1\10
من قتل رمزي عيراني؟
في بعض النخب غرامن يتفلسفوا على رب الناس ويدّعوا إنو يابا، هالشعب بيستاهل كل شي عم يصير فيه لأنه سكت على الظلم وعلى المنظومة والحكام. هيدا الحكي كله كذب وإفتراء وتزوير للتاريخ. منرجع شوي بالزمن عشرين سنة وعن رمزي عيراني اليوم رح نحكي.
من قتل رمزي عيراني؟
في بعض النخب غرامن يتفلسفوا على رب الناس ويدّعوا إنو يابا، هالشعب بيستاهل كل شي عم يصير فيه لأنه سكت على الظلم وعلى المنظومة والحكام. هيدا الحكي كله كذب وإفتراء وتزوير للتاريخ. منرجع شوي بالزمن عشرين سنة وعن رمزي عيراني اليوم رح نحكي.
2\10
رمزي عيراني كان مهندس ناجح وشخص عنده كاريزما قوية. كان مع القوات وقيادي بين الطلاب القواتيين. وبس للتذكير، في آخر التسعينيات القوات اللبنانية كانت ممنوعة، جعجع كان بالحبس، ومعظم قياداتها يا إما كانوا بالمنفى أو البعض منن صار مع المخابرات السورية.
رمزي عيراني كان مهندس ناجح وشخص عنده كاريزما قوية. كان مع القوات وقيادي بين الطلاب القواتيين. وبس للتذكير، في آخر التسعينيات القوات اللبنانية كانت ممنوعة، جعجع كان بالحبس، ومعظم قياداتها يا إما كانوا بالمنفى أو البعض منن صار مع المخابرات السورية.
3\10
رمزي كان من الأشخاص يللي عنده جرأة وحجة وقدرة على الإقناع والأهم، إنه كان محاور لبق وبارع. يعني حتى لو كنت خصمه أو ضده بالسياسة، غصب عنك رح تقعد تسمعله وتحترم رأيه وتستمتع بالخصومة معه. رمزي كان مواطن لبناني جريء ما يخاف يحكي شو ما كان الثمن غالي.
رمزي كان من الأشخاص يللي عنده جرأة وحجة وقدرة على الإقناع والأهم، إنه كان محاور لبق وبارع. يعني حتى لو كنت خصمه أو ضده بالسياسة، غصب عنك رح تقعد تسمعله وتحترم رأيه وتستمتع بالخصومة معه. رمزي كان مواطن لبناني جريء ما يخاف يحكي شو ما كان الثمن غالي.
4\10
في سنة 2000، أخدوه المخابرات (إيام جميل السيد) وحققوا معه وتركوه مع عضام وضلوع مسكورة. ومع هيدا ما كان يسكت ولا يخاف. هيدا كان بزمن إذا إبن مرا فتح تمه بكلمه على المخابرات السورية أو المنظومة الحاكمة، كان ينسحب من بيته ودغري على التعذيب بالحبس على البلانكو.
في سنة 2000، أخدوه المخابرات (إيام جميل السيد) وحققوا معه وتركوه مع عضام وضلوع مسكورة. ومع هيدا ما كان يسكت ولا يخاف. هيدا كان بزمن إذا إبن مرا فتح تمه بكلمه على المخابرات السورية أو المنظومة الحاكمة، كان ينسحب من بيته ودغري على التعذيب بالحبس على البلانكو.
5\10
أمثال رمزي ما كانوا قلال، بس مع الإيام قلوا كتير لأن الحبوس والمعتقلات كانت تضل مليانة. مثلاً، عندي صديق أخدوه المخابرات على المزة، وضله تحت التعذيب 21 يوم لحد ما آخر شي والده إنهار وراح عند بهية حريري وطلب الرضا وأعلن الطاعة، وخلال 5 دقايق، بتلفون زغير من الست طلع الصبي.
أمثال رمزي ما كانوا قلال، بس مع الإيام قلوا كتير لأن الحبوس والمعتقلات كانت تضل مليانة. مثلاً، عندي صديق أخدوه المخابرات على المزة، وضله تحت التعذيب 21 يوم لحد ما آخر شي والده إنهار وراح عند بهية حريري وطلب الرضا وأعلن الطاعة، وخلال 5 دقايق، بتلفون زغير من الست طلع الصبي.
6\10
أما رمزي، فكان عنيد. نزل ضد السلطة بإنتخابات نقابة المهندسين وربح ضد مرشح الحزب والقومية وكانت بهدلة وإذلال للمنظومة الحاكمة إيام الرئيس بطل العالم بالسباحة إميل لحود. وفي 7 أيار 2002 نزل رمزي على شارع الحمرا، وكانت آخر مرة حدا شافه عايش.
أما رمزي، فكان عنيد. نزل ضد السلطة بإنتخابات نقابة المهندسين وربح ضد مرشح الحزب والقومية وكانت بهدلة وإذلال للمنظومة الحاكمة إيام الرئيس بطل العالم بالسباحة إميل لحود. وفي 7 أيار 2002 نزل رمزي على شارع الحمرا، وكانت آخر مرة حدا شافه عايش.
7\10
رمزي نخطف من حد بيتي بوقتا، ويللي كمان كان حد مركز المخابرات السورية بالحمرا، بمنطقة إذا النملة قالت كلمة عن بيت الأسد كانت تنسحب من تحت سابع أرض ويتحقق معها تحت التعذيب لحد ما تعترف بكل الجرايم بما في ذلك جريمة إغتيال الرئيس كينيدي.
رمزي نخطف من حد بيتي بوقتا، ويللي كمان كان حد مركز المخابرات السورية بالحمرا، بمنطقة إذا النملة قالت كلمة عن بيت الأسد كانت تنسحب من تحت سابع أرض ويتحقق معها تحت التعذيب لحد ما تعترف بكل الجرايم بما في ذلك جريمة إغتيال الرئيس كينيدي.
8\10
المهم، المخابرات وجميل السيد والمنظومة نكروا وعملوا حالن ما معن خبر، لحد ما بلشت المنظمات الحقوقية الدولية تعلي الصوت والضغط. وفجأة بعد حوالي أسبوعين ظهرت الجثة في السيارة على الروشة (كمان قريب على مركز المخابرات). وبلشت التحقيقات.
المهم، المخابرات وجميل السيد والمنظومة نكروا وعملوا حالن ما معن خبر، لحد ما بلشت المنظمات الحقوقية الدولية تعلي الصوت والضغط. وفجأة بعد حوالي أسبوعين ظهرت الجثة في السيارة على الروشة (كمان قريب على مركز المخابرات). وبلشت التحقيقات.
9\10
طبعاً التحقيق متل العادة بس تكون المنظومة هي المجرم، بلا نتيحة. يعني على شوي جميل السيد كان رح يتهم رمزي إنه انتحر وحط حاله بصندوق السيارة وراح بالسيارة على الروشة. بس جميل طلع أذكى من هيك. لليوم بعده عم ينظر بمؤامرة إنه رمزي نقتل لأسباب عاطفية وخبريات سعدنة ما بتخلص.
طبعاً التحقيق متل العادة بس تكون المنظومة هي المجرم، بلا نتيحة. يعني على شوي جميل السيد كان رح يتهم رمزي إنه انتحر وحط حاله بصندوق السيارة وراح بالسيارة على الروشة. بس جميل طلع أذكى من هيك. لليوم بعده عم ينظر بمؤامرة إنه رمزي نقتل لأسباب عاطفية وخبريات سعدنة ما بتخلص.
10\10
إيام السيد والمنظومة، ثمن الكلمة كان حبس وتعذيب وقتل. كان عهد الرعب، والناس كانت تخاف ولادا تحكي كلمة وما ترجع على البيت لتنام أو تعيّد مع عيالا. ورمزي كان من يللي دفعوا حياتن ثمن مواقفه. الناس ما كانت ساكتة. الناس كانت مرعوبة. عن روح رمزي وكل يللي راحوا: المجد لمن قال لا.
إيام السيد والمنظومة، ثمن الكلمة كان حبس وتعذيب وقتل. كان عهد الرعب، والناس كانت تخاف ولادا تحكي كلمة وما ترجع على البيت لتنام أو تعيّد مع عيالا. ورمزي كان من يللي دفعوا حياتن ثمن مواقفه. الناس ما كانت ساكتة. الناس كانت مرعوبة. عن روح رمزي وكل يللي راحوا: المجد لمن قال لا.
جاري تحميل الاقتراحات...