رتبها

اهلا رح اكب لكم عفشي في هذا الثريد تفاصيل حياتي كيف تعلمت التصميم بدون دورات و وش اسهل طريقة تجيب لك عملاء و وش المصاعب اللي مرت علي من سادس ابتدائي الى ثاني سنة جامعة 🧍🏻‍♂️...

الثريد رح يكون طويل شوي لأني حرفيا رح اكب كل شي دراستي مشاكلي اسرار التصميم كل شي حرفياً ⚠️ 🦥
بس اذا تبي تروح على طول لأسرار التصميم روح للتغريدة رقم 17 🤝🏻✨⛔⛔⛔

طيب اول شي كنت بصف سادس ابتدائي وكنت احب الرسم وترتيب الاشياء بشكل مو طبيعي واللي حولي مستغربين انه ترتيبي دايم حلو وكذا فجا استاذ النشاط "مبارك" قال تعال ابيك ترتب لنا تصميم مجلة للمدرسة طبعا ايامها كان اسمه تضبيط او ترتيب ماكانو يقولون تصميم 🧍🏻‍♂️ المهم كنت متحمس وسويتهاا🤝🏻

انطبعت 500 نسخة توزعت بكل المدرسة فرحت كثير وانبسطت وصممتها ببرنامج الببلشر المهم تخيلو كان عمري 12 وانا اصلا ابكي على كل شي كذا خلقة المهم طلعت الفسحة على اساس اشوف رأي اصحابي وفجأة !!! اشوف المجلات متقطعة ومرمية بالارض وعند الدرج انقهرت مرة وهذا الشي حسسني انه شغلي سيئ !

دخلت اول متوسط وقررت اعيد المحاولة مرة ثانية بس ذي المرة قررت احط الوان وفقرات جديدة قلت يمكن تعجبهم وهنا الصدمة 🧍🏻‍♂️جتني كمية انتقاد مرعبة من كل مكان على التدقيق الإملائي واختيار الالوان والطباعة هذا الانتقاد غير التنمر اللي جاني وحسيت بغصة لأني كنت متوقع كلام حلو بس ماصار ..

بعدها سحبت على التصميم وقلت شكله مايصلح لي المهم مرت السنين الين وصلت ثالث متوسط دخلت الفصل عادي وفجأة دخل استاذ اول مرة نشوفه وقال انا استاذ النشاط الجديد وابي تقولون لي مين يحب النشاطات والفعاليات(طبعا انا ناشب بكل الفعاليات بالمدرسة لدرجة اطلع بالاذاعة احيانا بفقرتين) 😭 ....

المهم قالي الاستاذ ضروري تكون معنا شكلك تحب الفعاليات قلت له امو،ت فيها بعد قال تم اختار معي 6 طلاب عشوائيين وكل واحد منهم خبير في شي وموكل بمهمة انا طبعا مهمتي المسرحيات والفعاليات وكان في واحد ممنتج بالاب توب بس 💀 يدي كانت تحكني ابي اجرب المونتاج بأي شكل من الأشكال

المهم مرت الايام وفجأة الولد اللي كان مهمته المونتاج بدأ يطفش وزي كذا فقال الاستاذ رح نسوي مسابقة مونتاج طبعااا المونتاج اهم فقرة في الفعاليات كلها... وقال المسابقة ذي عليها هدية قيمة والمفاجئة المسابقة بيننا الستة بس !! اتحمستتتتتتتت وطلب مننا نسوي فيديو وانا ماعندي لاب توب!

رجعت على طول البيت وقلت بنفسي اقدر افوز ؟ وانا مامعي لاب توب !!! بس قررت اؤمن بأنه الابداع ماله دخل بالاداة لأنه الاداة مجرد وسيلة بسسس والابداع ماله حدود وقلت رح ابهرهم بأي شكل كان حملت تطبيق المونتاج و بديت المونتاج وصممته من قلبببببب وجا يوم التسليم .... 🙇🏻‍♂️

دخل الاستاذ وقال مدري وش اقول بس ابدعتو انا هنا كنت خايف انه افشل ويطلع كلام اللي حولي صدق انه مستحيل اقدر انافسهم وفجأة فزت !!!😭😭😭😭 وقال الاستاذ انتقلت لك مهمة المونتاج طبعا ماقدر اقولكم كمية سعادتي بذاك اليوم طبعاً مافي نجاح بدون تنمر جوني طلاب يتنمرون انه شغلي خايس وتسليك

وكانو يقولون لي الجوال جودته خايسة ومستحيل توصل لمستوى اللاب توبات وكلها فترة والاستاذ بيغيرك طبعا هنا من قوة الضغط حسيت نفسي خلاص تعبت من كلامهم وكنت افكر اوقف بس لولا الله ثم استاذ النشاط ماكنت رح اواصل .. جا يوم الحفل الختامي وعرضو مونتاجي على البروجكتر ..

طبعا في نهاية صف ثالث متوسط حصلت لي مشاكل خلتني ادخل بنوبة بكاء كل ليلة تقريبا لدرجة انه للحين مسجل المشاكل هذي بنوتة الجوال بس احس مافي داعي اكتبها وطبعا ذي المشاكل جتني بكج مرة وحدة بس حاولت اتعايش معها🦥 طبعاً ذي المشاكل محد درا عنها بالحياة كلها غيري انا و الرحمن بسسس 🤍

كنت كل يوم اشكي لله عن ذي المشاكل وكان ربي يجبرني يجبرني يسعدني يفرحني لدرجة انه الله لما كان يسعدني ويعوضني بأشياء ماتوقعتها من الفرحة !!!!
انسى نفسي وادعي لله بالسعادة ! متخيلين انه لساني يزل وادعي اقول يارب اسعد الله داري غلط بس يعني من قوة الفرحة انسى😭🤍🤍

مرت الايام دخلت الثانوية وكانت مرحلة اول ثانوي كابوس بالنسبة لي لأنه كان فيها كمية تنمر مخيفة وش السبب طيب ؟! مدري وكانو طلاب الفصل شغالين تنمر علي ٢٤ ساعة يوميا وانا مااحب المضاربات لدرجة كرهت المدرسة كنت اقول اتصبر لين السنة تخلص بعدين يصير خير...

طبعا في مرحلة الثانوية سويت فعاليات كثييييير وغثيت المدرسة كلها سويت برنامج مواهب وشاركت بمسابقة افضل مشروع تجاري بالمدرسة ..المدرسة حطت الفصول زي المحلات واحنا نبيع فيها فزت بالمركز الأول كأفضل مشروع ( مطعم ) 🤍 صورت ٣ افلام واخرجتها ومنتجتها

وهنا اول انطلاقة لحسابي 🧍🏻‍♂️ في ثاني ثانوي طلب استاذ الحاسب مننا نفتح حسابات تويتر كواجب عملي فتحت الحساب واول حساب طلع بوجهي حساب استاذة براءة @Baraah_Queen انبهرت قلت اتاري التصميم تخصص !!!؟ واشوف حسابات المصممين حرفيا حسيت نفسي مفصول عن الحياة والتطور اللي قاعد يصير 🤡

قررت اضبط حسابي بتويتر لأول مرة 👾
طبعا انا حطيت ٤ سنين على اساس انه من ثالث متوسط الى ثاني ثانوي اعتبر نفسي مصمم خبير🙇🏻‍♂️

قعدت اتابع المصممين وانبهر من الشعارات والموكاب كنت احسبه حقيقة وكنت اقول معقول بروح اطبع الشعارات و الملفات عشان الناس يشوفونها بس !!! ....
بعدين اكتشفت انها خدمة رقمية متوفرة بأي جهاز لاب توب وطبعا ماعندي جهاز لاب توب بس حاولت اسوي موكاب بالجوال ..

بدأت رحلتي الثانية كيف اتعلم التصميم كيف اجمع متابعين كيف اجيب عملاء كيف انشهر !!!!! وانا ماعندي لاب توب !
هنا رح اقولكم اسرار كل شي صار بالتفصيل🤝🏻✨
......

اول سؤال كيف اتعلم التصميم !!! بدون ماادخل دورات قررت اسوي عملية "سحب المهارات"🙇🏻‍♂️
وش ذي العملية !
اي تصميم يعجبني اسوي زيه بإختصار طبعاً تصاميم استاذة براءة حللتها وكذا مصمم ثاني ومانشرت التقليد 🦥 وفجأة بديت الاحظ قدرات المصممين اللي اقلد اعمالهم تترسب عندي بشكل تلقائي

كملت بالتقليد بدون نشر وبديت اتعلم التصميم بالجوال بدون ما احس وتطلع نفس نتيجة اللاب توب وصرت انشر اعمالي ويجيني متابعين !
استمريت بذي الطريقة واي مصمم بالحياة عاجبني شغله اقلده بعدين اغير بأسلوبي واشوف اني قدرت اسحب مهاراته لعندي بسهولة وللحين اطبقها ترا🏃🏻‍♂️

بداية صح الموضوع شوي صعب بس ممتع صدقوني جربوها 🤍🤍🤍🤍🤍🤍🤍🤍🤍
طيب كذا تعلمت التصميم بدون دورات طيب كيف اجيب عملاء بسهولة ؟!
سويت معادلة التسويق التلقائي 🧍🏻‍♂️بدون ما اتعب نفسي
طيب وش ذي المعادلة !؟
صمم لشخص مشهور
⬇️
رح ينشر التصميم
⬇️
رح يسألونه من صممه ؟
⬇️
يعطيهم حسابك

هذا احد تصاميمي بالجوال صممتها للأستاذ أُبي وعجبه الشعار كثير الحمدلله وانبسطتتتت لأنه عطاني هذي الفرصة 😢🤍🤍🤍🤍

زادو عدد متابعيني بيوم واحد تقريبا ٢٠٠ متابع 🦥
جوني عملاء كثير لدرجة ماقدرت استقبل طلباتهم ابداً وصرفتهم والصدق كان هدفي متابعين بس !
وبالصدفة اكتشفت انه الحركة ذي تنفع للعملاء بعد وجوني مشاهير طلبو تصاميم مني وسويت نفس الحركة و وصلت ل٩٠٠ متابع وانا ماعندي لاب توب واصمم بالجوال

كان عمري ١٦ او ١٥ تقريبا ذيك الايام بديت اجمع مصروفي ريال فوق ريال عشان اشتري لاب توب🧍🏻‍♂️
طبعاً ياجماعة كل أسباب الحياة بالوصول للرزق تختفي امام الاستغفار🤍
ورب الكعبة الاستغفار شيييي رهيب رهيب رهيب يجيب الرزق بدون تعبب
بكمل الثريد بجزء ثاني لأنه تويتر حدهم ٢٥ تغريدة بس🧍🏻‍♂️ ...

تكملة الثريد 🧍🏻‍♂️
بديت اجمع مصروفي ريال فوق ريال لمدة سنة وكنت كل فترة اطلع فلوس واتصدق عشان ربي يضاعف لي الفلوس اللي جمعتها وسبحان الله يوم اتصدق اليوم الثاني تجيني فلوس من مسابقات او اعمامي يعطوني او جدي يعني الفلوس ترجع ومضاعفة 🤍🤍🤍🤍🤍🤍🤍🤍

قعدت تقريبا سنة كاملة جمعت مبلغ بعد عناء بس الحمدلله وشريت الجهاز هنا وثقت اللحظة بفيديو لأنه ماكنت اصدق انه رح يتحقق الحلم هذا ماعليكم من نطق كلمة اغسطس بس طلعت كذا من الفرحة 😭 الحمدلله الحمدلله

وهنا تغريدة وثقت فيها تحقق الحلم بفضل الله🤍🤍🤍🤍🤍🤍🤍

زي ما انا قدرت احقق هدفي انت تقدر بعد 🤍🤍🤍 بس اهم شي حاول واستمر ورح توصللللل وخلي علاقتك بربك قوية وبتشوف الدنيا كلها تبتسم لك حتى لو فيها نكد وحزن

حملت برامج التصميم وبديت اتعلم الواجهات وفهمتها واكثر برنامج حبيته الليستريتور ومااحتجت لدورات لأني سحبت مهارات مصممين كثير فكان الاب توب مجرد اداة تسهل علي التصميم

وهنا تكملة للمرحلة اللي مرت بحسابي بعدها

وشكراً لكم 🤍🤍🤍🤍🤍🤍🤍🤍

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة