تويته قبل ما انام لكل اللي عنده دور برد يا جماعه احب اطمنكم جميعا جميعا دا اوميكرون بياخد كام يوم مقلوب علي ضهرك زي الصرصار مش فاهم فيك ايه بيبدأ صداع ومناخير مقفوله قفله عجيبه وفجأه حنفيه اتفتحت وتقفل آلام في الجسم مش عارف توصفها عاوز تنام حران وبردان وبعدين عطس متفرق
ممكن شويه آلام عظم ركب اخر الضهر الام في الصدر مش عارف تقفشه هو فين بيجي كام دقيقه ويختفي بس منطقه الدماغ بمناخيرك بالقوره تحس فيهم قفشه مع بعض كومبو كدا عجيب عموما الدوا بنادول صبح وبالليل سوايل كتير استسلم للنوم متقاوحش تلت ايام هتبقي فله لو شربت اللي هقولك عليه
المشروب عجيب اخترعته وكل اللي جربه دعالي وقالي انه سحري ملعقه صغيره كركم معلقه جنزبيل معلقه قرفه عصير لمونه كبيره ومعلقه عسل ابيض كبيره وميه مغليه تنزل عليهم وقلب واشرب وافضل قلب عشان ميرقدش واشربه كله قبل ما تنام هتصحي جديد لانج 😂وابقوا ادعولي
جاري تحميل الاقتراحات...