من زمان عن مباهجي الصغيرة اللي تسعدني بتكلم عن مباهج شهر ديسمبر في هالثريد وممكن يستفيد احد منهم ويطبقه وتسعده للشهر هذا
من الأشياء اللي اعتمدتها هالشهر واسعدتني وريحتني كثير هي خلطة الخضار اشتري خضار بكمية ومنوعة او الخضار اللي قربت تخرب في الثلاجة والاسهل منهم علبة خضار منوعة مجهزة ومقطعه توضع بالفرن مع بصل وثوم وبعدين بعد ماتحمر الخضار اطلعها واحمصها على النار مع عصير طماطم وافرزن جزء واحفظ جزء
هالخلطة جدا ممتازة ومفيدة يعني سويتوا ايدام او شوربة اخذ كم ملعقة منها واحطها وتكون كلها فوائد واحيانا اخذ كيس من الخلطه واخلطها بمكرونه وتصير صحيه للصغار خصوصا ومايعرفون مكوناتها وتكون واضحه لهم
الشئ الثاني اللي اسعدني الشهر الماضي حلى المالفية حلاوته موزونه وشكله مرتب واكرره من محل توكو
ايضا من الاشياء اللي اسعدتني هالشهر زراعه البطاطا الحلوه داخل البيت سهله ورائعة ونتائجها مبهره بعد كتباتي للمباهج اشتري بطاطا زيادة عشان ازرع باكثر من زاوية بالبيت كذا بيكون شكلها وتنمو بسرعه وماتحتاج اهتمام وتنفع حتى للمكاتب باذن الله بسوي وحده لمكتبي في الدوام 😍
ايضا من الاشياء اللي انبسط عليها شريت ٣ ملاعق لولدي ب ٢٠ ريال سهله جدا بالمسك له وساعدته يتعلم ياكل من نفسه هنا من اي هيرب sa.iherb.com وكود يخصم FFD698
اخيرا من مباهجي فكره سهله ولكن لها تاثيرها علي بالانجاز ولو بشكل بسيط اني لما اغسل المواعين بالغساله خلال اليوم مادخلها بالدروج اخليها اثناء الطبخ واستخدم الملاعق والصحون اللي بالغساله وانا اطبخ بدال ماطلع جديد وياخذ وقت واللي بالغساله مايحتاج ادخله بالدروج الا لم اخلص طبختي
هذه هي مباهجي لهذا الشهر "ديسمبر" وشكرا لمها انها تذكرني كل مره ماننسى مباهجنا الصغيرة @MahaAlbisher
جاري تحميل الاقتراحات...