موضوع تيليبيرفورمنس مرعب بس أنا مش متفاجئة بصراحة. بعد ما اتخرجت روحت زي أي حد بيعرف انجليزي و لسة متخرج اشتغلت في فودافون UK و كانت مهزلة.
قعدت هناك شهر التدريب و حوالي شهرين شغل و مشيت من هناك بالقولون العصبي و شبه قرعة (هحطلكوا صورة) و عندي مشاكل نفسية و عضوية.
تعالوا أحكيلكم
قعدت هناك شهر التدريب و حوالي شهرين شغل و مشيت من هناك بالقولون العصبي و شبه قرعة (هحطلكوا صورة) و عندي مشاكل نفسية و عضوية.
تعالوا أحكيلكم
الراجل إللي كان المدرب بتاعنا كان شايف إنه أفشخ حاجة علشان متعلم برة و معاه BMW فا كان مستنينا كلنا نقلع و نقوله تعالى نيkنا. كان بيبص على صدرنا و يقول "هبلغ عنكوا الاتش آر علشان مش ملتزمين باللبس المحترم بس ممكن نكون حبايب" و كرر الموضوع لدرجة بنت جالها قرحة من كتر الضغط العصبي
و مرة جيه يضايقها فا وقفت و قلتله كفاية وساخة قام قاللي "كنت عارف إنك شِمال من الأول" و مشى في الشركة كلها يقول إن أنا و البنت بننام مع بعض و دليله كان "محدش مننا جيه سكة لما حاول معانا" علشان أكيد لما منجيش سكة معاه فا إحنا أكيد مثليات علشان مفيش مرا متحبوش يعني.
و كان عندنا بنت في التيم كانت للأسف مدمنة. و طبعا مكانش فيه تحليل بيتعمل للموظفين علشان محتاجين عدد ناس كبير.
البنت مرة جت و هي مأڤورة و جالها نوبة صرع و كانت على وشك تبلع لسانها. مكانش عندنا دكاترة في المكان و أنا كان وقتها واخدة تدريب إسعافات أولية فا لحقتها لحد ما الاسعاف جت.
البنت مرة جت و هي مأڤورة و جالها نوبة صرع و كانت على وشك تبلع لسانها. مكانش عندنا دكاترة في المكان و أنا كان وقتها واخدة تدريب إسعافات أولية فا لحقتها لحد ما الاسعاف جت.
لما الاسعاف جت نزلت معاها علشان اقول للمسعف بيني و بينه ميديهاش اي دوا يعمل مضاعفات مع المخدر إللي في جسمها و هقوله بالحب ميبلغش حد لحد ما نعرف هيحصل إيه. هي قعدت تعيط و تبوس إيدي و ساعتها المدرب العrص دة سمعنا و قعد يقولي أبلغ عنها الاتش آر علشان يرفدها. رفضت و قولتله مش هعمل دة
و قولتله عايز تحلل لنا اتفضل بس مش هبلغ عن حد بعينه خصوصا إن البنت كانت في حالة وحشة فعلا و إتحايلت عليا و عيطت. قام طبعا عملي مشكلة و قال للإدارة إني "متسترة" على فضايح في التيم و عملولي تحقيق. برضه مقولتش حاجة و قولتهم شاكين في حاجة حللولنا كلنا بس أنا معرفش و مش هبلغ عن حد.
محللوش و معملوش حاجة لحد بس كان مش طايقني و وصى التيم ليدرز يبيضوا عليا و حطوني في شيفتات دي الخرا و كنت بروح الفجر. وقتها مكانش ينفع أمشي علشان أنا بصرف على نفسي و معنديش أوبشن تاني.
فا كملت. جابولنا تيم ليدر كان حقيقي طيب و لطيف بس كان فسوخة و لما بنشتكي من حد مش بيعمل حاجة
فا كملت. جابولنا تيم ليدر كان حقيقي طيب و لطيف بس كان فسوخة و لما بنشتكي من حد مش بيعمل حاجة
كنت بصراحة "شاطرة" و بجيب كل يوم للتيم بال ٥ فيد باك كويس بس جيت يوم ست مجنونة أول ما قلت ألو زعقت فا اعتذرت و قولتلها خلينا نقتح الأكونت و هحل المشكلة قامت قافلة في وشي و ادتني فيد باك وحش و قالت إني قفلت في وشها. قام التيم ليدر جاي مزعقلي قدام الناس من غير ما يسمع المكالمة.
طبعا فشخته و قولتله يسمعها الأول قبل ما ييجي يجعر و خليته يعتذر لي قدام الناس زي ما زعق لي قدامهم.
بس مثلا مرة ثانية ولد كان فركش مع حب عمره و جيه الشيفت بيعيط و أخد كول معرفش يكملها فا أخد برضه فيد باك وحش قام التيم ليدر قاله "انت حمار" بصوت عالي قدام الفلور كله.
بس مثلا مرة ثانية ولد كان فركش مع حب عمره و جيه الشيفت بيعيط و أخد كول معرفش يكملها فا أخد برضه فيد باك وحش قام التيم ليدر قاله "انت حمار" بصوت عالي قدام الفلور كله.
مرة تانية جالي panic attack على الكول علشان وقفوا حواليا ٧ أشخاص من دفعة جديدة علشان يتعلموا الشغل يعني.
قمت روحت الحمام و قعدت على الأرض بصرخ. ساعتها الكواليتي تيم كلم الليدر بتاعي قالوله بالحرف "التليفون رقم ٦٧ عندك واخد بريك و دة مش وقت البريك و لو مرجعش هنرفده"
قمت روحت الحمام و قعدت على الأرض بصرخ. ساعتها الكواليتي تيم كلم الليدر بتاعي قالوله بالحرف "التليفون رقم ٦٧ عندك واخد بريك و دة مش وقت البريك و لو مرجعش هنرفده"
كانوا بيقولوا علينا "التليفون رقم كذا" مش اسمنا ولا حتى بيشيروا لينا كشخص. هو بصراحة قالهم البنت تعبانة و شرح الموقف فا قالوله "مش مشكلتنا. تتصرف يا هي يا غيرها. التليفون يشتغل خلال دقيقة" قام بصراحة قاعد مكاني أخد المكالمات لحد أخر الشيفت.
بس يعني ساعتها كنت خلاص مينفعش أكمل أكتر من كدة. روحت البيت و كلمت التيم ليدر قولتله عايزة أستقيل قام معيط 😃
قعد يقولي إن أنا من أشطر الناس و معلش أحاول تاني و هو هيساعدني و وعدني إنه هيمسكني escalations calls و دي مبتبقاش مكالمات كتير و بيبقى ناس عايزين يكلموا مدير.
قعد يقولي إن أنا من أشطر الناس و معلش أحاول تاني و هو هيساعدني و وعدني إنه هيمسكني escalations calls و دي مبتبقاش مكالمات كتير و بيبقى ناس عايزين يكلموا مدير.
فعلا رجعت يومين عملت كدة و كنت طول اليوم باخد مثلا ١٧ مكالمة (اليوم العادي كان ٥٥-٧٥ مكالمة) فا كنت تمام بس هو بعد يومين قرر يرجعني مكالمات عادي قولتله مش راجعة و عايزة أمشي. يدأ يهددني إن كدة هكون blocklisted من فودافون في العالم كله علشان معملتش إخطار ٣٠ يوم قبل ما أمشي
و هي أصلا ماشية بالحب و كل الناس بتمشي و محدش بيتعمله بلوك (بلوك ليست يعني معرفش اشتغل في أي فودافون تاني) بس قولتله هو مش بلوك من الجنة يعني كىىىمها في تيزها يا كابتن. قاللي طب تعالي بكرة سلمي ال ID و كدة. روحت تاني يوم قعد يعيط علشان أخد calls تاني و يتحايل عليا
أخدت كول و قعدت أتكلم عربي مع الكاستومر و قولتله مش بفهم انجليزي و التيم ليدر طبعا اتجنن قولتله لو فضلت مقعدني عافية هفشخلك الكواليتي و دة إللي عندي 😃 فا قاللي خلاص إمشي و قاموا جايبين لي واحد يعمل لي "quitting interview” علشان يعرف ليه عايزة أمشي بس الغرض الحقيقي كان علشان أقعد
أو يعني يقنعني أقعد. قولتله بصراحة انتوا شركة وىىىخة و حصل كذا و كذا و كذا قاللي بكل عنطزة بما معناه يعني إمشي و هنجيب ١٠ غيرك قولتله و قصادهم هيمشي ٢٠ و هتلاقي نفسك بتتكلف كل شوية تدريب جديد علشان مش راضيين تغيروا طريقتكوا الوىىىخة دي و مشيت.
الصورة أم أبيض دي قبل ما أروح أشتغل هناك باسبوع و الصورة التانية يوم الاستقالة. شعري كان وقع تماما و شبه اتقرعت ناحية اليمين، وشي كله حبوب، عندي القولون العصبي، نوبات الهلع في أعلى حالاتها (وقتها)، بشرب سجاير ٣ علب في اليوم، طخنت ١٣ كيلو علشان بقعد في الشرع طول اليوم باكل زبالة.
كل دة حصلي خلال ٣ شهور بس و كنت صغيرة و معنديش مثلا بيت و عيال و كان قبل التعويم (٢٠١٥). مش متخيلة الناس إللي مضطرة تقعد مدة كبيرة و عندها مسؤوليات كبيرة. أتمنى من كل قلبي المنظومات دي تغير سياساتها علشان أكيد أوكيه إحنا محتاجين خدمة عملاء بس مش علشان يساعدونا لازم كم الأذية دي.
ربنا يرحم الراجل إللي اتوفى دة و يصبر أهله و حبايبه. و أتمنى من كل قلبي المدير المسؤول دة يتبهدل و ياخد جزاءه و أتمنى الشركات الأم تراجع سياستها و تعدلها و بعده تراقب إللي بيحصل في الشرق الأوسط و تعدله.
و أخيرا ربنا ما يرميكوا على المُر ولا الأمر منه.
و أخيرا ربنا ما يرميكوا على المُر ولا الأمر منه.
اه صحيح نسيت. كان فيه بنت أُغم عليها و مديرها رفض إنها تقوم من على التليفون و فضل ملبسها السماعة و حط بريك على السيستم و فضل واقف جنبها و أول ما فتحت عنيها قام مدخل ليها مكالمة و هي عمالة تعيط و تقوله مش قادرة و هو قعد يرزع لها على ظهر الكرسي و يقولها تبطل مرقعة🙂
جاري تحميل الاقتراحات...