شركات الاتصالات تعرض الخصوصية للخطر بطريقة غير مباشرة
تابع...

مثلاً اشتريت منهم شريحة و استخدمت الشريحة دي في فتح حساب بنكي برقم الموبايل او اضفتها على حساب بنكي لإسترجاع كلمه السر او استخدمتها في فتح حساب على اي موقع تواصل كالواتساب والفيسبوك والتويتر ...الخ

يلا لو افترضنا انك سافرت خارج السودان مثلا او حتى طلعت الشريحة خارج التلفون لفترة بتجي تلقاهم سحبوها ، ومش سحبوها وبس لا بيسحبوها وبملكوها زول تاني كمان!!!
طيب الزول التاني دا بعد كدا يقدر يعمل استرجاع لكل حساباتك بواسطه الشريحه البقت مملوكه ليهو دي ، لانه الحساب البنكي بيعرف

رقم الشريحه م بيعرف المستخدم ومواقع التواصل كذلك بتعرف رقم الشريحة م بتعرف المستخدم ، وبكدا بتكون فقدت خصوصيتك ورصيدك البنكي بدون م تقدر تعمل اي شي

العالم اتطور واصبحت الشريحه دي ركيزة بناء لحاجات رئيسيه في حياتنا زي الحسابات البنكيه والحسابات الشخصيه والسحابات التخزينية ، عشان كدا لازم نطالب شركات الاتصالات انها تخلي الأرقام دي دائمة ومخصصه لاصحابها فقط عشان م تتعرض حياتنا وخصوصيتنا واموالنا للخطر .