دراسات من سنوات عشان يدرسوا كيف نقلل فترة door to needle time.
شو هي ال door to needle time وهي الوقت من لما دخل المريض المستشفى لحد ما بلشت بدواء حل الخثرة واللي مثالي يكون اقل من نصف ساعة واذا كان اكثر من ٤٥ دقيقة بدك تبرر ليش ببعض المستشفيات،
وخلال هذا الوقت بدك تكون عامل السيرة المرضية والفحص السريري والصورة الطبقية ومستثني وجود نزيف او انه السكتة الدماغية مبينة عالصورة الطبقية ومتأكد انه مافي اشي يمكن يمنع انك تعطي الدواء (نزف هضمي مثلا، بعض الادوية، ضربة قوية عالرأس) وانه الاعراض ما صرلها اكثر من ٤ ساعات ونصف
من الشغلات اللي عملوها مثلا اشي اسمه one-stop management وهو اللي تقريبا عدد كبير من مستشفيات المانيا ماشيين فيه، ويعني انه الاسعاف اللي جايب المريض بس يشك انه المريض اللي معه معه سكتة دماغية باول ٤ ساعات ونصف من الاعراض بخبر المستشفى قبل ما يوصل،
بروح الطوارئ بدوره بكبس على كبسة انذار لطبيب الاعصاب وطبيب الاشعة وطبيب الاعصاب بستقبل المريض من الاسعاف وبياخذ سيرة مرضية سريعة وبفحص المريض على طاولة التصوير الطبقي وبعدين بياخذ تقييم سريع من طبيب الاشعة وبعطي الدواء مباشرة "والافضل على طاولة التصوير الطبقي"
طوروا شوي الموضوع وحكوا انه المريض اللي اعراضه كبيرة جدا في احتمال كبير يكون عنده شريان دماغي مسكر ويحتاج قسطرة دماغية عشان يفتحوا الشريان فصارت بعض المراكز بتطلب فحص المرضى اللي اعراضهم كبيرة حسب score معين مباشرة على طاولة القسطرة الدماغية واللي بكون فيها جهاز تصوير طبقي
وفي حال كان الشريان مسكر فيتم هناك اعطاء الدواء وعمل القسطرة واختصار وقت النقل داخل المستشفى
راحت المانيا حميت شوي وحكت لا في طريقة احسن وهي انه نعمل وحدة جلطات دماغية على شكل سيارة ونزودها بتصوير طبقي وهي اللي تروح تجيب المريض مع طبيب الاعصاب والفكرة مش مطبقة كثير بس فعالة بحيث انه الدواء بنعطى قبل الوصول للمستشفى بعد استثناء النزيف الدماغي عن طريق الجهاز الطبقي الجوال
راحوا اكتشفوا كمان طريقة بس هاي الطريقة بتلعب على نفسية الطبيب وهي انه كل مريض بجي وبكون candidate لهذا الدواء بعطوا طبيب الاعصاب اللي بعالجوا اول ما يوصل ساعة بتحسب الوقت ولاحظوا انه فعلا قللت الdoor to needle time اكمن دقيقة وزادت عدد الخلايا اللي تم انقاذها بأقل من ١٠ دولار.
ال score اللي بنستخدمه لكل مريض وبناء عليه بنتنبأ اذا في شريان مسكر ولا لا واللي كل طبيب اعصاب لازم يكون حافظه.
طبعا الalarm اللي بكبسوه الطوارئ اللي حكيت عنه فوق اكثر اشي مرعب ممكن تصحى عليه بالليل بالمناوبة 😜
جاري تحميل الاقتراحات...