***دليلك للدراسة والهجرة لكندا***
الثريد دا لأي حد عايز يسافر يكمل دراسة برا مصر عموما وبالتحديد لو عايز يهاجر كندا بعد الانتهاء من الدراسة. أي معلومة في هذا الثريد هي نتاج تجربتي الشخصية وخبرتي انا وزملائي برا مصر.
الثريد دا لأي حد عايز يسافر يكمل دراسة برا مصر عموما وبالتحديد لو عايز يهاجر كندا بعد الانتهاء من الدراسة. أي معلومة في هذا الثريد هي نتاج تجربتي الشخصية وخبرتي انا وزملائي برا مصر.
١- اولا نبدأ بسم الله بإيه هيا متطلبات السفر للدراسة برا مصر عموما بعد البكالوريوس. لازم تعرف ان الدراسة برا مصر مشوارها طويل والتجهيز ليه بيكون قبل التخرج بفترة لان الموضوع بياخد سنة تقريبا.
حضرتك خلاص في اخر سنة في الجامعة والحمدلله عندك GPA كويس (يفضل يكون 3.5/4 واعلى) امتياز
حضرتك خلاص في اخر سنة في الجامعة والحمدلله عندك GPA كويس (يفضل يكون 3.5/4 واعلى) امتياز
٢- بتبدأ بانك تحدد وجهتك في بلد الدراسة وتعمل excel sheet بتجمع فيها كل الجامعات اللي انت شايفها مناسبة ليك وفيها التخصص اللي انت حابه. المتطلبات دي غالبا بتكون الى حد كبير متشابه بالنسبة للجامعات كلها.
٣- عشان تقدم في الجامعة بتحتاج بيان درجات (transcript) لو انت لسه في اخر سنة ومتخرجتش، 2 reference letters من دكاترة في جامعتك يشهدو فيها انك طالب مجتهد وعندك research enthusiasm.
٤- لازم تكون مجهز statement of purpose ودي ورقة انت بتكتبها عشان تبين للجامعة انت ليه حابب تكمل دراسة وايه هيا نقاط قوتك وفي امثلة كتير على النت ليها.
٥- محتاج ما يثبت اجادتك للغة زي امتحان ielts academuc او toefl وبيكون ال score بتاعك ٦.٥ أو أعلى لو ielts او فوق ال ٩٠ من ١٢٠ لو toefl.
٦- لازم تفهم ان التقديم في الجامعة package يعني مش معنى انك واقع في حاجة ممكن تترفض. الاهم من كل دا عشان تعرف تلاقي منحة بالذات في كندا وامريكا انك لازم تتواصل مع دكتور.
٧- لنفترض انت عايز تكمل ماستر في كندا في جامعة تورنتو قسم هندسة ميكانيكية، بتبتدي تبعت ايميلات للدكاترة في القسم دا ( كل ايميلاتهم موجودة في مواقع الجامعة) وتبدي اهتمامك بانك تكمل بحث معاهم على حسب اهتمامهم.
٨- الموضوع دا محتاج صبر وطولة بال ومثابرة، ابعت مرة واتنين وتلاتة
٨- الموضوع دا محتاج صبر وطولة بال ومثابرة، ابعت مرة واتنين وتلاتة
٩- خلي بالك ان في مواعيد للتقديم، اغلب الجامعات بتفتح التقديم في شهر ١٠ او ١١ وبيفضلو فاتحين لمدة شهرين او ثلاثة. الموضوع بيكلفك ١٠٠ دولار لكل application وفي جامعات التقديم فيها ببلاش.
١٠- بالنسبة لشهادة التخرج بتسلمها بعدين لما تخلص او لو انت متخرج بتسلمها مع شوية المتطلبات اللي ذكرناها قبل كدا.
١١- كندا وامريكا الدكاترة في الجامعات بيفضلو الطلبة بتوع الدكتوراه عشان يضمن انك قاعد فترة تحت طوعه. وفيه نظام انك تبدا دكتوراه بعد البكالوريوس مباشرة لو حابب بيبقا في متطلب زيادة في حالة انك بتقدم في جامعة امريكية.
١٢- امتحان ال GRE متطلب لاستكمال الدكتوراه في امريكا وبعض الجامعات الكندية فلو مش حابب توجع دماغك قدم ماجستير ، بس عن تجربة كذا زميل ليا كانت نسبة قبولهم للدكتوراه اعلى من الماجستير في امريكا بالذات لما بيقدمو دكتوراه
١٣- طيب دلوقتي تواصلت مع دكتور ورد عليك وقدمت في الجامعة وخلصت كل حاجة على شهر يناير، بيجيلك الرد في شهر ٣ او ٤ بالقبول. والقبول بيبقا مفصل فيه المنحة بتاعتك سواء كانت شاملة مصاريف الجامعة والاقامة او مصاريف الجامعة فقط.
١٤- اغلب الوقت لو انت مسافر ماجستير هتبقا المنحة شاملة مصاريف الجامعة والاقامة عليك!! هتعمل ايه؟ عادي خالص هتكون محوش شوية فلوس عشان تعيش اول فترة لحد ما تلاقي شغل في الجامعة او برا الجامعة.
١٥- كل الدول بتسمح للطلبة انهم يشتغلو ٢٠ ساعة على الاكثر في السبوع فمتقلقش لان دول هيبقو كفاية انك تحصل مصاريف الاقامة كل شهر. طبعا يفضل الشغل جوا الجامعة لانها بتبقا اريح بكتير.
١٦- جالك القبول وعرفت تفاصيل المنحة بتبتدي تجهز للسفر عن طريق استخراج الفيزا ودي تفاصيلها بتبقا على حسب البلد وكل الجامعات بيبقا فيها لينكات بتساعدك على التقديم للفيزا دا غير فيديوهات اليوتيوب.
١٧- بالنسبة لكندا، ربنا كرمك وسافرت بتبقا معاك اقامة طالب حتى انتهاء مدة دراستك. بعد التخرج من الماجستير او الدكتوراه بتبقا مستحق انك تقدم على حاجة اسمها post graduation work permit. ودي مدتها من سنة الى ٣ سنين وفي الغالب لو مدة دراستك اكتر من ١٤ شهر بتاخد ٣ سنين
١٨- ال pgwp مفتوحة لاي شركة او حتى لو معندكش شغل بتقدم عليها عادي وبتاخدها. اعمل حسابك انك تدور على شغل قبل ما تتخرج عشان يبقا في حاجة مستنياك لما تخلص
١٩- نيجي للهجرة، الهجرة ليها متطلبات و ماشية بنظام النقاط والمجموع بتاع الثانوية. لو جمعت نقط كفاية هتقعد وتكمل في البلد عادي.
٢٠- لو معندكش اي خبرة شغل سنة كامله على الاقل يبقا انت لازم تشتغل سنة في كندا شغلانة كويسة مش اي حاجة وخلاص عشان تدخل تحت نطاق ال Canadian experience class.
٢١- اشتغلت سنة في كندا ومعاك شهادة كندية بتعمل اخر امتحان انجليزي ielts general او celpip ودا بيبقا سهل جدا
٢١- اشتغلت سنة في كندا ومعاك شهادة كندية بتعمل اخر امتحان انجليزي ielts general او celpip ودا بيبقا سهل جدا
٢٢- بتقدم ملف الهجرة بتاعك وفيه كل الشهادات وتواريخ سفرك في اخر ١٠ سنين و اثبات الخبرة بتاعت الشغل وفي خلال ٤ شهور بيبقا معاك حاجة اسمها permanent resident card ( بطاقة الإقامة الدائمة).
٢٣- ال pr دي بتخليك تدخل وتخرج من كندا زي ما انت عايز وبتخليك تتمتع بحقوق المواطن الكندي جوا كندا فقط زي مثلا الدعم في التعليم و العلاج الصحي المجاني والخ
٢٤- اخدت ال pr و قعدت في كندا سنتين بعدها يبقا الف الف مبروك يا فندم انت بقيت مستحق للجنسية الكندية وبتقدم عليها عشان تاخد الباسبور، للاسف الموضوع بياخد سنة تقريبا عشان تاخده بس انت كدا كدا استنيت كتير ما فضلش غير القليل 😅.
٢٥- انا اكيد مجمعتش كل حاجة هنا بس دا باختصار شديد الطريق الاسهل والمعروف للهجرة لكندا واسف للإطالة ولو حد عنده سؤال يتفضل.
جاري تحميل الاقتراحات...