1\12
مروان حبيب مش حالة فردية
كيف منصير ذكوريين؟
مبارحة كان في حدا عم يحكي عن مروان حبيب وعن كبته الجنسي وكيف إنه ممكن يكون مريض. بس مروان مش مريض ولا شي. تفاصيل جرايمه بتفرجي إنه صياد ذكي وحريص ومخطط بارع بيعرف كيف يستفرد بالضحايا. شو السر فإذاً؟
مروان حبيب مش حالة فردية
كيف منصير ذكوريين؟
مبارحة كان في حدا عم يحكي عن مروان حبيب وعن كبته الجنسي وكيف إنه ممكن يكون مريض. بس مروان مش مريض ولا شي. تفاصيل جرايمه بتفرجي إنه صياد ذكي وحريص ومخطط بارع بيعرف كيف يستفرد بالضحايا. شو السر فإذاً؟
2\12
الذكورية هي عبارة عن منظومة ثقافية تسلطية، منشربا من نحنا وزغار. منتعلما من إماياتنا لما يغنولنا عن ا لهبورة وكيف كل بنات الحي ميتين عليا، و من أهلنا بس يعلمونا إنه عيب تضرب بنت لأنها ضعيفة، وكبر عقلك ما تحط عقلك بعقل بنت لأنها بنص عقل.
الذكورية هي عبارة عن منظومة ثقافية تسلطية، منشربا من نحنا وزغار. منتعلما من إماياتنا لما يغنولنا عن ا لهبورة وكيف كل بنات الحي ميتين عليا، و من أهلنا بس يعلمونا إنه عيب تضرب بنت لأنها ضعيفة، وكبر عقلك ما تحط عقلك بعقل بنت لأنها بنص عقل.
3\12
وبالمدرسة وبالجوامع والكنايس وعلى الطريق وبهالهوا يللي منتنفسه، الذكورية هي ألف باء الحياة اليومية من نحنا وزغار. وبس نصير شباب، كل حديثنا هو: كيف منتصيّد بنات ونسوان؟ مع كم وحدة نمت؟ شو هي السلوكيات الجنسية المذلة يللي مارستا؟ كم وحدة صورت بالزلط؟
وبالمدرسة وبالجوامع والكنايس وعلى الطريق وبهالهوا يللي منتنفسه، الذكورية هي ألف باء الحياة اليومية من نحنا وزغار. وبس نصير شباب، كل حديثنا هو: كيف منتصيّد بنات ونسوان؟ مع كم وحدة نمت؟ شو هي السلوكيات الجنسية المذلة يللي مارستا؟ كم وحدة صورت بالزلط؟
4\12
هودي مش خرافات. هودي ببلشوا من أدواة السيطرة الإجتماعية من خلال تعريف الأنوثة حسب رغبة ومقاييس الرجل (الشكل، النعومة، الصوت، اللبس، البوتوكس، الحواجب إلخ) وبيخلصوا بالتنمر على الخروف يللي ما بيسترجي بيضهر على صاحبته أو مرته، أو الطرطور يللي بيسمع الكلمة.
هودي مش خرافات. هودي ببلشوا من أدواة السيطرة الإجتماعية من خلال تعريف الأنوثة حسب رغبة ومقاييس الرجل (الشكل، النعومة، الصوت، اللبس، البوتوكس، الحواجب إلخ) وبيخلصوا بالتنمر على الخروف يللي ما بيسترجي بيضهر على صاحبته أو مرته، أو الطرطور يللي بيسمع الكلمة.
5\12
هودي بكفّو معنا بعمر المراهقة ولآخر إيامنا. هني لغتنا، تسلايتنا، هوايتنا، وحديثنا و سلوكياتنا ليللي بيبسترجي أو بتصحله فرصة يتمادى من دون عقاب. حتى الشب يللي بجرب يكون شوي أخلاقي ويرفض هالثقافة، منضل وراه ومنلعن سلّافه لحد ما يجلّس ويمشي على الصراط الذكوري المستقيم.
هودي بكفّو معنا بعمر المراهقة ولآخر إيامنا. هني لغتنا، تسلايتنا، هوايتنا، وحديثنا و سلوكياتنا ليللي بيبسترجي أو بتصحله فرصة يتمادى من دون عقاب. حتى الشب يللي بجرب يكون شوي أخلاقي ويرفض هالثقافة، منضل وراه ومنلعن سلّافه لحد ما يجلّس ويمشي على الصراط الذكوري المستقيم.
6\12
ونحنا عارفين من نحنا وزغار، إذا حبّينا نتحرش جنسياً، البنت ما رح تسترجي تحكي لأن المجتمع وأهلا رح يحرقوا دينا ويحطوا الحق عليها مع إنها ضحية لأن المجتمع السلطوي المتسلّط أساس بنيانه هو وضع اللوم والحق على الضحية مش على الجلاد. والأهم، لأنه الجلاد بيشبهنا. الجلاد نحنا.
ونحنا عارفين من نحنا وزغار، إذا حبّينا نتحرش جنسياً، البنت ما رح تسترجي تحكي لأن المجتمع وأهلا رح يحرقوا دينا ويحطوا الحق عليها مع إنها ضحية لأن المجتمع السلطوي المتسلّط أساس بنيانه هو وضع اللوم والحق على الضحية مش على الجلاد. والأهم، لأنه الجلاد بيشبهنا. الجلاد نحنا.
7\12
وكمان نحنا عارفين إذا بنت جربت تروح على المخفر، الدرك رح يجربوا ياخدوا رقما ويبلشوا يتحرشوا فيها (صارت مع أكثر من بنت)، أو إنها رح تقضي يوم طويل كله ذل وإذلال وبهدلة بالمخفر، يعني أشرفلا هي وأهلا إنها تسكت ولا تروح تقدّم شكوى، لأن كمان يمكن بالتحقيق تطلع هي الغلطانة.
وكمان نحنا عارفين إذا بنت جربت تروح على المخفر، الدرك رح يجربوا ياخدوا رقما ويبلشوا يتحرشوا فيها (صارت مع أكثر من بنت)، أو إنها رح تقضي يوم طويل كله ذل وإذلال وبهدلة بالمخفر، يعني أشرفلا هي وأهلا إنها تسكت ولا تروح تقدّم شكوى، لأن كمان يمكن بالتحقيق تطلع هي الغلطانة.
8\12
أقوى سلاح عنا: شو كنتي لابسة؟ شو حكيتي؟ كيف كنتي ماشية؟ شو كنتي عم تعملي هونيك؟ ليش كنتي وحدك؟ شو مضهرك برات البيت (والمطبخ)؟ خرجك بتستاهلي. هودي هني عدة الشغل وكلنا حافظينن من نحنا وزغار من أزغر صعلوك لأكبر ضابط لتحتى نتنصّل من المسؤولية ونكب اللوم والحق على البنت.
أقوى سلاح عنا: شو كنتي لابسة؟ شو حكيتي؟ كيف كنتي ماشية؟ شو كنتي عم تعملي هونيك؟ ليش كنتي وحدك؟ شو مضهرك برات البيت (والمطبخ)؟ خرجك بتستاهلي. هودي هني عدة الشغل وكلنا حافظينن من نحنا وزغار من أزغر صعلوك لأكبر ضابط لتحتى نتنصّل من المسؤولية ونكب اللوم والحق على البنت.
9\12
بالحقيقة، مروان حبيب مش وحش إستثنائي. مروان حبيب هو نسخة متطورة عن الذكر فينا. الفارق الوحيد إنه مروان كان عنده الجرأة يتمادى ( حسب تفكيرنا الذكوري مجرد تمادي)، وزادت جرأته لأن كل مرة كان يرتكب جرايمه، ما كان يتحاسب. مروان تحاسب لأنه نكمش، بس يللي عمله هو حلم كتار يعملوه.
بالحقيقة، مروان حبيب مش وحش إستثنائي. مروان حبيب هو نسخة متطورة عن الذكر فينا. الفارق الوحيد إنه مروان كان عنده الجرأة يتمادى ( حسب تفكيرنا الذكوري مجرد تمادي)، وزادت جرأته لأن كل مرة كان يرتكب جرايمه، ما كان يتحاسب. مروان تحاسب لأنه نكمش، بس يللي عمله هو حلم كتار يعملوه.
10\12
بمنظار المنظومة الذكورية، مروان غلّط لأنه زادا حبتين ولأنه نكمش. ومن هيك صار هالدفاع المستميت عنه من الأهل والأصحاب والطايفة والإعلام والرجال من كل الطوايف وطبعاً من أحد الأحزاب والقضاء اللبناني يللي طلعوه متل الشعرة من العجين.
بمنظار المنظومة الذكورية، مروان غلّط لأنه زادا حبتين ولأنه نكمش. ومن هيك صار هالدفاع المستميت عنه من الأهل والأصحاب والطايفة والإعلام والرجال من كل الطوايف وطبعاً من أحد الأحزاب والقضاء اللبناني يللي طلعوه متل الشعرة من العجين.
11\12
ومن هيك، تصديق الضحايا مش فعل هبل ولا تعاطف. هو أكبر خطر على المنظومة الذكورية. باللحظة يللي منبلّش نعترف إنن ضحايا، منغيّر كل قواعد اللعبة لأن بهاللحظة بيتحوّل عبء اللوم من الضحية للجلاد، وبيتعرّى الجلاد وببيّن على حقيقته وبتنفضح الحقيقة الأخلاقية للمنظومة كلا.
ومن هيك، تصديق الضحايا مش فعل هبل ولا تعاطف. هو أكبر خطر على المنظومة الذكورية. باللحظة يللي منبلّش نعترف إنن ضحايا، منغيّر كل قواعد اللعبة لأن بهاللحظة بيتحوّل عبء اللوم من الضحية للجلاد، وبيتعرّى الجلاد وببيّن على حقيقته وبتنفضح الحقيقة الأخلاقية للمنظومة كلا.
12\12
ختاماً، التحرّش الجنسي والإغتصاب ما خصّن بالفعل الجنسي. الموضوع موضوع فرض سيطرة وسلطة وتسلّط، الهدف منه مش إرضاء الغريزة الجنسية بقدر ما هو إرضاء الرغبة بالقوة والسيطرة عن طريق إستهداف وتصيّد وإذلال الطريدة (نعم، طريدة). القضية فكرية مش جسدية، وجماعية مش فردية.
ختاماً، التحرّش الجنسي والإغتصاب ما خصّن بالفعل الجنسي. الموضوع موضوع فرض سيطرة وسلطة وتسلّط، الهدف منه مش إرضاء الغريزة الجنسية بقدر ما هو إرضاء الرغبة بالقوة والسيطرة عن طريق إستهداف وتصيّد وإذلال الطريدة (نعم، طريدة). القضية فكرية مش جسدية، وجماعية مش فردية.
جاري تحميل الاقتراحات...