أنمي psycho pass أنمي ممتاز بيناقش سؤال غاية في الذكاء: ما هو الخيار الأخلاقي الصحيح الذي يجب أن نتبعه في وسط نظام يتسم بجوانب مختلفة من الظلم والشر. وفكرة أنه المسألة مسألة الخيار الأخلاقي وليس سؤال: ما هو النظام السياسي الصحيح بتعكس حقيقة أنه في صراعين مختلفين جوة الأنمي،
واحد فيهم هو أنه لو عندنا نظام كامل مهيمن ذو مقدرات تحليلية وحسابية لانهائية بيقدر يختار لكل فرد أفضل مسار ليو في الحياة، وبيقدر يحدد الأشخاص المعرضين لأنهم يبقوا مجرمين -عبر مؤشر اسمه معادل الجريمة، بيتم حسابه عبر مؤشرات حيوية متعددة- ويبدأ يعالجهم مباشرة -أو يعزلهم عن المجتمع-.
لو عندنا نظام زي ده، هل بيكون النظام السياسي الأكثر مثالية، حتى لو هو ما بيضع الاعتبار الأكبر لأنه البشر يجربوا براهم ويوصلوا لي نتائجهم، وإنما بيجد ليهم أفضل خيارات متوافقة مع مقدراتهم؟ ولو لا، يبقا البديل لنظام زي ده هو شنو؟
السؤال التاني هو في ظل نظام زي ده أنت ممكن تصنفه ككل غير أخلاقي، أو تصنف بعض سلوكياته باعتبارها ما أخلاقية، التصرف الصحيح هو شنو؟ هل المحافظة عليو -لأنه أفضل من حالة اللانظام-، ولا بس تجنب فعل الأفعال غير الأخلاقية مع المحافظة عليه، أو اعتزاله وعيش حياة بحسب تصورك في مكان خاص بيك
كل شخصية في الأنمي بتجسد جواب محدد تجاه السؤال الأخلاقي ده، نظريا الشخصية دي هي البتجسد جوابي على النحو الأمثل.
وبعتقد دي النعمة الوحيدة لكونه الواحد في السودان، اللي هو الدولة ممكن تكون ما عارفة بوجودك أصلًا خليك من أنه تكون آليات الرقابة عارفة كل شي عنك!
وبعتقد دي النعمة الوحيدة لكونه الواحد في السودان، اللي هو الدولة ممكن تكون ما عارفة بوجودك أصلًا خليك من أنه تكون آليات الرقابة عارفة كل شي عنك!
الأنمي ممتلئ بالإحالات لي فلاسفة الغرب من أفلاطون وديكارت وكيكغارد ونيتشة وباسكال وميشيل فوكو وجيرمي بنثام وغيرهم، فالريحة الفلسفية للعمل قوية.
جاري تحميل الاقتراحات...