مكان العمل
تطوير الحياة المهنية
تطوير الذات
التطوير المهني
نصائح لمقابلات العمل
نصائح الحياة المهنية
عملت انترفيو واتقبلت ف شغل؟ ألف مبروك. تعمل ايه ف فترة التجربة (Probation Period)؟ 🧵
2/10 - أول وأهم شيء لازم تركز فيه ان فترة التجربة زي سباق التحمل. ما تخلصش كل مجهودك ف الأول. لازم توزع مجهودك على المدة كلها وتخلص بأحسن ما عندك.
3/10 - إسأل مديرك من أول أسبوع عن ايه المتوقع منك خلال الفترة دي وايه عوامل نجاحك. حددوا سوا أهداف أول ٣٠ يوم و ٦٠ يوم و ٩٠ يوم. الطريقة دي هتساعدك تفهم انت بتتطور أد ايه. حاول تبقى صريح لو شايف انك مش هتعرف تخلص حاجة انك تقول بدري جدا.
4/10 - ركز في ان أي غلطة كبيرة ف أول كام أسبوع ممكن تنهي شغلك. الغلطات الخطر مش التقنية أد ما هي الغلطات الشخصية: بتتأخر على الاجتماعات (لو ف ألمانيا يبقى انك ماتبقاش ٢-٣ دقايق ف الاجتماع قبل ما يبدأ ومش معاك حاجة تكتب فيها ملاحظات او بتبص على موبايلك خلال الاجتماع).
5/10
- لو غلطت اعترف بغلطتك واشتغل عليها.
- متحطش لنفسك أهداف صعبة أو تعلي على توقعات مديرك بشكل كبير عشان تبان انك جامد. شوف التوقعات ايه ولو تقدر زود عليها شوية بس.
- لو غلطت اعترف بغلطتك واشتغل عليها.
- متحطش لنفسك أهداف صعبة أو تعلي على توقعات مديرك بشكل كبير عشان تبان انك جامد. شوف التوقعات ايه ولو تقدر زود عليها شوية بس.
6/10 - خد خطوة لقدام كل يوم، مش لازم تكون خطوة كبيرة لكن لازم كل يوم تطور وتتعلم أكتر عن بيئة ونظام العمل. ف المجال التقني اكتب documentation لما حد يشرحلك حاجة ملهاش documentation.
7/10 - لو مديرك معملش كده اطلب انت : اجتماع بينك وبين مديرك مرة كل أسبوع. ممكن بعدين يبقى مرة كل أسبوعين أو حتى كل شهر بس لازم تبقى قناة الاتصال دي مفتوحة. تجنب انك تتكلم ف المشاريع وركز على الكلام عن نفسك.
8/10 - حاول تتعرف على زمايلك ف الشغل، روح اتغدى معاهم او اشرب قهوة او اي حاجة بتحبوا تشربوها سوا عشان تعرفهم أكتر. ده هيساعدك جدًا ف الشغل وبرة الشغل. ده مهم جدًا لو رايح مدينة جديدة لانك زمايلك دول ممكن يتحولوا بسهولة لأصحاب وهيساعدوك تتعرف على المدينة بسرعة.
9/10 - أنا مش من المدرسة دي بس فيه مديرين بيحبوا الناس اللي بتسيب علامة قوية ف أول كام أسبوع. مثلا انك شفت مشكلة بقالها مدة، وبسبب ان ف أول كام أسبوع مفيش شغل كتير مطلوب منك رحت واخد غطس يومين تلاتة وحليت المشكلة. دي هتعلق مع مديرك وباقي الفريق. أنا مش من أنصار الطريقة دي لكن…
10/10 - فيه ناس بتعملها وبتفرق. أعتقد لو لقيت فرصة زي دي متسيبهاش تعدي بس ف نفس الوقت متسيبش الشغل اللي ف ايدك عشان تعمل كده.
جاري تحميل الاقتراحات...