ثريد لأي بت بتسكت وتاكلها ف حنانها عشان خايفه انو ماف زول يقيف معاها ولأي متحرش تافه يدو عايزه قطع 👌🏾.....
قبل امس اللي هو يوم الاتنين خلصت يوم طويل جداً من جامعه ل شغل ل غيره وراجعه ع بيتنا عادي جداً .. ركبت شريحه من العربي ماشه 13 .. ع يدي اليمين جهة الشباك قاعد راجل في اواخر الاربعينات ..وانا بحكم اني جايه من السوق ومقضيه خيوط ومتيريال للشغل ف اكياسي كانت كتيره بالاضافه ل شنطتي ١
.. ختيت اغراضي كلها ف رجولي وقعدت وم احتجت اني احجز ليهم مقعد ..من العربي احد كبري المنشيه انا حاسه ب حاجه غريبه بس افتكرت دي اكياسي او شنطتي لكن في لحظه حسيت انو الوضع م طبيعي والكلب الجنبي م ظاهر عليهو اي شي ..بكل حسن نيه رفعت اكياسي بحركه سريعه عشان اشوف دا شنو العايز يقع مني2
اكتشفت ف اللحظه دي انها يد الراجل الكبير الم بخجل الجنبي .. وقفت العربيه واصريت انو ينزل وم يواصل كان ردة فعلو( دي منفسنه وقليلة ادب !!) والناس المعاي كأن على رؤوسهم الطير اكتفو ب انهم يقولو لي ( خليهو معليش اركبي قدام!!) وهو ولا جابو خبره ..
بعد بكا ورجفي قررت انو الكلب لازم يتادب 👌🏾 اتصلت ع اخوي كان بعيد لكن رسل لي اصحابو ( رجال جد جد) مسافة قطعت الكبري لقيتهم ف وشي .. وطبعاً الكلب عايز يهرب ونزل ف مثلث الجريف لكن وين !؟ انا ركبت راس انو ينجلد .. نزلت معاهو وبقيت ف رقبتو لحد م بعد دقايق م بتتعد وصلوني اصحاب اخوي..
ولسوء حظه وربنا غالباً رايد ليهو توبة ع يدي الشارع كلو دقاهو م بس اصحاب اخوي والتحيه من هنا ل صاحب الركشه النزل ليهو ب عكاز🤣 .. بعد نص ساعه او اقا وصل اخوي اداهو دقه تانيه وولاسف يد اخوي اتكسرت ف وش المتحرش الوسخ دا .. بعد داك عساكر المرور والشرطه الكانو واقفين ..
كلهم اصرو اني اوديهو بعد الدقه دي القسم وافتح فيهو بلاغ عشان يتادب كويس.. وديناهو القسم وبعد جرجره اعترف التافه ب عملتو و كان مرمي جنب رجولي زي الكلب وبعتذر عشان اخليهو يمشي ف حال سبيله .. غالبا ً العيان دا تاني م ح يركب مواصلات🤣🤣 واذا ركب مواصلات ح يقيف شماعه للابد
الخلاصه ي بنات م تخلو حقكم لو ناس المواصلات ولا الشارع م وقفو معاكم اخوك ود جيرانك ود عمك المهم راجل يعلقو ليك علقة محترمه عشان تاني م يرفع عينو من الارض .. وانتو يا اخواني نحن لمن نشكي من زول م بنشكي عشان دايرين موضوع لانو دي م حاجه يتموضعو بيها ف عليكم الله خلو موقفكم تجاه ..
تجاه الكلاب ديل واضح عشان نحن تعبنا من البهدله والنفسيات دي ... وحقيقي انا لو لقيت زول شاكلو ساي ف العربيه كنت شويه اتفشيت وم كنت صعدت الموضوع للمرحله دي لكن ف النهاية يستاهل م جاه ...
والعواليق القال لي يابت اسكتي دي سمعه ليك انتي ربنا مرقو زاتو من الدقه مع الكلب داك 👌🏾
لأول مره ف حياتي انبسط ب منظر زول حرفياً مرمي في نص الظلط وبيدقا زي الكلب والكلب اشرف واعز
المتحرش التافه قبل م يصلوني اخواني زاتو واول م نزلنا من العربيه شبكني بتي قدرك وبتي عندها كانسر!!!🙂
جاري تحميل الاقتراحات...