طول عمري كنت اسأل نفسي، ليش الأجانب ما يغسلون بماي ؟ لازم اكون مسلم عشان اكون نظيف ؟! احس ماله شغل يعني !
كبر فيني السؤال بعد ما عشت ٤ سنين برع وشفت بعيني، واللي كنت أعتقد انه شي بديهي -ان الواحد يغسل بماي لأنه انظف-، تبين لي مع الوقت ان الموضوع أكبر بوايد من انه يكون بديهيات.

مع مرور السنين، وكثرة الملاحظة، تبين لي ان الموضوع يتعدى استعمال الماي للغسيل .. استعمال الماي للغسيل، الشور، التعطر، الحلاقة، الخ ..
وصلت لقناعة ان الإنسان عمره ما راح يكون سويّ من نفسه، بدون ارشادات توجهه، وقيود تضبطه؛ طول ما الواحد عقله المطلق هو بوصلته، عمره ما راح يكون سويّ

هل لازم أكون مسلم عشان اكون نظيف ؟ نعم .. لازم تكون مسلم
مب عشان تكون نظيف وبس ،،
- عشان بعد تحافظ على صحتك الجسدية والعقلية والنفسية (بديهيات ؟ عيل من يروج لعمليات تغيير الجنس من سن الطفولة -٤ سنين- و بدون موافقة ولي الأمر ؟)

- عشان ما تخلط بين الذكورة والانوثة (بديهيات ؟ الnon-binary gender شوضعه عيل ؟)
- عشان ما تخلط بين الصح والغلط (بديهيات ؟ زنى المحارم شلون يروج له عيل ؟)
اي شي بدون ضوابط وقيود .. يسيييييييييييح
الماي بدون حوض ،، هدر
الأرض بدون حدود ،، مرتع
البلد بدون قانون ،، غابة
.
.
.

و الإنسان بدون الإسلام
{ إن هم إلا كالأنعام بل هم أضل سبيلا}
صدق الله العظيم
"الإسلام" هو ديننا ومنهاج حياتنا الذي من الله علينا به؛ لأن فيه الصلاح لنا مب بس في آخرتنا .. حتى في دنيانا
-محد أخبر في اي صنعة، من الصانع نفسه-